الجزء 30

ريان:(بستو ف راسو..)ربنا يخليك لي و بس❤

عوض:امين😂يلا يلا انا ماشي اقعد مع عمك ده شويه(و نزل طوالي)

ريان:(اثناء م بفكر ف كلام ابوي مازن ضرب لي..)حسي انتا نوري و لا ظلامي؟!..(م عارفه بس حاجه جواتي قالت لي م تردي و فعلا ختيت التلفون و م رديت و مسكتا الروايه عشان أتمها لانو عايزه اعرف نهايتا بأي طريقه..)

معتز:الأنتى كنتى بتحبي كان بيدخل قروش حرام ف بيتكم..البيت القلتي لي مليان حب و كلام خارم بارم..يوسف هدم حبكم ده كلو عشان القروش بس..

نرمين:😭كذب

معتز:لو م عايزه آسر تكون نهايتو زي نهاية يوسف ح تمشي معاي و ح تعملى البقولو كمان..

نرمين:آسر م عندو دخل ف الموضوع

معتز:عشان كده ح تمشي معاي و من غير تقولي كلمه

نرمين:..

معتز:أظن أجابتك وصلت😉ساعتين كده و ح نطلع من هنا نمشي المطار(و طلع)

نرمين:(بقيت ببكي و م عارفه أعمل ايه😭و بعاين للمخزن لمن وقعت عيني على حاجه حاده وره كيس شوال كده..)م بقدر أمشي انا..(بقيت بفكر و مشيت شلتها كانت تقريبا زي قزازه بتاعت الببسي ديك..)م ح أخلى قرايتي ديك كلها تضيع ساي..(يلا انا أصلا كنتا بقره طب و كنتا ف اخر سنه لي..كنتا عارفه تماما أنو ف شراين ف اليد بتأدي للموت و ف شراين فرعيه لو أتقطعت لمده ساعه ونص م بتأثر بس لو بقت لاكتر من كده ممكن تأدي للموت)ح اجازف ع القليله كده آسر بياخذ وقت أطول عشان يلقاني..

عنده آسر:

آسر:انتو لمن حسي م عملتو شي..مفروض تلقوها

عمر:آسر اهده كدي لسه ساعتين م تمت من م اخذا

آسر:لا يعني تتم ساعتين كمان😡

عمر:آسر انا عارف..

آسر:انتا م عارف شي..نرمين م لازم يحصل ليها حاجه فهمتا

كمال:طيب هو قال ليك شنو تاني

آسر:م عارف بس كان بتكلم أنو المكان الهو فيهو مستحيل اتوقعو

احمد:معناتا ده مكان انتا عارفو

نورهان:سامي اختي وين😢

أحمد:سامي فكر هو وين ممكن يختها

سامي:انا بجد م عندي فكره..معتز تفكيرو مستحيل زول يقدر يتوقعو

آسر:انا واقف هنا و م بيدي حاجه..م قادر أصدق!

عنده نرمين:

سوسن فتحت الباب عشان كان جايبه لي مويه..

سوسن:(اول م فتحت الباب بقت تصرخ)نرمين😳ي دكتوره ابتهال

ابتهال:ف شنو!(و مشت عليها سريع)مالك ي بت(و عاينت لي لقتني غرقانه بالدم..)نرمين😳

معتز:(جا داخل)لا لا م ينفع تموتي(و مشا عليها)نرمين💔

سوسن:ح تموت😭دي م أول مره تقطع شراينا و كمان ف نفس اليد

ابتهال:لازم نوديها المستشفي البت ح تموت

معتز:لا م ينفع نهائ كمان😡

سوسن:انتا مجنون البت بتموت😡

معتز:بجيب ليها دكتور بتصرف انا بس اسكتو💔(و مسك تلفونو و يدو كان بترجف..)

سوسن:البت ح تموت💔(و طلعت فوق..)م بقدر م بقدر(و مسكت تلفونا ضربت لآسر..)

عمر:تلفونك بضرب رده..

آسر:(مسك تلفونو و رده..)نعم ي سوسن

سوسن:نرمين هنا ي آسر

آسر:نعم!

سوسن:ألحقا هيا بتموت😭(و كان بترجف و تتكلم..)

آسر:دقيقه انتي وين

سوسن:ف المستشفي..المخزن..تعال سرعه💔(و قفلت الخط)

آسر:نرمين..لقيتا

عمر:وين😳

آسر:ف المستشفي(و شال مفاتيح سيارتو و نزل سريع و كلهم نزلو وراهو كل زول بي سيارتو..)

معتز:(كان قاعد جمبي و بحاول يصحيني..)م ح تموتي ي نرمين انتى ح تمشي معاي انا م ح أخليك تموتي..

ابتهال:ي معتز لازم نوديها المستشفي أفهم ياخ😡

معتز:(جاب قطعه قماش و لفه لي يدي..)واحد صحبي دكتور و حسي ح يجي عشان كده م تنقي اوس😡(و بقا برجف..دي م أول مره يقتل زول بس هو كان بجد عايزني اعيش..)

خلاص 15 دقيقه الشرطه كانت جات و حاوطت المستشفي و آسر جا جاري دخل المخزن طوالي..

آسر:ي حيوان😡(و مسكو دقاهو..)

عمر:ي آسر روق ح تقتلو😡

آسر:و الله م ح اخليك😡(و كان بصرخ و بضرب ف معتز لمن م جات نورهان داخله و بقت تصرخ..)

نورهان:نرمين😭😭

آسر:(حسه انو كل حاجه وقفت..كان خايف شديد يعاين محل م الناس بتعاين..كان خايف شديد من المنظر..بس قوى قلبو و عاين لي..نفس منظر أمل..الدم..الوقعه..الناس..و امكن نفس الحب..)نرمين💔

انا صح م كنتا واعيه..بس كان نفسي أفتح عيوني و اشوف آسر..كنتا عارفه أنو جمبي..كنتا بحب اشوف خوفو علي..بحب أشوف عيونو لمن يتكلم معاي و يتغزل فيني❤

لمن كان مغمى علي م كان ف صوره آسر بس كان ف صوتو

كنتا بحلم بيهو..ممكن نقول انو حلم لانو كان بشبهه الحلم..

كان بغني لي نفس الغنيه الكان غناها قبل كده..

"من البدايه قلتلك،ان مش دايما يكون الحب كافي..

و الحياه ليها حسبتن ي يومها نزلت دمعه منك فوق كتافي...

قلت حاول قلت حاضر بس أوعى م تكمليش،لو حتمشى امشى حالا لو فضلتى م تبعديش.."

انا م عايزه أمشي ي آسر..صدقني عايزه افضل جمبك دايما كمان❤

الشرطه مسكت معتز و أبتهال..و الباقين مشو معاي المستشفي..دخلوني طوالي غرفه العمليات و اخذو زي ساعه ونص كده حتي الدكتور طلع..

آسر:(كان قاعد و خايف يسأل الدكتور حصل ايه..)

ابتهال:اختي😢مالا..هيا كويسه

_م تخافو هيا كويسه..أظنها عملت الحركه دي قاصده و قطعت الشراين الفرعيه..ساعتين كده و ح تصحا..😊

مش بقولو الحياه دي لعبه!..

و مرات بقولو أنو هيا عباره بس عن اختبارات..بس انا عندي رأي تاني..الحياه عباره عن حياه و بس..عباره عن أبتلائات و كمان حاجات حلوه❤

عباره عن حب و كمان كره،،عباره عن صدق و كذب..يعني بالمختصر دي هيا الحياه..ح نعيشا لأنو غصبا عننا مفروض نعيشا..هيا بتفرض علينا حاجات و احنا مفروض نفرض عليها كمان "قراراتنا..قوتنا..حبنا..و عدم أستسلامنا.."

امكن قصتي بالنسبه ليكم هنديه..و أمكن خياليه..و امكن تصدقوها بس دي قصتي..و ده حبي..

عارفين ليه حكيتا ليكم؟!..م عشان تتأثرو و تحبوني..لا عشان تعرفو أنو ف أمل..انو مشكلتك ممكن تكون و لا حاجه قدام مشكله غيرك..و أنو عيلتك الماعاجباك ممكن تكون افضل عيله لزول تاني..و أنو القتل و الزنا و المخدرات و كل البنشوفو ف الأفلام ده حقيقه و كمان حقيقه حاصله ف مجتمعنا و احنا عايشنها بس بنتجاهل او بنخاف نواجهه لانو عارفين انو لو واجهنا ح نخسر..

بعد اسبوع من الحصل ده أبوي و معتز و دكتوره ابتهال دخلو السجن و حتي سامي نسبه لأنو كان ساكت..اتكشفت الحقيقه و عرفتا بكل حاجه م كنتا فاهماها..م زعلتا من يوسف على العملو أمكن لانو بقيت مرتاحه نفسيا بعد معتز و ابوي دخلو السجن..كأنو كان ف حاجه صغيره ف قلبي اتصلحت❤

طبعا ف قصتي دي كان ف ناس كتار أتأثرو بالحقيقه..زي نورهان مثلا الأتفاجئت بحقيقه سامي و قررت تنساهو..و زي آسر الكمان م عرف يساعد أمو لأنو هيا كانت غرقانه زياده عن اللزوم..

بس بقولو انو دايما ربنا ببعد ناس عشان يقرب ناس و ده الحصل..

كمال الرفض طول عمرو يرتبط لقا أمل تانيه ف نورهان و حباها شديد و هيا كمان قررت تديهو فرصه و حاليا هما أحلى عصافير حب❤

احمد مسك المستشفي بعد أمو مشت و حاول يصلح كل غلطاتا على القليله عشان م يحس بذنب انو م ساعد أمو..

أمي كمان جات و أعتذرت مني و عرفتا أنها طول الفتره الفاتت كانت بتدعي لي..و امكن انا بسبب دعاويها لمن حسي عايشه❤

امكن حسي ابوي حاسي بالذنب عشان كده برسل لي من فتره لفتره رسايل و بعتذر لي فيها..بس بتي م ح ترجع بالأعتذار و رغم كده عافيه ليهو لأني قررتا ابده صفحه جديده..من غير موت و من غير حروب و من غير تعب..صفحه جديده و بس..❤

كلكم عايزين تعرفو نهايتي مع آسر بس دي خلوها سر..

امكن انا حسي عايشه معاهو احلى قصه حب..و أمكن عايشه معاهو جسد من غير روح..و امكن روح من غير جسد..بس دي نهايتي و م ح اكتبا أنتو الأكتبوها ف قصصكم..❤

"إن بعد العسر يسر..فلا تخف إن الله معك"

و ف الختام:

"أعرفو كيف تختارو رفيقكم..عشان الدرب طويل.."❤

ريان:(وقفت قرايه)لا دقيقه..يعني دي النهايه..طيب بس هما حصل فيهم شنو؟!جابو ولد..عاشو حياه رائعه..م ممكن..انا..انا عايزه أعرف!

عائشه:(جات داخله)ي بت مالك بسم الله

ريان:اتخيلي نهاية الروايه..يعني مفروض تورينا حصل معاها تاني شنو..قدرت تتعالج و لا..بقت طبيعيه و قدرت تعيش حياتا عادي و لا لا..

عائشه:ي بت بسم الله

ريان:لا انا عايزه اشوفا

عائشه:ريان تشوفي منو؟!..

ريان:نرمين..عايزه أقابلا

عائشه:(بقت تعاين لي بخلعه..)ريان انتى اكيد م طبيعيه

ريان:اي اي(و مشيت لبستا عبايتي)

عائشه:ريان ح تمشي وين يعني كدي بسم الله

ريان:ارح معاي بس

عائشه:ووب(و نزلت وراي)

ريان:ان شااء لله القا مواصلات سرعه❤

عائشه:طيب عايني ح نمشي وين حسي

ريان:المستشفي هيا ذاكره اسمها و انا عايزه أمشي هناك اسأل منها..

عائشه:لا جد م طبيعيه

ريان:عايزه اسألا سؤال مهم ياخ!💔(و طلعنا الشارع لمن لقينا مواصلات و فعلا مشينا المستشفي الذاكراها ف الروايه و كان بنفس الشكل الأتوقعتو❤دخلتا جوه لقيت ممرضه جات علي..)

_أسفه بس الزياره م حسي

ريان:انا م جيت عشان الزياره..بس عايزه أقابل احمد الماسك المستشفي

_احمد سافر..انتى عايزاهو ليه يعني؟!

ريان:عايزه اسألو من وحده..كانت مريضه هنا..و هيا حسي مرت اخوهو!.

_نرمين؟!

ريان:ايوه..انتى بتعرفيها يعني

_اكيد

ريان:طيب انا عايزه اي طريقه عشان اصل ليها

_و الله م اظن تقدري تلقيها

ريان:ليه يعني..عايني الموضوع مهم انا لازم لازم اشوفا فاهماني انتى؟!..انتى اسمك ايه طيب؟

_انا سوسن

ريان:(سكتا مسافه..)سوسن الواحده ديك

سوسن:ياتا قصدك

ريان:بتاعت الروايه

سوسن:ايوه هيا

ريان:(عاينتا ليها من فوق لتحت بعدين سكتا..)

سوسن:ههه خلاص رأيك وصل..عايني ممكن اديكي رقم آسر أتكلمي معاهو

ريان:بجد!

سوسن:ايوه سجلي عندك..09..

ريان:(سجلتو)بجد شكرا❤

سوسن:(بقت تضحك)و لا يهمك

ريان:ارح(طلعتا بره و ضربتا ف الرقم و قلبي ده بدق سريع❤)الوو

آسر:ايوه منو معاي!

ريان:آسر انا ريان..عاين امكن م تفهمني بس بجد عايزه اقابل نرمين لو سمحتا

عائشه:ريان فضحتينا..

آسر:(بقا بضحك😂)كدي براحه..ريان منو

ريان:انا وحده و متأثره بروايتا شديد و بس عايزه اقابلا لو سمحتا💔عايزه اسألا سؤال مهم!

آسر:(سكت مسافه)طيب لو م عندك حاجه تعالي ف مطعم () حسي و بجيبها ليك

ريان:بجد😍اي تمام طيب(و قفلت)وافق وافق😭

ه:ربنا يصبرني😊

ريان:ار

ح ارح المطعم قريب من هنا

عائشه:ارح ي ريان لمن نشوف نهايتك شنو💔(ركبنا مواصلات و فعلا خلاص نص ساعه وصلنا المطعم و انا بقيت منتظراهو بفارغ الصبر..بعد ربع ساعه من م وصلنا هو ضرب لي..)

ريان:ايوه انا ف المطعم..طيب دقيقه اقيف ليك(فعلا وقفتا ليهو و هو كان يادوب داخل..شافني و جا سلم علي..و انا بعاين وراهو بس هيا كانت ماف..)

آسر:م ح تجي م تعايني ساي😂(و سلم ع عائشه..)

ريان:(قعدتا بزعل كده..)ليه طيب😢

آسر:لأنها اتوفت!

ريان:(طبعا انا اول م قال كده بقيت فاتحه خشمي و بعاين ليهو بخلعه..)

آسر:جيت اقابلك عشان حسيت انو فعلا الروايه مؤثره معاك شديد😂

ريان:بس كيف..هيا قالت انو بقت كويسه و..

آسر:(قاطعني)ايوه صح..هيا بقت كويسه و ماتت قريب

ريان:معلش بس م قادره أستوعب كيف يعني..طيب نهايتكم كانت شنو

آسر:كانت احلى نهايه❤بدت معاي علاج نفسي و رجعت طبيعيه و عشنا كأي زوجين بحبو بعض❤تمت قرايتا و عملت الكتاب عشان الناس يعرفو الهيا مرت فيهو❤و اتوفت قبل سنه و نص أثناء م بتجيب نرمين صغيره للدنيا..

ريان:..

آسر:أتوفت اثناء الولاده لأنو أدوها بنج زايد💔ربنا يرحما❤

ريان:(طبعا انا أتفجرته بكا زي التقول مات أبوي😭)واي ياخ😭😭

عائشه:ريان اهدي😳

ريان:انا بجد بجد م عارفه اقول ليك شنو😭

آسر:(كان ببتسم لي..)م تقولي حاجه بس أدعي ليها..بعدين الموت حق و على القليله هيا أتوفت بعد م سابت لي قطعه منها..❤

ريان:..

آسر:طيب سؤالك شنو امكن اساعدك

ريان:(مسحتا دموعي و شربتا لي شويه مويه..)كيف بتعرف لو رفيقك المعاك ف دربك صح و لا لا؟!..

آسر:م بتعرفي..ببساطه لأنو الدرب طويل و م ح تعرفي الا ف نهايتو..بس خليكي عارفه أنو الزول الح تختاريهو ف دربك ده مفروض يحسسك اول شي بلأمان..و مفروض و أنتى ماشه معاهو م تخافي من يوم يسيبك لانو معاهو أنتى م ح تكوني متوقعه حاجه زي دي❤(أثناء م بتكلم تلفونو ضرب..)ثانيه بس(و رده ع تلفونو)ايوه ي خالتي مناهل لالا جاي عليك..يعني صحت؟!..تمام طيب بجي حسي اسكتا ليكم😂(و قفل)دي نرمين صحت من النوم(سكت مسافه)نرمين بتي م نرمين حبيبتي م تخافو😂لازم امشي عشان أشوفا..

ريان:شكرا لأنك جيت❤

آسر:ي ريان ي ظريفه شوفي البحبك قبل البتحبي لانو البحبك ح يسهل عليك طريقك و غصبا عنك ح تحبي بعدين❤

ريان:(ابتسمتا ليو❤)هيا بجد كانت محظوظه بيك❤

آسر:و الح ياخذك ح يكون محظوظ بيك😉يلا فرصه سعيده❤(و سلم علينا و مشا❤)

عائشه:اها عايزه تعملي ايه حسي

ريان:عايزه اكتب قصتي❤(و مسكتا تلفوني ضربتا لمروان..)اها انتهيت من الروايه؟..

مروان:ايوه ليه؟..

ريان:طيب ينفع نكتب قصتنا؟!..

مروان:كيف؟!

ريان:ينفع تعترف لي بحبك عشان نحب بعض؟!..❤

مروان:..

حتي انا كتبتا قصتي..اثناء كلام آسر كان بجي ف بالي زول واحد❤

"مروان"..عرفتا وقتها انو هو الانسان الممكن امشي معاهو ف الطريق ده من غير أخاف..حبو كان ظاهر بس انا م كنتا شايفه..و م بقدر اخسرو بعد عرفتا..❤

مرت سنتين ع الكلام ده و حاليا انا و مروان متزوجين❤أبوي أتعافى الحمد لله و عائشه زاتا ح تعرس واحد دكتور ف الجامعه و نرتاح منها😂

مازن اتقبل الموضوع عادي و هو حسي زي اخوي و أكتر❤

و كده انا كتبتا قصتي..أنتو ح تكتبوها متين؟!..

ببساطه و على قول آسر الطريق طويل و النهايه م معروفه..ف خليكي مع الزول الح يحسسك بالأمان طول م انتى ماشه ف الطريق ده❤زول م يفك يدك و زول يحتويك❤يعني لمن تختاري أختاري البحبك❤

نهايتي كتبتها باختصار زي نرمين عشان هيا بتخصني❤و انتو أكتبو نهايتكم بالطريقه البتحبوها مع الزول البتحبو❤...

دي روايه #آسرى..اكتر روايه انا بحبها و كنتا بكتب فيها بكل فرح❤بتمنى تعجبكم و بتمنى تعاليقكم بكل صراحه و شكرا❤❤