الجزء 19

آسر:امي لو سمحتي ارجعي لشغلك و انا بشوف شغلي😊

ابتهال:كده يعني؟!..

آسر:ايوه

أبتهال:طيب ي آسر😡(و طلعت طوالي و جسمها ده كلو برجف..نهائ م كانت متوقعه انو الأمور ح تصل الدرجه دي...)

آسر بعد أمو طلعت بقا يعاين لي و يتبسم و انا بعاين ليهو بخلعه..

آسر:نرمين انا جادي..عايز أعقد عليك!..

نرمين:(كنتا لسه ساكته و مخلوعه..)

آسر:(قعد جمبي)عايني انا م ح أقدر أعمل شي الا لو كنتى مرتي..م ح أقدر أحميكي الا كده!..نرمين لو سمحتي ساعديني عشان أقدر اطلعك من الأنتى فيهو!..

نرمين:آسر..م ينفع..(كنتا بتكلم و متوتره شديد..)انتا كده..طيب ليه بتعمل ده كلو عشاني؟!..

آسر:للمره الألف ح اقول ليك انا م بعمل كده عشانك..انا بعمل كده عشاني❤انا بعمل كده عشان أنتى الح تقدري تطلعيني من احساسي بالذنب..م عارف كيف بس انا كل م اساعدك بحسه أمل مبسوطه..نرمين م تحرميني من الحاجه دي لأني محتاج ليها أكثر منك❤

نرمين:ابوي ح..😢

آسر:(قاطعني ابوكي م ح يعمل شي..خليكي واثقه فيني

نرمين:و امك..

آسر:(قاطعني تاني)انتى خلي كل شي علي..ممكن توافقي

"بعض الإجابات تحتاج الكثير من الوقت لنعلم صحتها و لكن معك لا أحتاج سوى لدقائق..أنظر لعينك فاشعر بالأمان فأقول حسنا و لما لا؟!.."

نرمين:طيب..

آسر:بجد😍ياخ انتى عارفه و انتى بتسمعي الكلام بتكوني حلوه شديد😂

نرمين:آسر..

آسر:عيونو

نرمين:شكرا❤

آسر:نرمين

نرمين:اها

آسر:شكرا❤

نرمين:...

آسر:يلا حسي قومي و دي كلها اكياس اختاري لبسه عشان نمشي

نرمين:(بقيت بعاين ليهو و ساكته..)

آسر:بس خليكي واثقه فيني❤

نرمين:(ابتسمتا ليو)

آسر:ح أستناك بره😉(و طلع)

انا قمتا من السرير و فتحتا الأكياس بعدين قفلتا و قعدتا تاني..كنتا محتاجه أفكر لو البعمل فيهو ده صح!..بس أتذكرتا آسر و كلامو و عيونو و هو بقول لي "خليكي واثقه فيني" عرفتا وقتها انو انا م لازم أفكر..طول م آسر جمبي انا ماشه ف الطريق الصح❤

مسكتا اول كيس لقيت فيهو فستان كده لونو كحلى طويل بي طرحتو لبستو طوالي و مشيت أتوضيت و صليت لانو طولتا م صليت💔بعد أنتهيت صلاه بقيت بدعي..

نرمين:ي رب رجع لي صوتي و قدرتا أتكلم و قدرتا أبكي😢ي رب رجع لي حقي الضاع كمان💔

آسر:(كان واقف جمبه الباب)ي رب ساعدني عشان أقدر أساعدا❤

بعد مسافه قمتا لقيت آسر واقف بعاين لي..

آسر:يلا

نرمين:يلا❤

مشينا و نزلنا تحت لقينا أحمد و كمال واقفين..

آسر:سبحان الله اول مره م تتأخرو

كمال:م عشانك عشان سندريلا المعاك

احمد:حمد لله ع السلامه(و مده لي يدو)

نرمين:(سلمتا عليهو عادي و كنتا ساكته..صراحه م كنتا قادره أتكلم معاهم..أمكن الوحيد القدر يكسر الحواجز الأنا بانيها حوليني هو آسر❤)

آسر:يلا نمشي الوقت

أحمد:(كان سايق و كمال ركب جمبو و انا و آسر وره..)اها ع وين

آسر:المحكمه

أحمد:ليه؟..

آسر:عايز أعقد

أحمد:(وقف السياره و قبل على وره عاين ليهو بخلعه..)آسر انتا جادي😳

آسر:اي

نرمين:(بقيت بعاين لأحمد مستنيه أشوف رده فعلو..)

أحمد:(عاين لي و نزل من السياره طوالي..نزل وراهو كمال و آسر و انا كنتا قاعده جوه بعاين ليهم..)انتا ي آسر جنيت رسمي شعبي

كمال:آسر العرس ده م لعبه..انتا متأكد من البتعمل فيهو ده

آسر:متأكد شديد كمان

أحمد:عاين انا مستحيل أكون معاك ف الخطوه دي..طيب ليه م بتكمل معاها كدكتور و خلاص..ليه تعقد عديل؟!..

آسر:لانو م ح أقدر اكمل ف المستشفي

كمال:ليه

آسر:(اخذ نفس عميق و بده يحكي ليهم اي شي..عن كلام عمر و انو امو كمان وره الموضوع)فهمتوني؟!..

أحمد:امي مستحيل يكون عندها يد

آسر:أحمد..نرمين دي ميته بالنسبه للناس..امي لمن اخذت نرمين كانت عارفه انو هيا ميته بالنسبه للناس و مع كده أخذتا..محمد الختم خته نرمين هناك لانو عارف انو ماف زول ح يصل ليها..كيف أمك م عندها دخل فهمني؟!..

احمد:اكيد ف تفسير منطقي للبحصل ده

آسر:انا م بقدر أخاطر ب نرمين عشان اعرف التفسير

كمال:عاينو انا شايف انو انتا معاك حق ف البتعملو..بس م عندك طريقه غير العرس يعني؟..

آسر:لا(و عاين لي و انا قاعده جوه السياره..)انا م مستعد أفرض حلول م عارفه لو ح تنجح و لا لا..لو بقت مرتي ماف زول ح يقدر يهبشا و ح أقدر أحميها..أحمد حاول تقيف معاي

أحمد:انتا بتعمل كده ليه..

آسر:(سكت مسافه)خلينا نقول أنو عشان أمل ربنا يرحما

كمال:انا معاك ي زول

أحمد:(سكت مسافه)طيب ي آسر بس بتمنى أنك م تندم

آسر:(حضن أحمد)م تخاف انتو بس خليكم معاي❤

كمال:معاك ي اخوي(و ضربو ف كتفو)

احمد:يلا طيب(ركبو السياره و انا طبعا كنتا ساكته و بس بعاين ليهم لمن م وصلنا المحكمه صراحه قلبي كان ح يقيف💔)

آسر:استنيني هنا نازل و جاي طيب

نرمين:طيب

آسر:(نزل و كان معاهو ورقو و ورقي الكان اخذو من المستشفي و دخل عمل كل الأجرأت هو و كمال و أحمد كان ساكت و قاعد معاي ف السياره بعد مسافه جو طالعين و نادونا ندخل..اول م دخلتا المحكمه قلبي بجد كان ح يقيف💔للحظه حسيت إني بعمل ف شي غلط بس لمن كنتا بعاين لآسر كان كل خوفي ده ب

تلاشى..

بعد نص ساعه كده نادونا ندخل جوه..دخلنا و انا و آسر قعدنا و كمال و أحمد كانو واقفين..أدى الورقه أول لآسر و هو طوالى وقع بعدين أدانى الورقه للحظه حسيت انو الوقت وقف..أتذكرتا يوسف و وتين و حسي خايفه يحصل لآسر نفس الشي بسببي💔بقيت بعاين للورقه و دموعى نازله..

آسر:نرمين

نرمين:(عاينتا ليو و فضلتا ساكته..)

آسر:انتى م مجبوره ع شي..لو عايزه نخلي الموضوع بنخلى بس م تبكى💔

نرمين:(سكتا مسافه بعدين مسكتا القلم و وقعتا💔)

_مبروك ليكم❤حسي الشهود مفروض يوقعو

فعلا كمال و احمد طوالي وقعو و بعدها طلعنا من هناك..

آسر:نرمين

نرمين:اممم

آسر:(قرب مني و همس لي..)حسي ممكن أقول أنو عندي الحق ادافع عنك من غير زول يسألني ليه❤

نرمين:..

كمال:يلا ح أعزمكم اول بعدين انزلكم الشقه

آسر:ارح اصلا جعان😂

ف جانب تاني..

_الوو

+اي مالك؟!..

_انا شفتا نرمين حسي

+نعم؟!..وين و كيف

_ف المحكمه كان معاها 3 اولاد كده!

+و الله تطلع م نرمين ح اقتلك😡بعدين نرمين الياخذا المحكمه شنو؟..مستحيل

_و الله هيا و..(سكت)

+و شنو؟!..😡

_تقريبا جايه عشان تتزوج

+حسي دي تتأكد لي ده منو الجا معاها و تتأكد ليه جو يعملو شنو من غير تقريبا فهمتا😡

_طيب(و قفل الخط)

+مستحيل هيا لسه ف المستشفي..

ف جانب تاني:

عمر:ي حامد انتا خايف من شنو

حامد:خايف عليك..انا كنتا ماسك القضيه دي و صدقني الموضوع ده م ساهل

عمر:لا ساهل انا متأكد انو الوره الموضوع ده كلو محمد الختم

حامد:لا ي عمر الوره الموضوع ده م محمد..(و سكت)

عمر:طيب منو؟!..كمل عليك الله و وريني

حامد:معتز!

ف جانب تاني:

نورهان:ي ابوي بس انا زهجتا من قعده البيت فيها شنو لو اشتغلتا!..

محمد:نورهان انا م ناقصك ياخ😡بعدين تشتغلي ليه ف حاجه ناقصاك هنا؟!.

نورهان:لا بس..

محمد:(قاطعا)لا بس لا شي يلا امشي غرفتك بعد شويه ح يجي خطيبك و اهلو امشي البسي ليك شي زي الناس

نورهان:طيب ي ابوي💔(و طلعت غرفتا و هيا بجد زعلانه شديد غيرت هدوما و قعدت شويه بعدين طلعت..)

معتز:اووه نورهان💕

نورهان:معتز كيفك😒

معتز:ح تفضلي طول عمرك تتكلمي معاي بالطريقه دي يعني..ي بت انا ود خالتك و اخو خطيبك حاولى تتأقلمي مع الموضوع ده شويه😂

نورهان:...

"الأمر بسيط نحن نثق بالجميع و الجميع يغدر بنا حتى أقرب الأقربين.."♥