الجزء 6

و بدت ريان من محل م وقفت..

الأتنين سكتو و دموعم كانت بتتكلم،،امكن اصعب لحظه لحظه الفقد،لمن نفقد زول و يكون بس الباقي منو زكرياتو،كلامو الحلو و صوتو و مواقفنا معاهم،امكن ديك اللحظه الوحيده البنعرف فيها قدر ايه الحياه تافهه،و ناقصه و فانيه و بنتمنى بس رجعتم بس م برجعو..💔

آسر أتكلم مع كمال شويه بعدين رجع البيت طوالي كان مخنوق شديد و حاسي الدنيا دي أتقفلت ف وشو💔رقد و حاول ينوم بس م قدر قام و صلى ليهو ركعتين و قعد ف المصلايه و فجأه أتذكر نرمين،هو زاتو م فاهم ليه أتذكرا بس كان جواتو احساس غريب و دايما بربط نرمين بأمل،،مافي شبهه بينهم للدرجه دي بس كان شايف ف عيونها أمل💔سرح مسافه بعدين وقف شاف الساعه لقاها 2 بليل اتردد ف البدايه بس بعدها شتت الأفكار الجاتو و لبس و طلع ع المستشفي لمن وصل هناك كان الساعه 3 الا جات طلع فوق و هو زاتو م عارف ماشي يعمل ايه بس و لأول مره يعمل شي من غير يفكر..

وصل غرفه نرمين اتررد شديد بين يخبت و لا لا بس بعدين من غير يحس لقا نفسو فتح الباب و دخل و الحاجه الماكان متوقعا انو نرمين تكون صاحيه..عاين ليها بخلعه و فضل ساكت و هيا لمن شافتو قلبها قريب يقيف..

آسر:انا..انا آسف بجد م اتوقعتك صاحيه

نرمين:(فضلتا ساكته و مستغربه)

آسر:(عاين للكراس الكان مجدوع ف الكرسي)عارفه امكن انا جيت عشان أحكي ليك قصتي،وقتها ح تعرفي انو م براك العندك قصه..(و سكت)

نرمين:(بيني و بين نفسي كنتا مستغربه شديد بس نهائ م كنتا خايفه،آسر كان عباره عن حاجه م مفهومه بس الكنتا عارفاهو انو انسان م ح يأذيني نهائ.♥)

آسر:ممكن ننزل نقعد تحت

نرمين:(م فكرتا ف الموضوع اصلا طوالي نزلتا قدامو و قعدنا تحت ف النجيله،انا أتكيت ع الشجره و هو قعد جمبي)

آسر:(فضل ساكت امكن زي ربع ساعه بعدين بدا يتكلم)قبل 4 سنين امكن حصل معاي شي مستحيل انساهو لمن اموت،اختي اتوفت!عارفه كيف؟!..بسببي😊(و سكت)

نرمين:(عاينتا ليهو لقيت دموعو ف طرف عيونو)

آسر:كان ف اليوم داك تحديدا امي بايته ف المستشفي و احمد طبعا بره البيت مع صحبو و انا مع امل،الساعه كان ماشه ع 10 انا لبستا و كنتا طالع مع اصحابي و هيا طبعا خوافه شديد و جنها و جن تقعد ف البيت براها..:

أمل:ي آسر امي قالت ليك م ططلع و تسيبني ياخ م تمشي😢

آسر:انتى متين ح تبطلي دلع😂م بجيك شي ي بت بعدين انا طالع نص ساعه و جاي

أمل:ي آسر الساعه 10 اتخيل يجي حرامي

آسر:و الحرامي م ح يجي الا الليله يعني؟!.

أمل:آسر ياخ بطل😭

آسر:ووب ي امل و الله م بتأخر بطلي حركات الشفع دي(و شلتا تلفوني و طلعتا طوالي مشيت لأصحابي ف مطعم()م كان بعيد شديد من البيت قعدتا هناك و كل 10 دقايق امل كان بتضرب و برده بقول ليها جاي ف النهايه قفلتا تلفوني و الوقت سرقني و م حسيت الا الساعه 12 جات طبعا قمتا ودعتهم و طوالي ركبتا السياره قلتا اشوف امل ح تكون ماتت فتحتا التلفون و ي ريت م فتحتو ي نرمين💔)

نرمين:(طبعا بقيت مركزه معاهو شديد و قلبي ف يدي💔)

آسر:لقيت امكن زي 20 مكالمات من امل و 12 من كمال ده طبعا خطيبا و ولد عمي ف نفس الوقت و 100 مكالمه من احمد وقتها الدنيا قفلت ف وشي و اول شي ضربتا لأمل بس نهائ م ردت💔رجعتا البيت سريع لقيت الباب مفتوح دخلتا لقيت امي قاعده و بتبكي و احمد ده بستغفر بس و كمال اصلا م شفتا وشو كان مقبل ع الحيطه و عارفه ف الأرض كان ف شنو؟!..كانت اختي الحلوه الصغيره😢اختي الدلوعه💔امل كانت ف الأرض و الدم ف كل مكان،امل راحت ي نرمين راحت بسبب طيشي انا(و سكت)

نرمين:(طبعا دموعي بس زي المطره بقت بتنزل😭)

آسر:اخذناها المستشفي و انا م قادر اسألم اصلا الحصل شنو،امكن اكتر زول كان متماسك فينا كمال هو الكان جاري وره القصه و كان بس عايز يجيب حقها،فعلا م تما اسبوع الا و جبنا الحيوانات العملو كده،كانو 4 شباب شافوني و انا طالع و اصلا كانو مراقبين البيت ليهم فتره و عرفو انو اختي جوه براها و اخذو الفرصه دخلو بعد مشيت كان اصلا نيتهم السرقه بس واحد منهم كان..(و سكت و بقا ببكي بس😭)

نرمين:(بقيت بعاين ليهو و نفسي اقول ليو شي بس م قادره💔)

آسر:قتلوها لمن صرخت لمن عرفو انها م ح تستلم ليهم💔هما م بس اخذو كم قطعه ذهب و شويه قروش هما اخذو روح اختي معاهم💔اخذو قطعه من قلبي ربنا م يسامحم😭

نرمين:(مسكتو من يدو و كانت زي التلج و بقيت ببكي معاهو،امكن زي ساعه كامله احنا على الحاله دي ف النهايه الأذان أذن و يادوب آسر هدى و مسح دموعو و نهائ تاني م أتكلم)

آسر:الصلاه وجبت يلا اطلعي

نرمين:(وقفتا ع حيلي و طلعتا و هو طلع وراي لمن شافني دخلتا الغرفه بعدين مشا)

قعدتا ف السرير و اتفجرتا بكه تاني😭آسر مشا المسجد صلى و قعد يستغفر لمن الشمس طلعت و الوقت عده علينا و احنا ف نفس الحاله...مشيت غسلتا وشي و قعدتا ف السرير و مسكتا الكراس و م عارفه كيف بس بديت اكتب،كتبتا كل شي كان جواي محبوس كتبتا قصتي:

كنتا عايشه حياه اكتر من حلوه،كنا مرتاحين شديد انا و اختي نورهان و اخواني الأتني

ن،ابوي كان عندو منصب و زول مهم ف البلد كان تبع الوزاره،امي كانت برضو زوله عندها مكانتا و شغاله مع ابوي،صراحه م عارفه كيف حياتي أتقلبت فجأه،ابوي كان عندو اهم شي القروش و انا حبيت أستاذ عادي،حبيت يوسفي💕و كانت بالنسبه لأبوي مصيبه لانو يوسف زول أقل من عادي يادوب بطلع قروشو و قروش الأيجار،لمن عرف زعل شديد بس انا كنتا متمسكه بيوسف شديد و رفضتا أخليهو لمن جا اليوم الأبوي خيرني فيهو بينو و بين حبيبي،م فكرتا و اخترتا يوسف لانو بعيدا عن الحب كان اب كان اخ كان بطعم العائله العمري م عشتو و انا وسط اهلى..اتزوجنا و ابوي رفض يشوفني و لا يتكلم معاي نهائ طول ال9 سنين و ف الفتره دي انا جبتا وتين💕بتي الحلوه💕كان شايله ملامح يوسفي و امكن شويه من روحي الحلوه💕ف يوم مشت الروضه بس م رجعت خطفو بتي مني💔اخذوها عشان مشاكلم مع ابوي(كنتا ببكي و بكمل ف الكتابه)اخذو بتي شويه ناس حيوانات و م رجعوها لي😭كلمتا ابوي بس حتي م كان شايل هم لبتي كان بس عايز يعرف ده منو العمل كده،الموضوع جره زي اسبوعين و م خلينا شي م عملناهو لمن ف يوم عرفت الشرطه مكانم و مشو و انا طبعا مشيت وراهم من غير يعرفو و ي ريت م مشيت😭لمن وصلو كان الوقت راح و المجرمين هربو بس جثت بتي كانت في💔وتين كانت ميته انا شفتها😭شفتها لمن كانو مطلعنها من جوه و وقتها بقيت بصرخ بس💔يوسف لمن شافني أتخلع و جا قعد معاي و بقا ببكي..قطعو قلبي ي آسر،قطع قلب ام م شبعت من بتها😭عمري م ح انسى الفتره دي،بتي ضاعت و عيلتي م وقفت جمبي و حتي يوسفي اتخلى عني ي آسر😭بعدها بأسبوع يوسف كمان مات😭يوسفي و حبيبي و قلبي مات ف حادث،فقدتا اكتر اتنين بحبهم بس م دا الخلاني اموت من جوه الخلاني اموت لمن سمعتا اخواني ف المستشفي بتكلمو..

"ناصر:عاين ي ابوي الناس دي كلها قايله نرمين دي ميته و اصلا هيا حسي شبهه ميته خلينا نخته ف مستشفي امراض نفسيه و خلاص

نادر:و الله ي ابوي بجد بتك ح تجيب لينا كلام،بعدين الناس لو عرفو قصة بتها سمعتنا بتبقا ف الواطه عليك الله م تودينا ف سين و جيم بعدين هيا الزمان قررت تمشي للحيوان داك حسي بقا ليها بمبي؟!.."

امكن البقتل م موتنا ف حد ذاتنا زي م بقتل موت الحياه الجوانا،الحياه بقت سوده ف وشي لو اهلى عملو كده عشان سمعتم و لو الناس بقا بهون عليهم يقتلو شافعه طيب الفاضل ايه؟!..

لو انتا بتقدر ترجع لي وتيني و يوسفي انا مستعده ارجع أتكلم بس كيف بتقول لي ارجعي قويه و انا كل الحياه سوده ف وشي؟!..حياتي مشت زمان من م هما مشو و م ح ترجع ي آسر هيا م ح ترجع نهائ💔

وقفتا كتابه و انفجرتا بكا😭بكيت لاني أتذكرتا وتيني،حبيبتي الصغيره كيف طلعوها من المخزن و هيا لابسه فستانا الأحمر💔كانت بتحبو بس اليوم داك م كان حلو كان كلو دم و مقطع💔فستانا الأحمر رغم انو كان وسخ بس هيا كانت زي الملائكه💕ملاكي الصغير،وتيني وينك😭❤❤

"بالرغم من كل شئ كانت هناك بقعه سوداء تحيط بي،لا أعلم أأنتفض منها ام أكتفى بها بعيدا عن جنس البشر،لابد أنى على وشك السقوط،احتاج يد ملاك لينقذني،أستكون ملاكي؟!.."💙

ريان وقفت قرايه و أتفجرت بكا ف نص الأمجاد😭كانت قاعده جمبها مره كبيره بقت تهدي فيها..

_ي بتي كدي قولي بسم الله مالك فجأه

ريان:احي قلبي وجعني😭😭هو ف ناس بحصل معاهم كده ف الحقيقه؟..

_ي بتي م فاهماك لكن ف الدنيا دي اي شي بحصل

ريان:قتل و قرف م قادره استوعب

_و الله ي بتي ف زمنكم ده القتل بقا اسهل شي،السرقه و الزنا،انتو بعدتو شديد عن ربنا..و الله انا البسمعو مرات م بصدقو بس حسي بعد العمر ده شفتا كتير و أقتنعتا انو ماف شي مستحيل

ريان:و الله قلبي اتقطع عليها دي قدرت تقاوم كيف

_اصعب شي تقاومي بس مرات الزول بتجبر يقاوم،،انتى مجبوره تعيشي و تتوكلى على ربنا بس،ربنا لو كان معاك ماف شي بهزمك(و أبتسمت لي و نزلت💕)

قعدتا بعاين من الشباك و دموعي دي لسه زي المطر لمن وصلتا الجامعه و دخلتا جوه لقيت شلتي قاعده و داقين الونسه اول م شافوني كلهم نططو عيونهم..

عائشه:بسم الله😳

ريان:عائشه😭(و حضنتها و بقيت ابكي)

دنيا:دي مالا دي بسم الله كدي تعالو اقعدو

حسن:جيبو ليها مويه(و بقو يهدو فيني لمن سكتا)

عائشه:ريان مالك😢

ريان:اتخيلي نرمين..

عائشه:(قاطعتني)نرمين مين..

ريان:ياخ بتاعت الروايه

عائشه:(بأعلى صوت)ياخ ينعل يومك ليوم قصكك ي حيوانه😡

دنيا:دي جاده و لا بتستهبل؟..😂

سماح:☺الصبر ي رب الصبر

علي:(ضرب ريان ف ظهرها)تفو عليك ي زباله امشي موتي

ريان:ي جماعه..

سمر:بلا ي جماعه معاك ياخ و الله انتى م عندك موضوع وقفتي لينا قلبنا(و بقو يشاكلو فيني لمن الدكتور جا و حضرنا المحاضره)

ريان:(نص المحاضره م كنتا ناقشه شي،بجد الروايه دي جننتني بقيت عايزه اقره البعدو و اعرف حصل ايه تاني..)

"بعض القصص تحينا و بعضها تقتل داخلنا طفوله لم تبلغ بعد،لابد انها قصتي التى ستجعلني أشيخ مبكرا"♥