الجزء 20

معتز:اووه نورهان💕

نورهان:معتز كيفك😒

معتز:ح تفضلي طول عمرك تتكلمي معاي بالطريقه دي يعني..ي بت انا ود خالتك و اخو خطيبك حاولى تتأقلمي مع الموضوع ده شويه😂

نورهان:و الله انا م شايفه سبب يخليني أستحملك😊و بعدين حتي لو اخوو خطيبي أظن انو الموضوع م خطير(و مشت)

معتز:(قبل تنزل مسكا من يدها)عايز أسألك سؤال

نورهان:ياخ م تلمسني طيب..و بعدين سؤال شنو ده ان شااء لله!

معتز:نرمين لسه ف المستشفي؟!..

نورهان:(سكتت مسافه)و انتا ليه بتسأل؟!..

معتز:بت خالتي و حابب أطمن عليها

نورهان:بت خالتك؟!..انتا شكلك نسيت انو بسببكم أنتو هيا حسي شبهه ميته😡

معتز:لا كده بزعل💔لانو هيا شبهه ميته بسببك ابوك م بسببي

نورهان:انتا الكنتا بتعبي ف راس ابوي😡

محمد:ي اولاد مالكم

نورهان:ابوي💔(بتوتر كده)

معتز:اووه ي عمو..و الله بت خالتي دي الأيامات دي أخلاقا كعبه..مزعلنها و لا شنو😂

محمد:مالك ي نورهان😒

نورهان:انا..بس..

معتز:(قاطعا)انا سألتا من أخبارا مع الزهج و قعده البيت بس..

محمد:ايوه..طيب يلا أنزلو الناس راجنكم تحت

معتز:تمام..(أستنا لمن ابو نورهان نزل بعدين عاين لنورهان..)انا لو عايز بعبي ف راس ابوك تاني و أوديك ف 60 دهيه عشان كده خليك معاي أخير ليك😉(و نزل)

نورهان:ي تافهه..ربنا يصبرنا بس قبل م أرتكب فيك جريمه💔..

عنده نرمين:

احنا مشينا مطعم ظريف و أكلنا و انا اصلا كنتا ساكته و ناس آسر بتونسو و يضحكو و بيحاولو يطلعوني من الجو الأنا فيهو..قبل المغرب كده مشو و نزلوني انا و آسر ف عماره ظريفه كده و كبيره..

آسر:تسلمو ع كل حاجه❤

أحمد:بكره بنتقابل و نشوف خطوتك التانيه شنو

كمال:بس أوعك تخطط لشي من غيرنا فهمتا!

آسر:(بقا بضحك..)م تخافو بوريكم اي شي(و ودعم و طلعنا الطابق التالت..كان ف كل طابق ف شقتين..فتح الباب و دخلنا..صراحه عمري م اتوقعتا أثق بزول للدرجه دي..بس كميه الطمأنينه البتجيني و انا مع آسر كانت بتخليني أنسى كل أنواع الحقاره الشفتها ف الدنيا دي❤)

دخلتا الشقه و بقيت بعاين ليها..صراحه كانت حلوه شديد و مفروشه بطريقه ظريفه..ف 3 غرف و حمامين و بلكونه حلوه شديد..طلعتا وقفتا فيها و كان الجو بجد حلو و الشمس ح تغيب..و الشوارع شبهه فاضيه..

آسر:حلو المنظر من هنا صح

نرمين:حاسه نفسي حره❤

آسر:انتى فعلا حره..و الدليل على كده أنك واقفه من غير زول يقيدك و يقول ليك أعملى شي..

نرمين:نفسي أصرخ و الدنيا تسمعني

آسر:لو عايزه تصرخي صرخي❤

نرمين:عايزه أصرخ بعد اجيب القتل بتي..عايزه أصرخ بعد أحسه نفسي فزتا

آسر:انتى ح تفوزي،و ح تصرخي...و اعتبري وعد من..

نرمين:(قاطعتو)المره الفاتت كان من دكتور لمريضتو💔

آسر:(بقا بضحك)المره دي من راجل لمرتو..❤

"غريبه الحياه..تقذف بنا أمام من لا نتوقع،فينتهى المطاف بأحدى الطرق غير المتوقعه..كأحجيه يصعب حلها..انا و انت و الحياه ثالثنا"💕

ريان وقفت قرايه و الفجر كان أذن..مشت صلت و قرت قرأن بعدها رقدت شويه و نامت زي ساعتين كده و صحت لقت عائشه بتجهز ف الشاي..

عائشه:أشربي عشان نمشي بيت ناس عموو الضي قالو أنو ح ينزلو ابوك هناك و شيلي غيار عشان كلكم ح تبيتو هناك..

ريان:(م اشتغلتا بيها و م رديت عليها اصلا حتى هيا استغربت..شلتا عملتا نسكافي و شربتا💕بعدها دخلتا غرفتي شلتا لي لبستين كده و الروايه و ختيتم ف شنطه..)

عائشه:ي ريان يلا مروان واقف بره

ريان:..(طلعتا و ركبتا وره و عائشه ركبت قدام..)

مروان:(عاين لي بالمرايه لقا عيوني منفخه و شكلي تعبانه شديد)ريان انتى كويسه

ريان:(عاينتا ليهو و م رديت..شغلتا تلفوني و ركبتا السماعه و فتحتا قرأن و عليت الصوت و أتكيت على الشباك و للحظه وقفتا تفكير نهائ و حسيت براحه نفسيه عجيبه..فعلا زي م بقولو أحسن هروب أنو نهرب للقرأن..❤)

وصلنا بيت ناس مروان و دخلتا سلمتا عليهم كلهم..ابوي كان لسه م وصل..

الضي:البيت بيتك ي ريان طلعي هدومك و تعالي ف الوقت ده مازن بكون جاب ابوكي و جا

ريان:طيب(طلعتا ختيت حاجاتي و انا نازله لقيت مروان طالع..)

مروان:ريان

ريان:(عاينتا ليهو و سكتا..جيت عايزه أنزل مسكني من يدي)مالك ي مروان!

مروان:انتى الفي شنو؟..

ريان:(سكته مسافه)طيب وصلتا وين ف الروايه انتا؟!..

مروان:كيف؟!..

ريان:وصلتا وين سؤال واضح!

مروان:(بأستغراب)لمن نرمين اتزوجت آسر

ريان:حلو طيب..عارف منو الوقف مع آسر ف الموضوع ده صح؟!..كمال و أحمد..رغم العملو كان جنون بس هما أتفهمو الحاصل و وقفو معاو..هما كمان أتخطو المعقول و ساعدوهو..و انتو!..(و سكته)

مروان:ريان ف فرق

ريان:ايوه في طبعا..هما م فكرو غير بالضغوطات الماره بصحبهم و انتو م فكرتو غير بالحاجات الفي راسكم(و نزلتا طوالي..صراحه كنتا زهجانه شديد..صح انا عارفه انو هما خايفين علي بس انا كنتا مستنيه كتف أستند عليهو حتى و انا ماشه ف الغلط..و للأسف م لقيت..)

"بقولو الأصحاب بنلقاهم وقت الفرح و وقت الشده بس انا بقول الأصحاب بنلقاهم وقت الغلط و وقت الصح..بنلقاهم لمن

نكون شبهه الملائكه او لمن نكون شبهه الشياطين..الأصحاب دايما جمبنا م ف كل حالتنا بل ف كل أشكالنا.."💙

نزلتا و بقيت بساعدم ف الطبيخ و كده لمن م جا ابوي..سلمتا عليو و أنبسطا شديد لأنو حسيت بيهو كويس❤

قعد و أتونس معانا و كان بضحك و مع كل ضحكه كان قلبي بوجعني لأني كنتا عارفه انو بكذب..كنتا عارفه أنو بتألم..بقولو انو الإنسان البتحبو بتعرف شعورو من عيونو و انا كنتا متأكده انو تعبان💔بعد م اكلنا ابوي طلع غرفه من الغرف الفوق ينوم و طلعت معاهو أمي و انا طلعتا بره عشان أشم شويه هواء لانو بجد تعبانه..و أثناء م واقفه سمعتا مازن بتكلم بالتلفون..

مازن:غفران أسمعيني انا م بقدر أتراجع بعد م اتكلمتا مع ابوي و عمي..و بعدين هيا أصلا م ناقصه..ي غفران ابوها عيان لو م كده كان زمان سبتها بس م ح أقدر أسيبا و هيا ف الوضع ده..ياخ م بحبها انا م بحبها إنتى م بتفهمي😡..

صراحه الدنيا ضاقت بي💔حسيت بجد أنو قلبي أتكسر حتت عديل..دخلتا البيت و طلعتا الغرفه طوالي و بقيت ببكي😭ياخخ كميه البكا البكيتو م طبيعي..بعد نص ساعه كده دخلت لي عائشه...

عايشه:ريان😢(و حضنتني)اهدي خلاص..

فضلنا ع الحاله دي لمن م نمتا..و صحيت ع أذان المغرب كده..اتوضيت و صليت و م كنتا عايزه اطلع من الغرفه اصلا..بقيت قاعده و بقره قرأن لمن م سمعتا باب غرفتي فتح قبلتا لقيتو ابوي..

عوض:ريان❤

ريان:(قمتا و مشيت حضنتو و بقيت ببكي تاني😢❤)ابوي عليك الله م تخوفني عليك تاني😢

عوض:(بقا بضحك)تعالي تعالي(و قعدنا ف السرير و هو كان بهبش ف شعري❤)تتذكري لمن كنتى شافعه أمك كان ف يوم تعبت شديد و وديناها المستشفي..

ريان:و كيف أنسى😢

عوض:وقتها انتى كمان تعبتي لانو م كنتى بتاكلى و كنتى دايما بتبكي..متذكره قلتا ليك شنو!

ريان:"الحياه م ح تقيف ع زول و ح تستمر..لو عايزه تعيشي يبقا لازم تقوى"

عوض:بالضبط كده💕طيب وين بتي القويه دي حسي؟!..

ريان:ابوي انا حاسه انو ف حاجه بتضغط على قلبي و بتوجعني شديد💔

عوض:الحاجه البتوجعنا لازم نبعد منها بس بعد نواجهه ي ريان..انتى لو م واجهتي م ح تفوزي

ريان:مرات المواجهة بتكون خساره لينا

عوض:عمرو المواجهة م كانت خساره هيا دايما فوز بس من نوع تاني..

ريان:يعني أعمل ايه؟..

عوض:انا عارف انو ف موضوع تاني ف بالك غير موضوعي..العايزك تعمليهو أنك تمشي و تتهوري..يعني لو عايزه تدي كف للزول الزعلك ده أديهو المهم أنك ترتاحي..

ريان:انا بححبك❤

عوض:(باسا ف راسا)و انا بموت فيكي❤يلا ح أخليك حسي شويه فكري بكلامي ده و بعدين أنزلي..

ريان:طيب❤

بعد ابوي نزل فكرتا و لقيت أنو فعلا هو م مستاهل أزعل للدرجه دي...و قررتا أعمل زي م قال أبوي و أتهور و فعلا نزلتا لقيتهم كلهم قاعدين و مازن و مروان كان بعاينو لي لانو ظاهر من عيوني انو كنتا ببكي..

أبتسام:اووه مرت ولدي💕

ريان:معلش ي خالتو م مرت ولدك!(كلهم بقو يعاينو لي بخلعه كده..)و لا م كده ي مازن؟!..

مازن:ف شنو ي ريان؟!..(بخلعه)

ريان:ف شنو!(و بقيت بعاين لأبوي..)

عوض:(ابتسم لي نظام كملى كملى..❤)

ريان:اوريك ف شنو!ف أنو انتا نزلتا من عيني شديدد..و أنك فعلا م راجل

عائشه:ريان😳

ريان:انا عمري م فرضتا نفسي عليك..صح كنتا بحبك بس نهائ م قلتا ليك عارف ليه؟!..لانو انا بحب نفسي أكتر مما بحبك..و م بقبل الإهانه لنفسي..انتا مشيت لأبوي و ابوك و قلتا ليهم انا عايز ريان و العيله كلها عرفت و زي م قلتا ليهم كده ليه حسي م قادر تقول ليهم إنى كنتا بلعب ساي و حسي عايز أسيبا!..

الضي:(بقا بعاين لمازن بخلعه)مازن الكلام ده بجد

ريان:لا خليني أتم ي عمو..ولدك م قادر يسيبني عشان مرض ابوي بس حابه اوضح نقطه..ابوي عمرو م كان نقطه ضعف لي هو دايما نقطه قوه❤خلي غفران دي تنفعك و لو بتقدر خليها تحبك ربع الحب الأنا كنتا بحبو ليك بس م ح تقدر و لاحظ لكلمه كنتا لانو حاليا انتا ود عمي و بس و ي ريت تاني تتعامل معاي على الاساس ده و بس..(مشيت عشان أطلع فوق تاني جيت راجعه)عارف أنا أقوى منك لانو ف اللحظه دي انا قلتا كل العايزه أقولو قدام الناس دي كلها بس أنتا طول عمرك ح تفضل ضعيف لانك م عارف نفسك عايز شنو اصلا😊(و طلعتا فوق طوالي..)

"نحتاج أن نواجهه أحيانا..ف المواجهة أنتصار من نوع أخر"💕