الجزء 10

نرمين:(أندمجتا معاهو شديد و دموعي نزلت)

آسر:(عاين لي بخلعه)مالك بسم الله💔

نرمين:(من غير مقدمات حضنتو😭)

آسر:خلاص خلاص❤انا معاك❤

نرمين:..

آسر:(مسكني من يدي شربني مويه بعدين طلعني قعدني بره❤)حسي البكا ده ليه؟!..للدرجه دي صوتي حلو

نرمين:(عاينتا ليهو و سكته)

آسر:الغنيه دي كانت امل بتحبها شديد عشان كده دايما بغنيها💕طيب انا عندي فكره ايه رأيك نعمل الحاجات الكانو بحبوها؟!..

نرمين:(عاينتا ليهو و م فهمتا)

آسر:يعني مثلا انتى حسي تعملى الأكله البحبها يوسف و انا أجهز الأكل بنفس طريقه أمل الكانت بتحبها و قبل م ناكل ندعي ليهم💕خلينا تاني كل يوم أحد نعمل حاجه عشان يفضلو ف بالنا..هما أصلا دايما ف بالنا بس برضو عشان نحسس نفسنا اننا م مقصرين..فكره صح؟!..

نرمين:(كنتا بعاين ليو و ساكته،،هو كان انسان كده مريح لدرجه غريبه،بقولو مرات انو الحب اصلا اهتمام بس مرات تانيه الحب بكون راحه،ارتاح معاك،أطمن معاك و بي لغه تانيه الحب كان أنتماء و آسر كان بحسسني إنى بنتمى ليو،إنى حاجه تخصو،امكن كنتا بذكرو بأمل بس هو كان نسخه من يوسف💕ي حظ قدري الخلاني أقابلك،و ي حظ القصص لو كانت بيك❤)

دخلنا المطبخ و عملتا مكرونه بالبشمل كانت الأكله المفضله عنده يوسف❤و آسر قطع السلطه و رتب الأكل و طلعم بره بعد م قعدنا أنا أتذكرتا حاجه و رجعتا المطبخ عملتا عصير ليمون❤و طلعتو ليهو بره..

آسر:الله الله😍😍😍

نرمين:(أبتسمتا ليهو و ختيت الجك و كاستين)

آسر:ها أرح ندعي ليهم بسرنا..

نرمين:(غمضتا عيوني و بيني و بين نفسي قلتا "ربنا يرحمك ي يوسف و ينور قبرك❤ربنا يجمعنا انا و انتا و وتيني ف الجنه ي رب❤)

آسر:(كان ساكت و بعاين لي و بينو و بين نفسو بقول.."ربنا يرحمك ي أمل❤و ربنا يستجيب لكل دعوه بتدعيها ي نرمين❤)

نرمين:(فتحتا عيوني لقيتو بعاين لي)

آسر:يلا قولي بسم الله و ارح ناكل😉(و فعلا بدينا أكل،،و آسر بيتونس معاي يضحك)

بعد م أكلنا و لمينا العده احمد جا داخل..

أحمد:ي آسر..(تاني لمن عاين لي سكت)اممم الجميله دي منو بسم الله؟!..

آسر:الجميله دي نرمين

أحمد:انتى نرمين يعني؟!..(و مده لي يدو)

نرمين:(سلمتا عليهو عادي)

أحمد:اخوي بليل م بنوم بسببك م حرام💔

نرمين:(عاينتا لآسر)

آسر:ي شيخ م تكذب ع البت بنوم و احلى نوم كمان❤

أحمد:طيب ممكن ي جميله أخطف منك آسر شويه

نرمين:(عاينتا ليهو و مشيت قعدتا و خليتم براهم)

آسر:اها مالك

أحمد:امي دي قالت من الصباح بتضرب ليك تلفونك مقفول،عايزه تتكلم معاك

آسر:اي تلفوني م شحنتو عشان كده..بتكلم معاها بعدين،كنتا عايز أسألك تتذكر صاحبنا داك أسموو عمر العزيز الشغال ف الشرطه

احمد:اي

آسر:اديني رقمو

احمد:آسر م حاسس انو أنتا بقيت تنجرف مع التيار شديد

آسر:انا م بنجرف..لانو انا التيار ف القصه دي😊رسل لي رقمو عايز افتح تلفوني و القاهو

احمد:طيب

آسر:(مشا و جا راجع تاني لأحمد)عاين

احمد:اها

آسر:كمال وين الأيامات دي؟!..

احمد:لي يومين م شفتو و الله و امو بتقول لي م بجى البيت

آسر:كيف يعني الكلام ده؟!..😳

احمد:امو خطبت ليو بت عمو و من وقتها و م لاقنو

آسر:و ليه م وريتني

احمد:شفتك م فاضي..

آسر:(قاطعو)ح انزل نرمين المستشفي و ح نشوف الموضوع ده فهمتا!...

احمد:طيب

آسر جاني و قال لي يلا نمشي و فعلا مشينا و ملامح وشو كان متغيره و ساكت طول الطريق و انا بعاين ليو و ساكته لمن م وصلنا المستشفي دخلني الغرفه و طوالي مشا حتى م قال لي شي و دي كان أول مره تقريبا من دخلتا المستشفي أشيل هم زول غير همي..كنتا بس عايزه متين يجي اليوم البعدو عشان ارجع اشوفو و اعرف الحاصل معاهو..💔

آسر ممكن يلعب بأى شي الا كمال..كمال غير انو صحبو و زي اخوهو كان الحاجه الوحيده الفاضله من أمل..كل م يشوفو بنبسط و بحسه نفسو مع أمل❤

مستحيل ينسا كيف لمن كل العيله ضعفت و كمال الوحيد الكان قوي و جاب حق أختو و عرف المجرمين..حتى بعد م عرفم طالب بأقصى العواقب و بعد ده كلو كان لسه قلبو محروق💔كمال كان أكتر واحد بينافس آسر ف حبو لأمل عشان كده مستحيل يتخلا عنو ف الفتره دي💕

آسر ضرب كم تلفون و عرف من خلال أصحابو مكانو و أتحرك على البيت الوصفو ليهو صحبو..و احمد قال بجي ع هناك..آسر أول م وصل بقا بيدق الباب تقريبا نص ساعه لمن خلاص كان ماشي الباب فتح..

آسر:كمال😳ياخ وقفتا قلبنا(و دخل حضنو..اثناء م هو حاضنو حسه بيهو م طبيعي و ريحتو دي كعبه عديل..وقف بعيد منو و بقا بعاين ليو بخلعه..)كمال!..ده شنو؟!..انتا شارب؟!..

كمال:آسر انا..

آسر:(قبل كمال يتم كلامو آسر نزل فيو ضرب و كمال م قدر يقاوم اصلا يادوب قادر يمشي)انتا حيوان ي ولد😡دي الحاجات الأتعلمتها من الدين،معقول نفسك تسمح ليك ي كمال😡👊

احمد:آسر😳(و جا مسكو)ي آسر قول بسم الله عان كمال حالتو بقت عامله كيف من الدق خلاص

كمال:(كان واقع ف الأرض و نازل من فمو دم💔)😭😭انا بحبها(و بقا ببكي زي الشفع)خليها تجي😭انا م قادر أستوعب طول السنتين دي كيف انو تاني

م ح أصحى بصوتها،انا ي أحمد كنتا بحبها من كانت شافعه!متذكر صح؟!..كنتا بجيب ليها اي شي بتحبو كنتا بختها ف عيوني..انا..(و بقا بياخذ ف نفسو و ببكي)انا حاولتا انساها م قدرتا هيا كانت بتجيني ف اي مكان..ف الشغل بتجي تقعد معاي و الله العظيم😭حتى لمن أنوم بتجي ترقد معاي و..و..و لمن أكون زهجان بتواسيني،،عاينو انتو م قادرين تصدقو صح بس هيا كانت بتجي دايما حتى قبل شويه كان قاعده معاي ف الكنبه هنا(و أشر على الكنبه)انا قلتا ليها انا لازم أنساكى بس هيا قالت لي انتا بتحبني م تنساني و لو نسيت انا ح ازعل منك!..كيف يعني اخليها تزعل ي آسر انا بحبها ي آسر😭

آسر:(بقا يعاين ليهو و م مصدق انو ده كمال!معقول طول الفتره دي حابس ف قلبو للدرجه دي..)كمال😢

كمال:(كان ببكي زي الشفع)عايز أمل انا عايز حبيبتي الصغيره😭عايز اغيظا انها شافعه جيبوها لي بس😭

أحمد:(بقا خاتي يدو ف راسو و بستغفر و م قادر يعاين لكمال)

آسر:(مشا على كمال حضنو عليهو قوي❤)اهدي ي كمال خلاص أستغفر ي كمال كده م صح

كمال:بحبها انا كيف يعني م ح اشوفا تاني؟!..😭

آسر:(ف اللحظه دي حتى آسر م قدر يقول شي و بقا ببكي)😭

من أعظم الحاجات الممكن ينجزا الأنسان انو يموت و يسيب و لو شخص واحد بحبو من قلبو..أمل ماتت و سابت حبيبها و أخوانا البحبوها و ف كل ثانيه بتذكروها طيب ف انجاز أكبر من كده؟!..

آسر و كمال كانو قاعدين ف الأرض و حالتم تحنن و أحمد قاعد ف الكرسي لمن م سمعو أذان الفجر..

آسر:يلا قوم..قوم أغتسل و أستغفر عشان نصلي يلا

كمال:(كان شويه صحصح)طيب(دخل الحمام فعلا أغتسل و اتوضا و طلع..)

احمد:يلا نمشي المسجد..حسي ح يصلو

نزلو كلهم المسجد و صلو و بعد الصلاه كلهم كان بدعو نفس الدعاء..

"ربنا يرحمك ي أمل و ينور قبرك"❤

لو ف حاجه تتحسد ف الدنيا دي ف ح يكون ناس تحبك بالطريقه دي و بس❤

رجعو الشقه نامو و آسر أول واحد صحا عمل الشاي و رتب الحته و رمي الحاجات و السجاير الكانت ف الصفره و بقا قاعد و بستغفر..

آسر:احنا دايما ح نرجع لنقطه الصفر..ف كل مره ح نتقدم خطوه ح نرجع تاني..

كمال:(قاطعو)انتا البتقول كده ي آسر..مش على اساس انتا البتقوينا(و جا قعد جمبو)

آسر:و انا كنتا باخذ قوتي منك و انتا امبارح فاجئتني بحاجه مستحيل اتوقعا منك انتا بالذات..(و سكت)

كمال:(بقا بعاين ف الأرض)م ح ابرر العملتو لانو فعلا غلط،انا م عارف شنو الوصلني للحاله دي بس..

آسر:(قاطعو)بس شنو..تتوقع أمل لو كانت حيه و شافتك كده ح تفرح..كل يوم ف ناس بتموت و كل يوم ف جرايم بتحصل و كل يوم ف مصايب بتقع و عارف ف الكل يوم تاني بحصل شنو؟!..بيظهرو نوعين من الناس م ح أقول ليك القوي و الضعيف لا ح أقول ليك الإيمانو قوي و الإيمانو ضعيف و دي الأصح طبعا😊لو كلهم مشو لشرب الخمر و للزنا و للحاجات دي عشان ينسو الهما فيهو يبقو عمرهم م ختو الرحمان ف قلبهم..عارف ح يحصل ليهم شنو تاني؟..ح يقعو من مشكله لأكبر و من أكبر لأكبر لانو من البدايه طريقم كان غلط..و الطريقو غلط عمرو م ح يطلع بنتيجه صح..(و سكت)

كمال:ي آسر انا بجد عارف نفسي جزمه و حيوان و م عارف عملتا كده كيف و الله امبارح كان أول مره😭

آسر:أول و أخر مره ي كمال...لانو لمن تشرب هيا م ح ترجع و لمن تبكي هيا كمان م ح ترجع كلنا أتوجعنا لانو فقدناها بس كلنا ف النهايه ح نموت و الدنيا دي فانيه و البقاء لله💕انتا اكتر زول كان بأمن بقضاء ربنا لدرجه لمن اتوفت انتا كنتا أكتر زول بحاول يقنعني أنو انا م عندي دخل ف الموضوع وين حسي كمال داك؟!..معقول ح تستسلم كده..ح تستسلم و انتا عارف أنو أمل م بتحبك الا و أنتا قوي

أحمد:(جا قاطعم)لا م ح يستسلم لانو كلنا واقفين معاك..ح نفضل معاك لممن ترجع كمال الأحنا بنعرفو..ماف شرب من الليله

آسر:و ماف مبيت بره ح ترجع و تعتذر من أمك كمان

أحمد:ح ترفض البت لأنك م جاهز و احنا بنتكلم مع أمك

آسر:ها نقول صباح الخير؟..

كمال:(بقا بعاين ليهم و بضحك)صباح النور❤❤

أحمد:(اداهو كف كده بسيط)ينعل يومك خوفتنا عليك😂👋(و بقو بتونسو و بضحكو كأنو يوم أمبارح ده م كان)

أحنا بنحتاج لناس يطلعونا بر الأمان..بنحتاج لإنسان يقول لينا أقع و انا ح أمسكك و لو م مسكتك بقع معاك..وقتها بنحس بالأمان و بنحس انو الدنيا أتفهه من أنو نزعل عشانا..م دام عندنا ناس بحبو يشوفونا مبسوطين يبقا نحن ف نعمه كبيره.❤

آسر رجع من كمال و مشا البيت غير هدومو و طوالى مشا على المستشفي و كان يادوب فتح تلفونو لقا كميه من المكالمات و من ضمن المكالمات أمو ضاربه ليهو أكتر من 30 مره م رجع ليها و دخل لي ف الغرفه لقاني قاعده و كاني مستنياهو..

نرمين:(اول م شفتو حسيت يادوب بالراحه مع انو وشو ظاهر فيهو التعب..)

آسر:(قعد قصادي ف الكرسي و بقا بعاين لي)على فكره انا شاطر ف قراية العيون و عيونك بتقول أنك كنتى منتظرانى..♥

"لعل عيني تفضحنى ف شوقي و لعلك تأتى بنسيم أمانك كل يوم..♥"