الجزء 5

عائشه:(قرصتني)ح تاكلى الولد بعيونك

ريان:(لاحظتا لنفسي،و نزلتا عيوني طوالي💔)

مريم:ي ابتسام خلاص م تبكي اهو ولدك رجع بعد الغربه❤

مروان:(مسح دموع امو)مش قلنا من غير بكا

مازن:اصلا النسوان ديل كده جنهم دراما😂

أبتسام:(ضربت مازن ف كتفو)ولدي و مشتاقه ليهو اجي

مروان:انا زاتي مشتاق ليك بس ممكن فرصه أسلم على الباقين😂

أبتسام:غور

مروان:حلاتو الزعلان😂

الضى:بقيت راجل ي ود

مروان:ابوي❤

الضى:(حضنو)حمد لله على سلامتك ياخ

مروان:الله يسلمك ي رب❤(و سلم على الباقين لمن م وصلنا،و عاين لي بأستغراب..)

مازن:م عرفتها و لا شنو😂😂

مروان:بري

ريان:اجي ي بري دي م كان 5 سنين😂

مروان:ريان!😳

ريان:اتخيل😂😂

مروان:ي بت مش كنتي قدر الفيل شنو البقاك زي الغزاله فجأه😂😂

عائشه:واي😂😂😂😂😂😂(و كلهم بقو يضحكو😂طبعا كنتا سمينه شديد بس نزلتا رجيم قاسي و بقا جسمي حلو❤)

ريان:مروان ح تقلا ف ادبك خلاص؟..

مروان:خلاص معليش😂(و سلم علي)

ريان:😒غياظ

مروان:قلنا خلاص😂(و بعدين سلم على عائشه)

أبتسام:ارح اقعدو طوالي ف السفره عشان ناكل(فعلا كلهم طلعو لمن جيت طالعه مازن وقف قدامي و انا قلبي قرب يقيف مع وقفتو دي❤)

مازن:احنا م بسلمو علينا

ريان:يب خلاص مروان جا يعني ح نبيعك

مازن:و منو الكان بدافع عنك لمن كان بدقك ي تافهه

ريان:كنا شفع حسي كبرنا م بقدر يدقني😌

مازن:خلاص لمن راجلك بعدين يدقك م تجي تتباكي لي هنا

ريان:..

مازن:ارح ارح(و مشا)

ريان: حتى راجلى فكرتا فيو و الله ماشااء لله عليك💔(و طلعتا وراهو قعدنا ف السفره و الونسه و الضحك❤طبعا مروان ده دمو عسسل عديل موتنا ضحك و بقا يحكي لينا عن مواقفو ف لندن و الحصل معاهو هناك و احنا متنا ضحك😂قعدنا لمن م اذن المغرب و شربنا الشاي بعد المغرب كده كان الجو ظابط طلعتا الحديقه بره و قعدتا ف النجيله💙)

مروان:لسه م خليتي عادتك دي

ريان:احلى شي ف بيتكم ده النجيله❤

مروان:حتي انا اشتقتا ليها(و قعد جمبي)

ريان:شكلك م اتغير شديد من زمان

مروان:بس انتى بقيتي مزه😉

ريان:م تخجلنيش😌

مروان:م يكون ده الحب بقاك كده😂

ريان:حب شنو بالله

مروان:حب الطفوله مثلا

ريان:كيف يعني!

مازن:الخيانات بدت خلاص

مروان:بخلط مع بت العم عندك اعتراض

مازن:😂دي بت يخلطو معاها

ريان:عان التافه😒

عوض:انتى هنا ي بت و احنا من قبيل نفتش

مازن:عملت لينا صداع زاتو شيلوها

ريان:ي الله ياخ انتا مالك كريه كده😡

مروان:😂

مازن:عشان انتى حلوه لمن تتنرفزي💕

ريان:..

مازن:صدقت😂

مروان:(عاين لي مسافه)م تشتغلى بيهو انتي دايما حلوه

عائشه:واي ربنا يشفيكم غايتو

عوض:غايتو ربنا يلمكم كده دايما❤

مازن:امين ي رب❤

مريم:حسي احنا نمشي يلا ي ريان اتأخرنا

ريان:تمام(ودعتهم و مشيت الطريق كلو كنتا بفكر ف مازن و كلامو و عيونو بجد انا م بس بحبو انا جنيت بيهو عديل💕وصلنا البيت و طوالى دخلتا غرفتي أستحميت و قعدتا ف الكرسي قصاد الشبك و بفكر ف جملتو ديك "عشان انتى حلوه لمن تتنرفزى" بس بيني و بين نفسي قلتا "م تتعلقي بوهم مازن عمرو م شافك غير اخت💔" شلتا الروايه و قلتا أخير لي أقره شويه و فعلا بديت من محل وقفتا..

نرمين:(رقدتا و بجد كنتا محتاجه لزول يقول لي "انتى قويه"

ذكرني بيوسف،أمكن عشان كده حسيت بالأمان،امكن عشان كده الحروب الجواتي وقفت و صوت الانفجارات اختفى❤)

آسر مشا المكتب و مسك ملفى و بقا يقره،الحاجه الغريبه انو ماف زول بيزورني و انو اي حاجه بخصوصي مجهوله ماف غير أسمي و اسم ابوي و شويه معلومات م مهمه،ده الخلاهو يستغرب و يعرف انو القصه دي أكبر من ما أتخيل بكتير،و هيا فعلا أكبر..قعد هناك فتره طويله بعدين رجع البيت و دخل طوالى نام..صحى الصباح أستحمى و لبس...نزل تحت لقا أمو لابسه و مجهزه شنطا طالعه المطار..

آسر:ي جميل

أبتهال:ده كلو نوم

آسر:امبارح رجعتا متأخر

أبتهال:أحمد زاتو م صحه و لا بصحى حسي ده كمان

آسر:ح يوصلك منو

أبتهال:السواق،،انتا أمشي المستشفي و أهتم بالوضع هناك

آسر:من عيونى(باسها ف راسا)تصلي بالسلامه💕

أبتهال:ربي يسلمك من كل شر❤(مشت مسافه بعدين رجعت لآسر تانى)ي ولدى قلبي م مطمن لقصه نرمين دى أبعد منها عليك الله

آسر:امى انا وعدتها و م بخلف البت دى مسؤليتي و الموضوع منتهى انتى م تشيلي هم

أبتهال:خير طيب(و طلعت)

آسر قعد أكل بعدين أتحرك على المكتبه جمبه المستشفي كان عايز يشتري ليهو شويه حاجات و الطريق كلو بفكر كيف ممكن يخلى نرمين تتكلم بعد الفتره دي،،وصل المكتبه و أشترا حاجاتو و هو طالع وقع عينو على كراس لونو أزرق حلو شديد،و فجأه جات ف بالو فكره،فكره أمكن تنجح و أمكن لا!!...

أشترا كراس و قلم ازرق ظريف كده و طلع و كلو أمل انو فكرتو تنجح،،وصل المستشفي و دخل سلم عليهم كلهم بعدين طلب منيره و سوسن ف المكتب..

آسر:طبعا انا ح امسك المستشفي زي م عارفين و لمن وقتها م عايز وحده فيكم تدخل و لا تطلع من غرفه نرمين

سوسن:بس..

آسر:(قاطعا)انا م بطلب رأيكم انا بأمر😊و اتفضلو شوفو شغلكم

سوسن:حاضر التشوفو😊(و ط

لعو)

منيره:أتخيلي بس😡

سوسن:منيره م تشتغلي بالموضوع بالله

منيره:اصبري بس و أوريكي ح أشتغل بيهو و لا لا😊(و مشو)

آسر مشا و دخل غرفه نرمين لقاها صاحيه و بتعاين من الشباك كان منظرا و هيا صاحيه من النوم و الشمس واقعه ع عيونا البنيه حلو شديد💕سرح مسافه بعدين لاحظ لنفسو..

آسر:صباح الخير

نرمين:(عاينتا ليهو و أتلفتت)

آسر:يعني بتسفهيني؟!..😂ي شيخه م مشكله تعالي اقعدي عايز اقول ليك شي

نرمين:(قعدتا و بقيت بعاين ليو)

آسر:زي م عارفه انا وعدتك و طبعا م ح اخلف و بجد محتار اتواصل معاك كيف بطريقتك دي بس جاتني فكره ظريفه و حل وسط لي و ليك..(سكت مسافه بعدين قال)الكراس ده و القلم ده ليكي💕م عايزك تتكلمي بس حاولى تفضي الغضب الجواتك ده امكن شويه ترتاحي،خلينا نتواصل كده انتى اكتبي و انا ح اقره و احاول اساعدك،انتى محتاجه لانك تفتفضي و انا محتاج أني أساعدك

نرمين:(عاينتا ليهو و م فهمتا كيف يعني محتاج اساعدك؟!..)

آسر:انا محتاج ليك اكتر م انتى محتاجاني و رغم انك م ح تفهمي كلامي بس لازم تعرفي اني نهائ م ح اخليك تستلمي انا مستعد اكون جيشك الوحيد..(و سكت مسافه بعدين طلع)

نرمين:(طبعا كلامو بجد أثر فيني و بقيت بعاين للكراس بس حتى كلامو م كان دافع لأني اقوم و اكتب،الجواتي اكبر من جمله بسيطه و اكبر من جيش صغير..)

رجعتا وقفتا جمبه الشباك و سرحتا كالعاده و تقريبا كل نص ساعه آسر كان بجي يشوف انا كتبتا و لا لا بس ف كل مره كان بجيهو احباط اكتر و بطلع و هو ساكت..

آسر قعد بره و بفكر لو فكرتو م نجحت ح يعمل ايه تاني و ف نص سرحتو دي تلفونو دقه..

آسر:اها ي كمال

كمال:انتا وين

آسر:ف المستشفي..صوتك مالو عامل كده؟!..

كمال:لو م عندك شي عايز اقابلك

آسر:تمام نتقابل ف مكانا زاتو

كمال:ظابط(و قفل)

آسر:(طوالى طلع و كان عندهم مكان ثابت ف شارع النيل بقعدو فيهو و معاهم احمد،مشا لقاهو قاعد و وشو جايب 100 لون)بسم الله ي ولد مالك(و قعد قصادو)

كمال:الدنيا ضاقت بي ي آسر،تعبتا و زهجتا و الله💔امى مصره ع موضوع العرس و انا م عايز اعرس💔

آسر:(سكت مسافه)امك ليها حق ي كمال،،هيا عايزه تشوف احفادا برضو

كمال:م قادر..م قادر انساها😭(و بقا ببكي من غير يحس)

آسر:(بقا ساكت و ماسك دموعو بالغصب)امل ماتت ي كمال💔و لو كانت عايشه م كانت ح تحب تشوفك كده،،اختى الحلوه كانت دايما بتحب تشوفك مبسوط،تتذكر يوم خطوبتكم قالت ايه؟!..

كمال:"اليوم التزعل فيهو بسببي ح اعرف انى م حبيتك صح"

آسر:طيب يرضيك حسي تحسسه انها م حبتك صح؟!..

كمال:م قادر اتخيل حياتي مع غيرا!

آسر:بس الحياه غصبا عننا ح تمشي،و م ح تقيف ع زول💔انا م قلتا ليك اعقد بكره بس انتا ادى فرصه لنفسك انك تكمل عشان تقدر تكمل❤امل محتاجه لدعواتك بس،هيا م محتاجه أنك توقف حياتك عشانا،هيا م محتاجه لزعلك ده،امل لو م انا كان حسي..

كمال:(قاطعو)ي آسر امكن انتا غلطا بس م تنسا دي حاجه مكتوبه برضو

آسر:ربنا يرحما بس💔

كمال:عارف هيا كانت بتحبك شديد،كانت بتقول لي ي ريت تكون زي اخوي

آسر:(ف اللحظه دي م قدر يمسك دموعو و بقا ببكي💔)

الأتنين سكتو و دموعم كانت بتتكلم،،امكن اصعب لحظه لحظه الفقد،لمن نفقد زول و يكون بس الباقي منو زكرياتو،كلامو الحلو و صوتو و مواقفنا معاهم،امكن ديك اللحظه الوحيده البنعرف فيها قدر ايه الحياه تافهه،و ناقصه و فانيه و بنتمنى بس رجعتم بس م برجعو..💔

"عزيزي ذاك الطيف و الأجمل،أأخبر الجميع عن شوقي؟!..م بال قلبي بات بك مفتكرا،ارجوك عد او خذ م تبقى منك مني..♥"

ريان النوم غلبا و ف نص قرايتا دي نامت من غير تحس،،صحت تاني يوم ع صوت المنبه قامت أستحمت و لبست و طلعت سلمت على امها..

مريم:عان عيونك حمره كيف كنتى مساهره صح؟!..

ريان:منو دي انا دي بري بري😂

عوض:بتك قامت عليها النفسيات خلاص

ريان:(باست امها و ابوها)بجد ربنا يخليكم لي😢

مريم:بسم الله،حلمتي بينا متنا و لا شنو

ريان:لا بس بجد انا بحبكم ربنا يحفظكم و يومي قبل يومكم😢

عوض:ي بتي اصلا الحياه كده الموت حق ولو يومنا جا قبل يومك خليكي قويه و اعرفي انو الموت م ببعد زول من زول و الله💕(و حضني)

مريم:انتو عايزين تبكوني من الصباح💔

ريان:اي طولتا م شفتك بتبكي😂

مريم:شوف جنس الحساده دي😂

عوض:ياخ ان شااء لله انتو الأتنين م اشوفكم يوم بتبكو الا فرح💕

ريان:امين امين💕(و بقينا قاعدين و بنتونس و نضحك❤لمن م جات مواعيد جامعتي لبستا و طلعتا طوالي و كالعاده ركبتا الأمجاد و فتحتا كتابي عشان أكمل الروايه..💕)

"شاي بلبن،قعده الصباح،ضحك الأهل،تلك الأشياء الجميله بتعدل المزاج و زياده فاللهم قهوتي و أهلي و كيفي بهم و كفى..♥"