الجزء 25

اول م حامد طلع عمر فتح الفلاش ف اللاب لقاهو فاضي..

عمر:ده فاضي!..(و طلع بره طوالي عشان يلحق حامد بس ي ريتو م طلع💔)حامد😳😳

حامد:..(كان مرمي ف الشارع و مطعون زي 4 طعنات ف بطنو..)

عمر:لا عليك الله م تموت(و قرب يدو عشان يشوف نبضو..بس للأسف كان مات..)حامد😢

عمر أتصل للشرطه و الإسعاف و هو اعصابو دي خلاص..م قادر يبكي و م قادر يسكت بقا مصدوم ف صحبو القبل شويه كان معاهو..

اول م الأسعاف جا نقولهو طبعا المستشفي بس مسبقا هو كان ميت و الشرطه بدت أسئله ف عمر..

عمر:ي علي انتا عارف ده صحبي و انا و الله حاليا م قادر أتكلم و الله💔

علي:خلاص لممن تهدا نتفاهم

عمر:(قعد ف الكرسي و بقا بستغفر..بعد مسافه ضرب لآسر كان وقتها الساعه 3 ونص صباحا..ف البدايه آسر م رده لانو كان نايم بعد م ضرب ليهو 5 مرات حتى رده..)آسر😢

آسر:عمر ف شنو بسم الله😳

عمر:حامد مات..

آسر:...

ف جانب تاني:

معتز:(دخل لسامي ف الغرفه و فتح النور)قوم ي ولد

سامي:(قام مخلوع)مالك بسم الله ياخخ!

معتز:جاني مزاج قلتا اجي اتونس معاك😂

سامي:معتز انتا مجنون

معتز:انا م مجنون بس ممكن نقول انو انتا المجنون..ف زول بقيف ضد اخوهو؟!..

سامي:بتقول ف شنو انتا؟!..

معتز:عاين ي سامي انا لمن حسي مبرد اعصابي بس انتا صراحه بتخلى الزول يعمل حاجات م عايز يعملا

سامي:...

معتز:نرمين متين طلعوها من المستشفي!

سامي:(بتوتر)نرمين!م عارف..انا

معتز:(بصرخه..)انتا شايفني بلعب هنا😡

سامي:..

معتز:طيب طيب ح اهدى عشان انتا اخوي..عاين عايز اعرف اي شي..آسر ده ليه بعمل كده معاها..ليه أتزوجا و ليه عايز يفتح القضيه؟!..

سامي:(سكت مسافه بعدين حكه ليهو اي شي هو بعرفو..)

معتز:يعني عايز تفهمني انو عمل كده عشان هوو طيب قلبو حنين و كلام المسلسلات ده

سامي:انا ده العارفو

معتز:(قرب من سامي)طيب طيب انتا حسي ح تعمل الأنا بقولو عشان م ألحقك حامد

سامي:حامدد..حامد منو

معتز:بكره بتشوفا ف الجرايد..مقتل أحد أفراد الشرطه ف منتصف الليل😂

سامي:معتز انتا قتلتو..ليه..انتا جنيت

معتز:عاين ي سامي ي اخوي الصغير..انا و انتا عارفين قصه يوسف و لو طلعت بره انا و انتا ح ننتهي عشان كده خليك عاقل😉(و طلع بره..)

سامي:...

عنده آسر:

آسر قام سريع لبس هدومو و مشا المستشفي طوالي..

آسر:عمر😳

عمر:مات ي آسر..مات بسببي😢

آسر:قول بسم الله..هو م مات بسببك لانو ف النهايه ده يومو و ده المكتوب

عمر:عندو بتو عمرها 10 سنوات ي آسر

آسر:(سكت)

بعد مسافه كده سمعوو صوت مره جايه و بتصرخ..

_واي قتلو راجلي😭😭قتلو حبيبي و خلوني انا و بتو برانا..الله يجازيكم ي رب..ي ظالمين😭(المستشفي دي كلها كانت بتعاين للمره و هيا كل شويه تصرخ و تقع و يجو يرفعوها..)

عمر:ي نور😢م كده لكن أتصبري(و قام مسكا..)

نور:مات ي عمر و ساب وراهو بت عمرها 10 سنوات😭م شبعت منو ي عمر!صحبك خلاني و مشا و هو عارف انو م عندي غيرو ف الدنيا دي😭

عمر:😢(بقا ساكت و ببكي معاها..)

"الحياه مرات بتختنا ف مواقف عمرنا م حسبنا ليها حساب..و بعد م نكون قدام الأمر الواقع بنكتشف أنو احنا ضعيفين شديد عشان نواجهه لأنو مسبقا م استعدينا للمواجهه..ف بنخسر و ببقا موضوع أنو نقوم صعب بس م مستحيل.."❤

آسر طلع وقف بره و يادوب اقتنع انو فعلا الموضوع ده أصعب مما كان متخيل و أمكن جا الوقت عشان يتحرك لانو م بقدر يستحمل ارواح تانيه ترووح..مشا طوالى ع المستشفي طبعا كانو كلهم نايمين دخل المخزن و بقا بفتش ف حاجات نرمين الحاجزنها لمن م لقاها..كان ف صور و مفتاح بيت و كتاب صغير كده شالهم كلهم و طلع..و هو طالع قابل سوسن..

سوسن:دكتور آسر

آسر:انتى عندي معاكي حساب تاني

سوسن:انا..عملتا شنو؟!..

آسر:بياتو حق بتقولي لأخت نرمين انو نرمين ماف

سوسن:انا..بس..

آسر:(قاطعا)انا حسي م فاضي بس ح افضا ليكي!(و طلع عاين للساعه لقاها 6 رسل لعمر رساله "بعد ساعه نتقابل ف العنوان الح رسلو ليك ده" و رسل ليو العنوان و أتحرك طوالي على هناك..)

آسر وصل عماره شبهه قديمه كده فيها طابقين و ف كل طابق في شقتين..دخل و دقه باب أول شقه قابلتو..فتح ليهو راجل كبير شويه..

آسر:السلام عليكم

_و عليكم السلام ي ولدي

آسر:عايز أسألك بيت يوسف وين

_يوسف منو؟!.

آسر:يوسف كان ساكن هنا زمان و أتوفى..عندو بيت ملك ف العماره دي..كان عندو مرتو اسمها نرمين

_ايوه يوسف الأستاذ ربنا يرحمو..معلش ي ولدي كبرنا

آسر:لا و لا يهمك

_بيتو فوق الشقه العلى اليمين

آسر:تسلم شديد💕

_بس ماف زول ساكن هناك

آسر:عارف انا عندي المفتاح جاي أشيل حاجات حقت نرمين

_ايوه تمام..

آسر طلع فوق و فتح الشقه كانت مغبره لدرجه مبالغه و التراب ف كل مكان..و فيران و الحشرات..

آسر:انا م ح أقدر ألقا شي بالطريقه دي..(دخل جوه كان ف صالون كبير كده بقا بعاين ف الحيط كان ف صور معلقه مشا و مسح منها التراب..أكبر صوره كان فيها نرمين و وتين و يوسف و كلهم كانو بضحكو وقف مسافه يعاين بعدين مشا لصوره جمبها كانت أصغ

ر شويه و كان فيها وتين و نرمين❤بقا بتبسم و بعاين للصوره..)بتشبهك شديد ي نرمين💕(بعدين مشا مسافه كان ف صوره طويله كده و فيها يوسف و نرمين..كانت نرمين بتضحك و يوسف بعاين ليها❤آسر فضل يعاين للصوره مسافه بعدين أتحرك من هناك و دخل اول غرفه قابلتو كانت غرفه فيها سريرين عرف أنها غرفه للضيوف و طلع دخل تاني غرفه كانت غرفه النوم و فيها بالطرف سرير صغير كده عرف أنو دي غرفتم❤طلع من هناك و دخل اخر غرفه و كانت غرفه صغيره و فيها مكتب كده صغير..)دي الغرفه العايزا(اثناء م هو واقف و م عارف يبده من وين عمر ضرب ليو..)

عمر:انا واقف تحت..

آسر:اطلع الطابق التاني الشقه على يدك اليمين

عمر:تمام(و طلع ليو)دي شقة منو

آسر:يوسف

عمر:على فكره أحنا البنعمل فيو حاليا م قانوني

آسر:يوسف م عندو اهل و الشقه دي تعتبر حقة نرمين بعد م يوسف يموت و نرمين مرتي معناتا شرعيا كده البنعمل فيو قانوني😊

عمر:اقنعتني..اها لقيت شي

آسر:ح نلقا شي ف الغرفه دي ان شااء لله

عمر:طيب يلا نفتش(و فعلا بدو يفتشو ف الغرفه كلها و م لقو غير ورق تصحيح و أمتحانات و كراسات..)م ح نلقا شي ي آسر..احنا اصلا م عارفين نفسنا بنفتش ف شنو

آسر:(كان ساكت)

عمر:ي ود بتكلم معاك

آسر:أظن أنو حسي عرفنا أحنا بنفتش ف شنو!

عمر:شنو؟!..

آسر:(مده لعمر ورقه..)مفروض نعرف شنو البخلى يوسف يشتغل مع معتز..

عمر:...

"كان الأمر يشبهه أن تبحث عن مجرم ف شخص مظلوم..جعلتني أصدق أن لكل مظلوم ظلم قد أرتكبه.."

ريان وقفت قرايه و صراحه النوم غلبا و طوالي مشت نامت..

ف جانب تاني..

عبد الله:ي مازن انتا حسي جادي خليت غفران و لا ده كلام كل مره!..

مازن:انتا عارف انا غبي اضيع وحده زي ريان..بجد غبي

عبد الله:ف الحب كلنا اغبياء و الله..مع أنو غبائك زايد بس يلا ح أمشيك..(قاطع كلام عبد الله صوت الباب..)بسم الله ده منو الجايني حسي

مازن:قوم شوف..

عبد الله:(مشا و فتح الباب لقاهو مروان..)مروان

مروان:(م رده عليهو و دخل جوه..)مازن

مازن:(عاين ليهو بأستغراب)ف شنة

مروان:من الليله ريان دي خط احمر..تقرب جمبها م ح يحصل خير..

مازن:...

"غباء الحب..قد نظنه خدعه ليبرهن الناس فشلهم ف الحب..لكنه حقيقه..ف نحن نقترب حين يتوجب الرحيل و نبتعد حين يستحسن البقاء..ف كل الحالات نفعل كل شئ لا يجب فعله.."❤