الجزء 4

قاطع قراية ريان صوت التلفون و هو بضرب أتخلعت لانو الوقت اتأخر شافت تلفونا لقت الضاربه عائشه❤

ريان:ي هلا بالخايفه علي

عائشه:بسم الله انتى كويسه؟!..

ريان:تصدقي اكتشفتا انو حزني ده جمبه حزن ناس تانين و لا حاجه و انا ح أقدر اتجاوز البحصل ده ان شااء لله❤

عائشه:(بخلعه)م قادره اصدق حصل ليك شنو بسم الله فجأه

ريان:(عاينت للكتاب مسافه)قلتا ليك ف كلام لمن نقراهو بخلينا نحس بحاجات كتيره كنا جاهلنها

عائشه:ريان انا م فاهمه حاجه و لا عايزه افهم..بكره نتقابل ف الجامعه و نتفاهم

ريان:ظابط(و قفلت الخط)

قفلت الكتاب و رقدت نامت و بقا كل همها تعرف قصه نرمين و آسر❤

نامت و هيا خاته ف بالها انو لازم تنسى مازن و لازم تكمل من غيرو لانو عمرو م كان ليها و لا ح يكون💔

صحت تاني يوم من بدري صلت الفجر و لبست ليها اسكيرت رمادي مع قميص كحلى و طرحه رماديه و ختت ليها حبه كحل و مرطب و طلعت بره سلمت على امها و ابوها و قعدت معاهم شويه..

عوض:بعدين ي ريان م تنسى تجي عنده ناس عمك عشان ح نقيل هناك

ريان:اي عارفه بعد الجامعه انا و عائشه بنجي على هناك طوالي

مريم:انتا ي عوض مروان ده تاني م ح يرجع صح

عوض:اي قالو انتها من القرايه

مريم:ماشااء لله و الله

ريان:يلا ي حلوين اشوفكم بعدين😍

عوض:انتبهي على نفسك ي بت

ريان:ان شااء لله❤(و طلعتا طوالي و طبعا لمن ما القا مواصلات روحي طلعت بس الحمد لله بعد نص ساعه كده لقيت لي وحده و طوالي ركبتا💔المسافه من الجامعه كان بعيده و طبعا عندي عاده كل لمن اركب المواصلات بشغل نفسي بالقرايه،،طوالي طلعتا الروايه و كملتا من محل وقفتا❤..)

احمد:غير م ح توجع قلبك م ح يحصل شي..اصلا كل المريضين ديل بسبب ناس حيوانات حسي عايشين حياتم عادي

آسر:نفس الحيوانات الكانو سبب ف أذيه أمل😊

احمد:حسي أمل دخلا شنو ي آسر

آسر:بشووف ف عيون البت دي عيون أمل ربنا يرحما..كأنها هيا ي احمد💔

احمد:ربنا يرحما💔

آسر:نفسي أفهم كيف ف ناس بتزعل بسبب حبيب و فراق و قرف بسيط زي ده،،هما لسه م شافو المعاناه الحقيقه..الحياه أكبر من كده..

احمد:آسر(بصوت مبحوح)أمل م اتوفت بسببك

آسر:لا بسببي😊لو م سبتها اليوم داك..(و سكت💔)

احمد:الحصل حصل لأنو مكتوب،يعني حتى لو كنتا هناك لو كان مقدر كان ح يحصل

آسر:استغفر الله بس💔

احمد:(تلفونو ضرب)ده كمال

آسر:بكون مستنيك انتا امشي و انا اصلا عايز اقعد براي

احمد:متأكد م عايزني معاك؟!..

آسر:ي ود طير😂

احمد:غلطان بعبرك،عاين لو عايز شي بس اضرب لي

آسر:تمام

احمد:يلا(و طوالي مشا)

آسر:(سرح مسافه بعدين طلع تلفونو من جيبو و كان خاتى صورتو هو و أمل خلفيه)حاولتا أسامح نفسي كتير بس أكتشفتا انو الموضوع أصعب من كده💔ربنا يرحمك بس.

ف المستشفي انا كنتا راقده و بعاين ف السقف و كالعاده نفس الأفكار و الأشكال،نفس المنظر و نفس النقاش المستحيل أنساهو..

"نرمين:ي ابوي انا عايزه بتي جيبا لي😭😭

محمد:نرمين روقي عليك الله انا بحاول أعمل كل العلى أكتر من كده اسوي شنو يعني؟!..

نرمين:ي ابوي كلو بسببك اصلا😭يعني انا ذنبي شنو لو ابوي من الحكومه انا و بتي ذنبنا شنو😭

يوسف:نرمين أستهدي بالله

محمد:لو كان من البدايه م طلعتي من بيت ابوك بالطريقه دي م كان زول هبشك

نرمين:يعني انتا حسي مرتاح و انا بتي مخطوفه؟!..مرتاح و انا م عارفه بتي وين؟!..مرتاح لاني بدفع ثمن أغلاطك يعني؟!..

يوسف:نرمين

نرمين:ياخ و الله حرام بتي ي جماعه دي بتي😭(و بقيت بس ببكي،،يوسف جا مسكني من يدي و هو ماسك دموعو بالغصب)

يوسف:بتتحل و الله بتتحل و ح نلقاها

نرمين:يوسف جيب لي بتي ي يوسف😭

يوسف:ح اجيبا خلاص م تبكي❤.."

أبتهال:(جات داخله الغرفه عاينت لي مسافه لقتني بعاين ف السقف و دموعي نازله)ي بت انتى كويسه

نرمين:...

أبتهال:الدنيا مقلوبه ف المستشفي بسببك و انتى ساكته،نفسي أعرف ناويه تتكلمي متين!(و طلعت طوالي)

آسر رجع المستشفي عشان سيارتو كان هناك،وقف مسافه قدام سيارتو بعدها قرر يدخل و فعلا دخل لقا أمو يادوب طالعه من المستشفي..

أبتهال:آسر قلقتني كنتا وين

آسر:كنتا مع احمد

أبتهال:طيب ارح البيت شكلك تعبان

آسر:عندي حاجه عايز أعملا و بعدين بلحقك(و دخل طوالي المستشفي لقا سوسن قدامو)ي سوسن

سوسن:نعم😳

آسر:البت ديك وين

سوسن:نرمين

آسر:اي

سوسن:ختيناها ف الغرفه الجمبه مكتب دكتوره ابتهال عشان تهويتا أحسن

آسر:تمام ختي لي ملفاتا ف المكتب ح ادخل عليها بعدين اشيلا

سوسن:طيب

آسر:(اتحرك طوالي على الغرفه،ف البدايه خبت الباب بعدين دخل لقاني راقده و بعاين فوق و انا نهائ م اتخيلتو هو و اصلا م حاولتا أشوف منو الدخل،جا قرب من السرير و ريحتو كان قويه،اول م شميتها عرفتو طوالي قمتا و عاينتا ليهو و اصلا دموعي بتنزل من قبيل و م قادره اوقفا💔)حسي انتى بتبكي ليه

نرمين:..

آسر:(عاين لي جوه عيوني)عايني و اسمعيني كويس انا من الليله كل همي أخليكي ترجعي طبيعيه و ح أساعدك لمن تتكلمي و لمن تصرخي و لمن أعرف قصتك و أخ

ليك تتجاوزيها،انا من الليله دكتورك و انتى مريضتي و مسؤلتي ماف زول ح يسألك و لا ف زول ح يقرب منك غيري،ح ترجعي زي م كنتى و احسن كمان اعتبريهو وعد مني..❤

نرمين:(كنتا دايما بحسه بخوف غريب ف المستشفي بس و لأول مره أحس بأمان و انا بعاين لزول ف عيونو،كنتا حاسه بجد بأحساس غريب،زي بلد كلها خراب و حروب و فجأه الأمان بقا ف كل مكان فيها..💜)

آسر:(بعد مسافه قال..)انتى أقوى من أنك تستسلمي للحروب الجواك...صدقيني أقوى بكتير..(أبتسم لي و طلع❤)

نرمين:(رقدتا و بجد كنتا محتاجه لزول يقول لي "انتى قويه"

ذكرني بيوسف،أمكن عشان كده حسيت بالأمان،امكن عشان كده الحروب الجواتي وقفت و صوت الانفجارات اختفى❤)

آسر مشا المكتب و مسك ملفى و بقا يقره،الحاجه الغريبه انو ماف زول بيزورني و انو اي حاجه بخصوصي مجهوله ماف غير أسمي و اسم ابوي و شويه معلومات م مهمه،ده الخلاهو يستغرب و يعرف انو القصه دي أكبر من ما أتخيل بكتير،و هيا فعلا أكبر..

"عزيزى،كان خرابي فادح و سواد ليلاى شديد،م ظننت يوما أن الخراب قد يتحول لبساتين و أن الحب قد يخلق من جديد و ان الأمل سيشع ف قلبي فيصنع مني شخص حاملا لأسمي و قلبي فيه لك و بك و من أجلك ينبض و منبوض.💕."

قاطع قرايه ريان صوت الراجل و هو جايط..

_ي بت انتى م ناويه تنزلى و لا شنو لينا ساعه واقفين هنا😡

ريان:ااا..معليش بجد م انتبهتا

_ياخ عطلتينا ساي يلا

ريان:طيب طيب(اديتو القروش و نزلتا مشيت مسافه بعدين لقيت نفسي قدام الجامعه و عائشه واقفه و شكلو قافله بيها)

عائشه:لا بدري ياخ😡

ريان:بسم الله الرحمن الرحيم😂مالك ي بت

عائشه:افتحي تلفونك شوفي ضاربه ليك كم مره😡

ريان:ي بتي كان صامت و اصلا كنتا بقره

عائشه:ياخ القرايه دي جننتك و الله..على قول خالتو بقيتي م نصيحه

ريان:طيب ارح ندخل

عائشه:اصلا المحاضره فاضل ليها 10 دقايق

ريان:ظابط خلينا نمشي قبل م يدخل الدكتور الفقر ده و م يدخلنا

عائشه:ارح(دخلنا القاعه لقينا باقي الشله اعرفكم بيهم..

سمر دي بت ماشااء لله عسسسل عسسل اتعرفنا عليها ف الجامعه و علي ده صحبي و فردتي زول طيبان شديد و تاني عندنا سماح دي زي جنها قرايه و روايات و هيا الورتني روايه #آسرى و تاني عندنا دنيا و حسن ديل مربطين مع بعض و 24 ساعه خلط الحمد لله بس😂..المهم اتونسنا معاهم شويه و الدكتور طوالي جا قعد ينقه زي ساعتين😭روحنا طلعت و بعدها اتخارج)

سماح:واي مته مته

ريان:و الله انا المته😭

عائشه:انتو دنيا وين

سمر:بتخلط مع حسن كالعاده😂

علي:انتو الجماعه ديل م بزهجو من بعض؟!..

ريان:برى علمي علمك😂

عائشه:هي هي احنا نتخارج عشان ورانا ناس مفروض نمشي ليهم ي بتي

ريان:اي و الله يلا نلحق الغذاء زاتو

عائشه:ده همك؟

ريان:اكيد😂(ودعناهم و مشينا)

عائشه:عايني الليله ح تشوفي مازن على فكره متذكره

ريان:و يعني؟..

عائشه:(عاينت لي بأستغراب)بجد م طبيعيه

ريان:طيب طيب حسي خلينا نمشي سريع بجد جعانه(ركبنا المواصلات و بقيت بتونس مع عائشه و كل دقيقتين بضحك حتى لو ماف سبب يضحك المهم م أفكر ف مازن،بعد نص ساعه كده وصلنا،،و دخلنا و عائشه طبعا بتعاين لي و ساكته و انا بحاول أتعامل مع الموقف عادي،اول م جينا داخلين لقيت عمو الضى ف وشي😍😍ياخ بقيت بضحك و بسلم عليو،طبعا عمو ده عسسل عسسل عسسل و زول دمو سكر عديل بجد بجد بحبو)

الضى:مززنا😍ياخ نورتونا الليله

عائشه:نورك ي عمو😍

ريان:لا ده نوري اصلا😂

الضى:اي اكيد😍يعني ي بت م بتجي الا عشان مروان جاي😒

ريان:و الله مشغوله عشان كده

الضى:😂(عندو ضحكه كده اول م تسمعيها تموتي ضحك😂)حسستيني مديره بنك ي بت هوي غوري

ريان:كويس ي عمو😂

عائشه:لسه م جا مروان؟!..

الضى:بصلو بعد شويه حسي خشو الصاله كلهم قاعدين جوه

ريان:ظابط(دخلنا جوه لقينا خ أبتسام دي أم مازن سلمنا عليها و امي و ابوي كانو قاعدين و أم عائشه اسمها سهى و ابوها حامد،اتونسنا معاهم و طبعا عارفين لمه العيله بتكون كيف💕كلها ضحك و هظار و ونسه لمن م جا مروان و مازن داخلين💔)

أبتسام:مروان😢(و جرت حضنتو)

ريان:(طبعا كلهم مركزين ف مروان الا انا بعاين لمازن،فيهو حاجه بتخليني بس اعاين ليو💕دقنو و ضحكتو و اللهم الثبات❤)

عائشه:(قرصتني)ح تاكلى الولد بعيونك

ريان:(لاحظتا لنفسي،و نزلتا عيوني طوالي💔...

"ثم أن الثبات أمام من نحب جهاد"❤