الجزء 21

الضي:(بقا بعاين لمازن بخلعه)مازن الكلام ده بجد

ريان:لا خليني أتم ي عمو..ولدك م قادر يسيبني عشان مرض ابوي بس حابه اوضح نقطه..ابوي عمرو م كان نقطه ضعف لي هو دايما نقطه قوه❤خلي غفران دي تنفعك و لو بتقدر خليها تحبك ربع الحب الأنا كنتا بحبو ليك بس م ح تقدر و لاحظ لكلمه كنتا لانو حاليا انتا ود عمي و بس و ي ريت تاني تتعامل معاي على الاساس ده و بس..(مشيت عشان أطلع فوق تاني جيت راجعه)عارف أنا أقوى منك لانو ف اللحظه دي انا قلتا كل العايزه أقولو قدام الناس دي كلها بس أنتا طول عمرك ح تفضل ضعيف لانك م عارف نفسك عايز شنو اصلا😊(و طلعتا فوق طوالي..)

بعد طلعتا فوق الجو تحت أتكهرب و بقو ساكتين لمن م عمو الضي أتكلم..

الضى:لو انتا م عايزه ليه طلبتا يدها؟!..

مازن:...

أبتسام:ي جماعه خلونا ننسى السيره احسن

مريم:ننساها كيف يعني طول الفتره الفاتت هيا كانت متضايقه بسببك؟!..

مازن:(قام عايز يطلع..)

عوض:اقيف..تعال أقعد

مازن:(سكت مسافه بعدين رجع قعد)

عوض:عاينو ي جماعه القصه دي تتقفل هنا..احنا م عارفين الحصل بينهم شنو عشان كده ماف داعي نفتح القصه كل شويه..م حصل نصيب و خلاص😊

مازن:ي عمي انا..

عوض:(قاطعو)زي م هي بتي انتا ولدي و الشباب اصلا بغلطو عادي عشان كده أقفلو القصه و خلاص هيا قالت العندها و المعلومه وصلت خلاص😊(كلهم سكتوو..)

عائشه جات وراي و دخلت الغرفه لقتني قاعده ف الكرسي جمبه الشباك جابت كرسي و قعدت جمبي..

عائشه:صراحه عمري م أتوقعتا تصرف زي ده يطلع منك

ريان:...

عائشه:حصل شنو خلاكى تنفعلي كده

ريان:حصل إنى أتذكرتا أنو نفسي اغلى من اي شي تاني😊

عائشه:ريان انا عارفه أنك زعلانه مني..مروان قال لي بس..

ريان:(قاطعتا)انسى انتى عملتي كده عشان زعلانه من قراري و خايفه علي..

عائشه:(جات قعدت فوقي و جضمتني)بس حسي أقتنعتا أنو ريان القويه رجعت😂

ريان:عائشه قومي مني نفسي كتم زاتو

عائشه:ابيت الا تقولي لي خلاص سامحتك😂

ريان:هو ع كيفك (و قرصتها..)

عائشه:احي ي حيوانه(و بقينا نتشاكل..)

عوض:(ابوي فتح باب الغرفه و كان بعاين لينا و مبسوط..)

"أمكن فعلا زي م بقولو الحياه دي محتاجه أهل يفهموك من غير تتكلم..و يقيفو معاك من غير تصرخ و تقول انا محتاج ليكم،فعلا و الله الرزق أهل و بس"❤

اليوم داك كنتا مبسوطه شديد من نفسي..م مبسوطه لانو قلتا الكلام المحبوس جواي لمازن لا..مبسوطه لأنو عرفتا إنى أقوى من علاقه بسيطه ممكن تحطمني..أقوي من أني أضحى بسعادتي عشان اهلى و انا عارفه إني بعدين ح أندم و انو علاقتي مع مازن كان مستحيل تنجح و ح ينتهي المطاف إنى ارجع تاني بيت أهلى و بكده زعلم ح يزيد..احنا مفروض نحسبا من كل الأتجاهات..و ح نعرف انو القرار البريحنا ده القرار الصح و الح يريح الكل..

فضلتا ف غرفتي لمن الساعه 9 كده و بجد كنتا زهجانه و م قادره أنزل تحت..كنتا خايفه من نظرات عمو الضي لي او انو يكون زعلان مني..و كالعاده نفس المهرب لنفس الكتاب..

و بديت أقره..❤

نرمين:عايزه أصرخ بعد اجيب القتل بتي..عايزه أصرخ بعد أحسه نفسي فزتا

آسر:انتى ح تفوزي،و ح تصرخي...و اعتبري وعد من..

نرمين:(قاطعتو)المره الفاتت كان من دكتور لمريضتو💔

آسر:(بقا بضحك)المره دي من راجل لمرتو..❤

نرمين:..(عاينتا ليهو و سكتا طوالي)

آسر:ارح اوريك غرفتك عشان ترتاحي شويه

نرمين:..(مشيت وراهو لمن وصلنا الغرفه...كانت حلوه شديد و كبيره..فيها تلفزون و سرير و دولاب كبير و ظريف❤)

آسر:م تتعشمي أخت ليك مرايه هنا كمان

نرمين:(بقيت بضحك و تقريبا دي كان اول مره أضحك فيها)

آسر:..(كان بعاين لي و ساكت)

نرمين:م تخاف فتنا مرحله الأنتحار خلاص..

آسر:انتى انسانه عجيبه..لو عندك ضحكه حلوه زي دي مخبيها ليه؟!.

نرمين:(عاينتا ليهو و كان يادوب ألاحظ لنفسي)ااا انا ح انوم..

آسر:طيب لمن تصحي اطلعي و أكلى(و مشا طوالي)

دخلتا الغرفه و بقيت بعاين ليها و فتحتا الدولاب و نهائ م اتوقعتا يكون مليان ملابس بالطريقه دي..كان في هدوم مرقه و هدوم بيت و فرشه و مشط و كل الحاجات الممكن أحتاج ليها❤

للحظه فضلتا بس واقفه و بعاين للحاجات بعدين بديت أطلع ف هدوم البيت الخاتيها لي و كانت كلها عباره عن فساتين طويله او بناطلين و قمصان طويله و واسعه..كنتا كل م أطلع حاجه كل م آسر بكبر ف عيني شديد..❤

طلعتا لي جلباب طويل كده لونو بني و لبستو و طوالي رقدتا نمتا و انا حاسه أنو و لأول مره ممكن أغمض عيني و جمبي زول ح يحميني..❤

آسر كان قاعد بره و في جواتو أحساس أنو مبسوط شديد..هو نفسو م عارف ليه الأحساس ده..كان بتذكر كيف نرمين بتضحك..كيف بدت تتكلم كيف لمن تقيف جمبو كل حاجه ف الدنيا بتبقا حلوه..قاطع تفكيرو صوت التلفون و هو بضرب..

آسر:ايوه ي عمر

عمر:وين انتا من قبيل بضرب ليك

آسر:عملتا حاجه انتا زاتك م ح تصدقا😂

عمر:عملتا شنو ي مجنون!

آسر:خلينا نتقابل أحسن

عمر:ايوه عشان انا زاتي عايز اقول ليك حاجات

آسر:تمام نتقابل ف مطعم() بعد

نص ساعه كده لانو م ينفع أتأخر..

عمر:تمام طيب(و قفل)

آسر أختار مطعم قريب عشان كان خايف شديد يخلي نرمين براها..

آسر:(دخل الغرفه لقاني نايمه و ف سابع نومه😴خته ورقه ف الطربيزه جمبي و بقا بعاين لي مسافه..)اخخ ي نرمين انا حته خايف أطلع من البيت و أسيبك..إنتى عملتي فيني شنو ي بت الناس..❤

ف جانب تاني..

أبتهال:عاين انا عملتا كل البقدر عليهو تاني أعمل شنو يعني😡

_إنتى شكلك نسيتي أنو انا لمن حسي ساترك و م موري زول عن أنك بتبيعي بنات من المستشفي و تتاجري بيهم..إنتى عارفه كويس انو عندي دليل على كل البتعملي ده..و م ننسى كمان عن ديونك المعاي و حاجات كتيره تانيه خليني أسكت و م أقولا ف عشان كده ي دكتوره أبتهال م تلعبي معاي أحسن ليكي😊

أبتهال:(بتوتر)انا..انا بجد م عارفه أعمل شنو

_ده ولدك لو م أتصرفتي معاهو انا ح اتصرف..و م تنسي أنو انا ممكن بحركه وحده أقتلو زي م عملتا مع يوسف..عشان كده أتحركي سريع الوقت م في صالحك..

أبتهال:بس..الو..الووو..😢😢واي ي ولدي انا حسي أعمل شنو💔

عنده نورهان:

كانت قاعده مع ناس أبوها و خالتا..

محمد:وينو معتز ده أختفى فجأه..

معتز:انا هنا ي عمي😂

محمد:تعال اقعد ي ولد فهمنا الحاصل ف الشغل شنو

نورهان:انا بستأذنكم طالعه شويه

سامي:خليكي عايزك ف موضوع..تسمح لي ي عمو بكلمتين معاها

محمد:طوالي بس م تتأخرو

سامي:ان شااء لله(و طلعو بره الحديقه)نورهان مالك

نورهان:سامي انتا م سألتا عن نرمين صح؟!..

سامي:سألتا بس و الله م لقيتا

نورهان:انا عايزه أمشي المستشفي تاني

سامي:نورهان ح تستفيدي ايه

نورهان:سامي عليك الله بكره خلينا نمشي هناك..حاسه أنو أمكن أعرف حاجه

سامي:طيب طيب بس انتى روقي شويه💕

عنده آسر..

مشا و قابل عمر ف المطعم..

عمر:اها عملتا شنو ي مجنون

آسر:عقدتا ع نرمين

عمر:نعم؟!..انتا جادي!

آسر:اي😂

عمر:ي آسر م حاسي نفسك بتعمل أكتر من اللازم ف الموضوع ده

آسر:انا لمن حسي حاسس نفسي م بعمل حاجه و الله💔

عمر:طيب بالمناسبه دي عندي ليك خبر حلو

آسر:شنو

عمر:عرفتا الوره قصه يوسف منو

آسر:منو!..

عمر:واحد اسمو معتز هو بكون ود خالة نرمين

آسر:طيب و الدليل شنو

عمر:يوم الحادث زاتو حصل الآتى

باك فلاش:

حامد:فتشو العربيه دي زي الناس

_لو سمحتا

حامد:اها

_لقينا ده جوه العربيه(و أداهو خاتم..)

حامد:(بقا بعاين للخاتم و لحسن الحظ لقا حروف محفوره جوه)M.N!..ده م أظن حقه يوسف..(و بقا بحاول بتذكر الخاتم ده شافو وين..)معتز😳ايوه معتز كان عندو نفس الخاتم ده..معقوله بس!

حامد رجع المخفر و معاهو الخاتم و بقا بحاول يفكر كيف الخاتم ده وصل عربيه يوسف و كمان وقت الحادث تحديدا!كان خايف من معتز شديد نسبه لأنو معتز أقوي من محمد الختم بكتير..رجع البيت و اخذ الخاتم معاهو و أول م وصل البيت و لسوء الحظ جو رجال ضربوهو قبل م يدخل👊و طلبو الخاتم و قدرو يشيلو منو و سابوهو هناك و هو مرمي ف الأرض و مليان دم..💔

نجي لآسر و عمر..

آسر:صحبك ده غبي و ليه م أتكلم😡

عمر:لأنو لمن الرجال ضربوهو هما كمان قالو ليهو شي او خلينا نقول تحذير عديل "لو سمعنا أنك قلتا حاجه أعتبر بتك لحقت بت نرمين"

آسر:(عاين لعمر بخلعه)معقول بس..

عمر:معقول و جدا كمان..ي آسر معتز ده ع حسب البعرفو كان مجنون ب نرمين و لمن رفضتو جنه زياده و اكيد ده الخلاهو يعمل كده

آسر:الكلام ده م منطقي..طيب ليه بعد 6 سنين من زواجا يادوب قرر يعمل كده؟!..

عمر:م عارف ي آسر بس الأنا متأكد منو حسي أنو معتز لو عرف بموضوع زواجك من نرمين م ح يحصل خير..

آسر:و الأنا متأكد منو كمان أنو معتز في وراهو سر تاني..القصه أكبر من قصه حب و شويه جنون..انا متأكد..

عمر:طيب عايز تعمل شنو

آسر:عايز اقابل نورهان..

"كان الأمر يشبهه ان يلتقى المصير بقصص الحب الخياليه..بعض الدماء و أرواح للشهداء و قصتنا في منتصف تلك الحرب.."❤

صلو على الحبيب..❤