الجزء 18

ريان:صح الصح❤..

مروان:عيشي اللحظه،،أضحكي حسي مع ابوكي..اتونسي معاهو عشان بعدين م تندمي❤

ريان:حاضر❤

مروان:أحلى زول بسمع الكلام❤❤

ريان:(عاينتا ليهو و بقيت بضحك)

مريم:(جات طالعه من الغرفه..)انتو هنا..معليش ي مروان بس عايزه ريان ثانيه❤

مروان:طيب انا ح أدخل و انتو أقعدوو هنا

مريم:تسلم ي ولدي

مروان:😉(غمز لي و دخل)

مريم:(جات قعدت جمبي)ريان انتى عارفه ابوك ده وصل الموت و جا و الدكتور حسي قال أنو كل يومين ح نجي المستشفي عشان الكيماوي💔

ريان:...

مريم:و قال انو لازم قدر الإمكان الفتره دي نفستو تكون عاليه و يكون مبسوط..عشان كده انا عندي ليك طلب..وافقي على مازن ي بتي💔

ريان:..(م عرفتا أرد لأمي بقيت بعاين ليها و ساكته...)

مريم:مازن ده م فيهو عيب..و انتى م عارفه ابوك كان مبسوط كيف لمن عرف أنو مازن عايزك..

ريان:ي امي..

مريم:(قاطعتا)لو فيهو عيب م كان قلنا ليكي أخذيهو صح؟!..لو أنتى وافقتي ح تخلى العيله كلها مبسوطه و ح نطلع شويه من الأحنا فيهو ده..اها قلتي شنو؟!..

ريان:(اخذتا نفس عميق)حاضر ي امي التشوفيهو💔

"صراحه كنتا دايما بحلم انو مازن يتقدم لي..بس نهائ م اتوقعتا أنو لمن يتقدم لي ح تكون دي حالتي..بجد الحب م كل شي ف العلاقه،ف حاجات أهما بكتير و أولا الثقه و انا فقدتا ثقتي بيهو من اللحظه الحسيت فيها أنو ده م مازن الحبيتو.."💔

امي دخلت الغرفه و بقت تزغرد و هما جوه كلهم بقو مخلوعين..

عوض:ي مره مالك😂

مريم:ريان وافقت ي جماعه😍

أبتسام:(ام مازن..بقت تزغرد طوالي..)ياخ أحلى خبر و الله❤

كلهم كانو مبسوطين م عدا مازن و مروان و عائشه كانو بعاينو لبعض بخلعه..مازن أول م سمع كلام أمي طلع من الغرفه طوالي حتى كلهم أتخلعو..لمن طلع لقاني قدامو عاين لي مسافه و مشا من غير يقول لي شي..ياخ للحظه حسيت بيهو مجبور بي..عمري م ح أنسا نظراتو دي و عمري م ح أنسى الأحساس الحسيت بيهو وقتها..دخلتا لقيتم كلهم سكتو و مستغربين و مروان عاين لي برضو بنظره م ح أنساها..زي كأنو بقول لي "ليه تعملى كده فيني او بصحيح العباره فينا"..

مروان:مبروك و الله😊عرفتي تختاري💔و بالنسبه لتصرف مازن هو خجل م أكتر عشان كده م تشيلو ف بالكم..مازن ح يخته ريان ف عيونو😊يلا عن أذنكم امشي أشوفو..(و طلع)

عوض:اي بكون خجل ي جماعه و بعدين احنا ف مستشفي ح يكون شاف انو ده م وقتو

الضي:(جا حضني)بتي حبيبتي ح تبقي مرت ولدي خلاص💕ي نسوان م سمعونا زغروده تاني😂(و بقا يضحك و ناس أمي رجعو و زغردو..)

على قدر م كانو ناس أبوي مبسوطين على قدر م في حاجه جواتي أتكسرت م عارفه ليه..عاينتا لعائشه لقيتا برضو بتعاتبني بنظراتا..نفسي أقول ليها و الله م بيدي بس م ح أستفيد شي..

مروان نزل لمروان لقاهو طلع من المستشفي و ماشي على سيارتو..

مروان:ي مازن

مازن:نعم ي مروان

مروان:انتا شايف تصرفك جوه ده صح؟!..حسستني البت هيا الأتقدمت ليك

مازن:مروان و الله م ناقصك

مروان:ياخ كان تفكر بي أبوك و موقفو جوه ح يكون عامل كيف..

مازن:انا م عارف عملتا شنو ياخ..

مروان:ريان بعد وافقت م عندك طريقه رجعه..م ح أخليك تجرحا فهمتني؟!..

مازن:انتا ليه بتعمل كده؟!..

مروان:خلينا نقول لأني راجل(و عاين ليهو و مشا..)

مازن:(ركب سيارتو و بجد كان معصب شديد و م عارف زاتو هو ماشي وين..)

مروان رجع و قال لينا انو مازن عندو شغله ضروريه و بجي بعدين و انا كنتا متأكده انو ده كلو كذب و انو مشا عشان سبب تاني..قعدنا اليوم كلو ف المستشفي و قالو أنو ح يخرجو ابوي تاني يوم..أمي أصرت إنى ارجع البيت و عائشه تبيت معاي لانو م ينفع أكتر من زول يقعد مع ابوي بعد نقه كتيره رجعتا البيت..نزلنا مروان و م أتكلم معاي نهائ و عائشه نفس الحنك كانت بس ساكته..

اول م وصلنا عائشه اصلا كان معاها المفتاح مشت قدامي..انا مشيت خطوتين و جيت راجعه لمروان..

ريان:مروان

مروان:نعم!

ريان:ف شنو؟!.

مروان:بخصوص؟!..

ريان:مروان انتا عارف انا بتكلم عن شنو..مالك فجأه..

مروان:(قاطعني)ماف شي ي ريان..امشي نومي و خليك مرتاحه دايما كده انا برتاح..😊

ريان:بس..

مروان:(قاطعني)تصبحي ع خير💕(و مشا طوالي)

ريان:(انا فضلتا واقفه مسافه و بجد قلبي ده وجعني..دخلتا جوه لقيت عائشه دخلت غرفه الضيوف عشان تنوم..)ي عائشه حتى أنتى!

عائشه:حتى انا شنو؟!..ريان انتى عايزه تعملى الغلط و متوقعاني أتصرف عادي؟..

ريان:بس م بيدي و الله😢

عائشه:كل شي بيدك و الله..بس انتى طول عمرك بتحبي الطرق المختصره😊(و رقدت طوالي حتي م أستنتني ارده ليها.)

قفلتا ليها الباب و مشيت غرفتي أستحميت و غيرتا هدومي و رقدتا أنوم بس كل م اغمض عيني أشوف مروان..نظراتو لي قبل م يمشي قبيل..برودو فجأه..ف حاجه جواتي بتعاتبني على البعملو..و ف حاجه بتقول لي عشان ابوكي كملى..

"لمن الإنسان يكون قدامو طريقين و م يعرف يمشي ف ياتو طريق ده تحديدا ثالث أصعب شي ف الحياه..دايما بنحب الطرق المختصره ف حين انو الطريق الأصعب هو الفيهو نهايه

أنسب بس أحنا بنتجاهل و بنكمل ف الغلط.."💜

ريان فضلت طول الليل بتفكر ف البتعمل فيهو ده..ف النهايه لمن الصداع كان ح يقتلا قررت تقوم و تقره الروايه...لانو كده كده م ح تنوم..و فعلا ده الحصل..

اليوم كلو تقريبا كنتا بصحا ابكي و اصرخ و هو يقره لي قرأن..م أتحرك من جمبي نهائ حتي الصلاه م كان بمشي المسجد💕بليل بعد نمتا قعد و بقا بتذكر ف كلام عمر قبيل لمن قال ليهو..

عمر" ع فكره لو رتبنا الأحداث ح نلقا انو حتي امك عندها يد ف المووضوع..لو عايز تستمر ف اللعبه دي يبقا ح تخسر أمك "

آسر قام و صلي ركعتين و حسه انو بجد الدنيا دي ضاقت بيو بس الحاجه الكمان متأكد منها انو م دايما لازم نمشي وري أحساسنا احنا مفروض نمشي وره الحق بس..نرمين أتظلمت كتير..و لو كان ح يخسر أمو عشان يبرد قلب البت البتعاني حسي قدامو ف هو مستعد للحاجه دي..❤

تاني يوم من الصباح صحيت لقيت آسر مافي جمبي..بقيت بعاين ف السقف و برجع أبكي و تاني امسح دموعي و تاني أبكي💔

فضلتا ع الحاله دي ساعه أمكن لمن م سمعتا صوت آسر جا..

آسر:ي جميله💕(و كان شايل أكياس كتيره..)طبعا م شفتي لمن كنتا بجيب الحاجات دي بتاعت المحل قالت لي غايتو دي لو حبيبتك يبقا ي حظها😂

نرمين:..

آسر:(جا جمبي)بتبكي!..إنتى عارفه لو فضلتي تبكي كده م ح تتحل المشكله دي..يعني م تعبتي من البكا؟!..م لازم تتحركي خلاص و تقومي عشان نجيب حق وتين!شكلك م ناويه تعملى كده صح؟!..معناتا خلينا نرجع للمستشفي الكنتي فيها و نبدا من الصفر رأيك ايه؟!..

نرمين:..(عاينتا ليهو بخلعه لأنو اول مره اشوفو منفعل كده)

آسر:انتى حسي عندك خيارين..ي أما ترجعي لدكتوره ابتهال..ي أما تبقى قويه عشان نكمل انا و انتى..انا م ح اقدر أحميكي دايما ي نرمين،،عشان كده لازم تقوى شويه..

آسر:(كان طالع من الغرفه..)

نرمين:م تمشي😢

آسر:(عاين لي و بقا يضحك..)دقيقه و راجع(فعلا مشا دقيقه و جا راجع و شايل كيس تاني..)يلا يلا الأكل

نرمين:..

آسر:(طلع سندوتشين و عصير و جا قعد جمبي و ناولني واحد..)انتى عارفه الأكل ده الحاجه الوحيده الممكن ططلع الزول من الجو الهو فيهو..يلا يلا أكلى سريع ورانا شغل

نرمين:(بقيت باكل..)

آسر:على فكره صوتك حلو شديد ليه كنتى ساكته الفتره دي كلها❤(كان بياكل و بتكلم)

نرمين:(بقيت بعاين ليهو و مستغربه..كنتا متأكده انو ف حاجه ف بالو عايز يعملا..)

آسر:عايني و أسمعيني كويس بعد 5 دقايق تقريبا ح تجي أمي..كل حاجه ح اقولا انا إنتى ح توافقي عليها من غير نقاش..

نرمين:(عاينتا ليهو و سكته اصلا م كنتا فاهمه حاجه..)

فعلا بعد ربع ساعه كده د/ابتهال جات داخله و معاها ممرضتين كده..

أبتهال:آسر..شكلك م فهمتا كلامي لمن ضربتا ليك تلفون!!لكن م مشكله انا جيت براي و ح اخذ نرمين

آسر:عايزه تاخذيها بياتو حق؟!..

ابتهال:نعم!انتا شكلك نسيت أنو هيا مريضه عندي

آسر:امي انا لمن حسي م كلمتا الشرطه انو نرمين دي لسه عايشه و لو كلمتا انتى عارفه ح يحصل شنو صح..

أبتهال:(عاينت لآسر بخلعه و سكتت)

آسر:و بعدين نرمين ح تبقا مرتي

أبتهال:شنو😳😳

نرمين:(عاينتا ليهو بخلعه..😳)

آسر:انا مستحيل أرجعا المستشفي بتاعتك ي امي😊و مستحيل اخليها معاي من غير م يكون بيني و بينها حاجه عشان كده ح اعقد عليها..

أبتهال:(بقت جايطه و بتصرخ..)انتا ي ود جنيت😡البت دي جننتك صح😡ي ولدي البت دي وراها ناس لو عرفو بقتلوك و بقتلوها😡

آسر:نفس الناس الأنتى شغاله معاهم؟!..

أبتهال:...

آسر:امي لو سمحتي ارجعي لشغلك و انا بشوف شغلي😊

ابتهال:كده يعني؟!..

آسر:ايوه

أبتهال:طيب ي آسر😡(و طلعت طوالي و جسمها ده كلو برجف..نهائ م كانت متوقعه انو الأمور ح تصل الدرجه دي...)

آسر بعد أمو طلعت بقا يعاين لي و يتبسم و انا بعاين ليهو بخلعه..

آسر:نرمين انا جادي..عايز أعقد عليك!..

"نحن دائما أبناء طريقنا..قد ولدنا لنخوض معاركنا وحدنا..و لكنك كنت جيشي حين فقدت قوتي لأكمل طريقي.."❤