الجزء 7

انتهت المحاضره و طلعنا بره و طبعا عائشه اصلو م أتكلمت معاي و باقي الشله كلهم بضحكو فيني..كنا طالعين سمعنا واحد بنادي ي عائشه أتلفتا لقيتو مروان أتخعلتا خلعه..

مروان:لي ساعه بنادي

عائشه:بسم الله خلعتني زاتو الجابك ايه؟!..

مروان:و الله جيت أسلم ع صحبي ف الجامعه شفتكم،،(عاين لي)انتى كويسه

ريان:اي

مروان:متأكده؟!..

عائشه:م تشتغل بيها دي حيوانه ساي😒

مروان:كدي اهدو😂ارح عازمكم

عائشه:و الله بجد م بقدر تعبانه شديد

مروان:ي بت بطلي دلع و ارح

عائشه:لالا سوق البقره دي

مروان:تمشي؟!..

ريان:م مشكله ارح اصلا زهجانه

مروان:ظابط طيب😍ارح انزلك ي عائشه ف طريقنا

عائشه:لالا معاي صحبتي بنمشي سوا

مروان:تمام طيب،ارح ي جميل😉(و غمز لي)

ريان:(عاينتا ليهو بطرف عيني و مشيت ركبتا معاهو)

مروان:ي بت مالك بجد

ريان:م حاجه مهمه

مروان:امكن مهمه بالنسبه لي

ريان:م مهمه ليك

مروان:اووف شكلك زعلانه شديد😂طيب نصل المطعم و تحكي لي(فعلا مشينا مطعم قريب و كان ظريف شديد طلب بيتزا و بقا ساكت و بعاين لي)

ريان:ي ود مالك

مروان:ياخ اها احكي

ريان:مش انتا عايز تسمع يلا اسمع(و حكيت ليو الروايه كلها من بدايتا لمن نهايتا و كنتا منفعله شديد)فهمتا؟!..

مروان:الله ياخ شكلها حلوه!انتى عارفه ليك حق تنفعلي كده يعني اصلا حاجه تخلي الزول يزعل

ريان:بجد؟!..

مروان:ايوه و الله اصلا انا بححب الروايات شديد❤و دايما بتلقيني ماسك تلفوني و بقره روايه

ريان:😍احلف كده

مروان:و الله

ريان:طيب قريت ايه؟!..

مروان:اااا،،جات البيتزا😍و الله جعان جوع كدي اكلى يلا

ريان:حتي انا جعانه😂(و بقينا بناكل و نتونس و اول مره انتبهه انو مروان ده بجد عسسل و شخصتو حلوه شديد و كل شويه يموتني ضحك💕غير مزاجي 180 درجه💕بعد ساعه كده رجعني البيت)

ريان:تعال ادخل سلم ع ناس امي

مروان:لا خليها يوم تاني

ريان:ظابط

مروان:عايني

ريان:اها

مروان:ف النهايه ح تكون النهايه سعيده

ريان:نهايه ايه؟!..

مروان:😂غبيه،،نهايه نرمين

ريان:ان شااء لله ياخ😂❤❤(و نزلتا دخلتا البيت و انا مبسوطه شديد💕يعني احساس أنك تزعل من شي غبي و زول يهتمه بالشي الغبي ده احساس لا يوصف،حسيت ب مروان بشبهني مع انو عمري م أنتبهته للجانب ده ف يوم..)

مريم:بدري مالك أتأخرتي

ريان:مروان كان ف الجامعه و عزمني و كده

مريم:طيب ليه م خليتي يدخل

ريان:شكلو مشغول

مريم:اها طيب يلا أمشي أرتاحي

ريان:حاضر♥(دخلتا غرفتي و غيرتا هدمي بعدين مسكتا تلفوني شويه لقيت طلب صداقه من مروان ف الفيس قبلتو و دخلتا أشوف صفحتو كلها صورو و بنات منبرشات😂غايتو خفه البنات دي موتتني ضحك،،بعد مسافه لقيتو مرسل لي ف الماسنجر.)

مروان:السمح نفسياتو أتعدلت؟!..

ريان:جدا جدا😂❤❤شكرا بجد

مروان:ع شنو ياخ؟!..

ريان:لأنك نظرتا للموضوع بنظره غير الباقين

مروان:ف حاجات م بنقدر نشرحا للناس و م بنقدر نفهما ليهم بس أكيد بنلقا البشبهنا ف النهايه

ريان:طلعتا حكيم!!

مروان:شفتي كيف😌

ريان:اي اي😂(و بقينا نتراسل زي ساعه كده بعدين هو قال عندو مشوار و طلع و انا مشيت رقدتا و حاسه براحه نفسيه عجيبه كده،،بعد مسافه مسكتا روايتي و بقيت بقره..

نرمين: وقفتا كتابه و انفجرتا بكا😭بكيت لاني أتذكرتا وتيني،حبيبتي الصغيره كيف طلعوها من المخزن و هيا لابسه فستانا الأحمر💔كانت بتحبو بس اليوم داك م كان حلو كان كلو دم و مقطع💔فستانا الأحمر رغم انو كان وسخ بس هيا كانت زي الملائكه💕ملاكي الصغير،وتيني وينك😭❤❤

نمتا و اليوم داك تحديدا نمتا طويل،حتى الممرضات استغربو بس ماف زول صحاني فيهم..

آسر مشا البيت غير هدومو و طوالي رجع المستشفى كان ظاهر التعب ف وشو اول م دخل جاتو منيره..

منيره:ي دكتور

آسر:نعم

منيره:نرمين دي الليله شكلها تعبانه من قبيل الممرضه البتدخل ليها بتقول انها نايمه و دي م طبيعتا تنوم ف المواعيد دي

آسر:طيب بشوفا حسي(و دخل لي ف الغرفه،بقا واقف و بعاين لي مسافه بعدين ركز ف الكراس جمبي و مفتوح..)معقوله!!..(شال الكراس براحه و قعد ف الكرسي الجمبي و بقا بقره فيهو و دموعو بتنزل مع كل كلمه،دموعو بتنزل ف نفس الصفحات الأتملت بدموعي،أمكن حسه بي أكتر من اي زول تاني لانو عارف معنى الفقد،معني تخسر زول،معنى الحياه ترووح و م ترجع لأنها أندفنت اصلا..قفل الكراس و بقا ببكي و بعاين لي..)نرمين..وتينك م ح ترجع،و أمل م ح ترجع،و يوسف كمان م ح يرجع بس حقك ح يرجع،ح نعرف العمل كده منو،ح نعرف نبرد قلبك،أنا ح أرجع ليك و لو شويه من الحياه،وعد من دكتور لي مريضتو..♥(و طلع طوالي)

نرمين:(فتحتا عيوني و بيني و بين نفسي قلتا.."عليك الله أوفى بوعدك،،أوفى بوعدك لي مريضتك،انا محتاجه ليك جدا..😢)

ف مكان تاني ف نفس الوقت:

نورهان:(اخت نرمين)م قادره ي سامي😭😭

سامي:(خطيبا)ي نورهان ابوك لو عرف أنك مشيتي لأختك ح يقتلك

نورهان:ي سامي دي اختي كيف يرموها كده؟!..معقوله م عندهم قلب للدرجه دي😭امي الهيا امي م متذكراها اصلا،،كانو بتها ماتت،اتخيلي الناس قايلين نرمين ماتت،بس هيا

احيانا بعض البدايات رساله.♥"

يتبع..

م ماتت ي سامي😭اختي عايشه،عايشه بس بتموت

سامي:خلاص م تبكي،انتى عايزه تعملي ايه؟!..

نورهان:عايزه امشي ليها بكره

سامي:حاضر انا بوديك ليها بس م تبكي❤

نورهان:بححبك ياخ😢

سامي:يلا ي عويره امشي نومي❤

نورهان:طيب تصبح ع خير

سامي:و انتى من أهلى ي رب❤(قفل منها و سرح مسافه..)نرمين،ي ريت لو انا كمان أقدر أساعدك،ي ريت لو اقدر أتكلم..(و سكت)

عنده آسر:

رجع قعد ف المكتب و بقا بفكر يعمل ايه..

آسر:معقول ف اب كده!..معقول البلد دي بقت كده،،وصلنا للمرحله دي متين احنا؟!..(و بقا بحاول يفكر ف حل بس كل الجهات كانت مقفله ف وشو..)

انا كنتا واقفه ف شباكي كالعاده و بفكر آسر ح يعمل ايه؟..مستحيل يقدر يغير شي،اخواني و ابوي م عملو هو ح يعمل ايه؟!..

مرت زي ساعه ع نفس الحاله بس بعدها فجأه هو جا داخل و بضحك..

آسر:ارح

نرمين:(عاينتا ليهو بخلعه..)

آسر:(مده لي كيس)ألبسي اللبسه دي و أجهزي عشان نمشي

نرمين:(شلتا منو الكيس و انا ساكته..)

آسر:ح أستناك بره😊(و طلع)

نرمين:(فتحتا الكيس لقيت فيهو أسكيرت أسود و قميص ازرق بالأبيض و طرحه سماويه كده و أسبورت أبيض،بقيت بعاين بخلعه للهدوم لمن بعدها بمسافه كده لبستها..طبعا م كان ف مرايه ف الغرفه بس حسيت نفسي م انا،طول السنين دي و انا بلبس نفس الهدوم و شعري دايما مفكوك فلمن لبستا الهدوم دي حسيت نفسي طبيعيه،،حسيت نفسي نرمين بتاعت يوسف الزمان..💕)

بعد مسافه كده آسر دقه الباب بعدين دخل..

آسر:(بقا بعاين لي من فوق لتحت و هو بتبسم)ايوه دي نرمين❤

نرمين:..

آسر:(عاين جهة الباب)تعال أدخل

_اختها وين؟!..(و كان شايل مرايه طويله كده)

آسر:تعال ختها هنا قصاد السرير

_حاضر(و ختاها و طلع)

آسر:(مسك يدي و وقفني قدام المرايه و هو وقف وراي.❤)دي انتى،دى نرمين بتاعت زمان المفروض ترجع،من الليله كل شي ح يتغير،ح ترجعي تضحكي و ترجعي تفرحي،،و ترجعي تعيشي❤(و سكت)

نرمين:(انا بقيت بعاين للمرايه و مخلوعه،شكلي اتغير او امكن انا نسيتو،عيوني م زي زمان..م زي م يوسف كان بقول لي "عيونك كلها حياة" حسي عيوني كلها زعل،الحياه اختفت منها..)

آسر:يلا يلا نطلع

نرمين:(بقيت واقفه و م اتحركتا)

آسر:(قرب مني)خليك واثقه فيني،م عايز أكتر من كده💜

نرمين:(عاينتا ليهو جوه عيونو..و بيني و بين نفسي قلتا ليهو "حااضر".)

طلعنا من الغرفه و كل الممرضات بعاينو لي بخلعه و بتوسوسو..

منيره:واي سوسن مفروض تشوف(و جرت تنادي سوسن)ي سوسن

سوسن:مالك

منيره:تعالي جري(و مسكتا من يدها و وقفو قدام باب المستشفي كان احنا طلعنا ركبنا السياره)

سوسن:دي منو؟!..

منيره:نرمين

سوسن:نعم!!!

منيره:و الله

سوسن:دقيقه يعني هو جاب ليها هدوما؟!..و طلعا معاهو؟

منيره:اتخيلي

سوسن:طيب ي دكتور آسر انا بوريك انتا و العامله نفسها مريضه ديك😡

آسر طول الطريق كان بحكي لي حاجات عنو لمن كان بره البلد و بضحك براو،،انا كنتا بعاين من الشباك و مخلوعه ف البلد،،م عارفه هيا الأتغيرت و لا انا؟!..الشوارع و الشفع الأسواق كلو كان بالنسبه لي غريب..

آسر:بت

نرمين:(عاينتا ليهو بخلعه..)

آسر:يلا وصلنا(و نزل فتح لي الباب)الليله ح أأكلك احلى بيتزا❤

نرمين:(عاينتا للمطعم و كنتا ساكته)

آسر:ارح(و دخلنا قعدنا جوه..طلب بيتزا كبيره و عصير ليمون و بقا يعاين لي)عارفه عصير الليمون ده مفيد شديد انا بحبو جدا💕(سكت مسافه بعدين قال..)حتي البيتزا طعما مختلف(و تاني سكت)

نرمين:(كنتا بعاين ليو و حاسه بيهو متلخبط،م عارف يتكلم يقول لي شنو و انا اصلا م برد)

آسر:أوريكي صورتا؟!..(و طلع تلفونو و بقا يضحك)عايني ليها جميله كيف(و مده لي التلفون)

نرمين:(شلتو منو كان خاتي صورتو مع وحده خلفيه،عرفتها أمل أختو،،كانت جميله شديد و ملامحا حلوه،فيها شبهه منو و كأنو هما واحد💕)

آسر:حلوه صح😂(و شالوو مني)اصلا بقولو بتشبهني..ربنا يرحمو💕(جابو البيتزا و أكلنا و آسر م سكت نهائ و انا كنتا مركزه معاهو شديد❤طلعنا من هناك و كان المغرب قرب يأذن طوالي رجعني المستشفي وصلنى لحدي الغرفه بعدين كان راجع)

نرمين:(مسكتا يدو قبل يمشي)

آسر:(عاين لي بخلعه)ف حاجه؟!..

نرمين:(بقيت ساكته و عايزه أتكلم،عايزه أقول ليهو بس "شكرا"..بس م قدرتا طوالي نزلتا راسي و عاينا للأرض💔)

آسر:(رفع لي راسي)عفوا💕

نرمين:(ابتسمتا ليو)

آسر:طيب لو أبتسامتك دي حلوه كده مالك م بتبتسمي؟!..😂يلا امشي نومي تعبتيني الليله😉(و غمز لي)

نرمين:(دخلتا جوا و قفلتا الباب و انا و لأول مره ممكن أقول انى مرتاحه نفسيا💔مرتاحه و شديد كمان)

آسر:(طلع من المستشفي مبسوط شديد و رجع البيت طوالي..💕)

"سيقتل ذاك الأسى داخلنا بعض من الحب،بعض من بدايات الصدق،و لربما بعض التخطى،و انت كنت بدايتي و نجاتي و حياة حياتي..♥"

ريان وقفت قرايه و بقت تعاين ف السقف،لمن سمعت صوت رساله ف التلفون فتحتو لقت رساله من مروان ف الماسنجر..

مروان:اها م قررتي تحنى ع ود خالتك و ترسلي ليهو رقمك لانو م عندو💔

ريان:(بقت بتضحك)😂مجنون هاك ليو 09..

"و

ليها..

نورهان:لو سمحتي

سوسن:أتفضلي

نورهان:بسأل من وحده اسمها نرمين،مريضه عندكم

سوسن:(طوالي اتذكرتا،لانها الوحيده الزارتني زمان)نرمين؟!..(و سكتت مسافه)

نورهان:ايوه نرمين!عايزه اشوفا😊

سوسن:بس نرمين م هنا

سامي:كيف يعني؟!..

نورهان:عايني شكلك ملخبطه ممكن اقابل دكتوره ابتهال

سوسن:عايني انا م ملخبطه..اصلا كان ف نرمين وحده ف المستشفى و طلعت

سامي:كيف يعني طلعت

سوسن:بقت كويسه و جا واحد أخذا و مشو

نورهان:ي بت دي اختي كيف يعني ططلعوها كده؟!..بعدين واحد منو ده😡

سوسن:و الله اختك دي ماف زول جا سأل منها😊و بعد م بقت كويسه م قدرنا نخليها

نورهان:ي سامي أتكلم قول شي😢

سامي:عايني دكتوره ابتهال وين

سوسن:دكتوره ابتهال سافرت و حاليا انا المسؤله عن المستشفى😊بعدين اختك اصلا م كان مجنونه كان قاعده هنا ساي عشان كده احنا رميناها بره

نورهان:😡عايني و الله كلمه تانيه و...

سامي:نورهان خلاص روقي،،خلينا نمشي و انا بشوف القصه دي

سوسن:الله معاكم😊

نورهان:بس ي سامي😢

سامي:ارح من هنا بعدين نتفاهم(و مشو ركبو السياره)

نورهان:ي سامي كيف يعني😭هيا مشت وين؟!..طيب أمكن البت دي بتكذب

سامي:ح تكذب ليه يعني؟!..ماف سبب يخليها تكذب

نورهان:😭كلو بسببي كان مفروض اجي اسأل منها حسي ح نلقاها كيف؟!..

سامي:م تبكي انتى،،بتتحل و انا بلقاها ليك بس انتى أهدى💕(و مشو..)

سوسن:نشووف ح تلقوها كيف و هيا اصلا هنا..

آسر صحا من بدري و طوالي ضرب لصحبو..

آسر:اها حصل شنو؟!..

_رسلتا ليك رقم تلفونو

آسر:تمام تسلم ياخ💕

_م بينا ي زول(و قفل)

آسر:طيب نقول بسم الله(و ضرب ف الرقم)الوو..

محمد:و عليكم السلام

آسر:معاي محمد الختم؟!..

محمد:أتفضل

آسر:انا دكتور آسر عايز اتكلم معاك بخصوص بتك نرمين😊

محمد:....

"سنقع ف حب الأشياء،البطولات و المواقف و لكن حين نقع ف حب منقذنا ف نحن لن نستطيع التجاوز ابدا،و ستكون تلك قصتنا..💕"

قاطع قرايه ريان صوت امها..

مريم:ي بت ريان

ريان:مالك ي امي

مريم:تعالي عايزاك

ريان:(طلعت الصاله)ف شنو بسم الله؟!..

مريم:اقعدي

ريان:اها

مريم:عايني ي بتي،،انتى عارفه ماف زول بيدوم لزول صح؟!..

ريان:اها😳

مريم:و الحياه دي اصلا بيد ربنا سبحانه و تعالى

ريان:امي ف شنو😳

مريم:..

"ستمر الأحزان كأنها لم تكن لنخرج منها أقوى بكثير"💙