الجزء 26

عبد الله:(مشا و فتح الباب لقاهو مروان..)مروان

مروان:(م رده عليهو و دخل جوه..)مازن

مازن:(عاين ليهو بأستغراب)ف شنو

مروان:من الليله ريان دي خط احمر..تقرب جمبها م ح يحصل خير..

مازن:(وقف ع حيلو)انتا فهمك شنو ي مروان

مروان:فهمي الوصل ليك بس

مازن:بتحبها؟!..

مروان:(سكت مسافه)و ضروري لو دافعتا عن بت عمي ابقا بحبها

مازن:طيب عاين م دام انتا م بتحبها ف خليك بعيد من القصه لانو دي قصه حب

مروان:قصه حب من طرف واحد؟!..انا و انتا عارفين انو هيا بتحبك بس انتا لا

مازن:صح بس انا سبتا غفران و..

مروان:(قاطعو..)تقرب من ريان ح تلقاني انا اول

عبد الله:ي جماعه

مازن:انتا عارف إنى م بحب زول يتحداني

مروان:ريان م تحدي..

مازن:(قاطعو..)و انا م بلعب بمشاعر الناس م تخاف

مروان:ح نشوف(و طلع طوالي..)

مازن:(قعد و كان زهجان شديد..)

عبد الله:معقول ح تعمل مشكله بينك و بين اخوك عشان انتا عنيد بس

مازن:...

تاني يوم من الصباح صحيت و نزلتا شربتا مع ناس ابوي الشاي و كان عمو الضي بحاول يطلع ابوي من الجو بتاع النفسيات و بضحكنا كلنا..مروان نزل و كان قاعد و ساكت بعد مسافه كده امي قالت لي يلا عشان م نتأخر فعلا طلعنا و مروان قال ح يوصلنا..اول م وصلنا المستشفي حسيت الوضع عادي و دخلنا عادي برضو لمن م قعدو ابوي ف سرير كده ف غرفه من الغرف فيها زي 5 رجال تانين فاصلين بين كل واحد بي ستاره..

بعد م ركبو لأبوي الحاجات البركبوها ديك و بقيت بعاين ليو شفتا الألم ف عيونو عرفتا أنو الكيماوي بده مفعولو..صراحه قلبي وجعني شديد..امي كانت بتقره لأبوي قرأن و ابوي كان رغم كل شي بضحك بس انا دموعي خانتني و نزلت..

اللحظه البجد حسيت فيها إنى ضعيفه و م قادره اعمل شي عشان اساعد ابوي..كان بتوجع و عيونو دي حمره و انا واقفه و بعاين..وقتها عرفتا و اتأكدتا انو الحياه دي بتلعب بينا لعب كتيره..

مستحيل كان اتوقع ف يوم إنى أكون هنا و مستحيل أتوقع ف يوم أني احس بالذنب على البكا البكيتو عشان مازن لانو وقتها كانت دموعي خساره فيهو و كان مفروض أخليها ليوم زي ده..

ندمتا على كل يوم زعلتا فيهو أبوي..و اتمنيت يرجع طبيعي و بصحه و بعافيه لأنو من اول جلسه حسيت ملامحو اتغيرت..أمكن من الألم..او أمكن من الزعل..المهم أنو انا عايزه ابوي يرجع طبيعي..عايزه سندي القوي❤

طلعتا من الغرفه براحه من غير زول يحس و لقيت مروان واقف بره..

مروان:مالك؟!..

ريان:م قدرتا أستحمل اشوفو بتعذب كده😢

مروان:(مسح لي دموعي)انتى عارفه أنو ده كلو تكفير ذنوب..بقولو المؤمن لو بس جرحتو شوكه ده بكفر ليهو ذنوبو ف ما بالك سرطان

ريان:صح بس..ده ابوي ي مروان!

مروان:ابوكي اكيد ح يرجع كويس!بس انتى لازم تدعي ليهو صح

ريان:ان شااء لله يرجع😢❤❤

مروان جاب لي شاي و دخلنا قعدنا ف الكفتريا بعد نص ساعه كده طلعتا فوق و لقيتم لسه م أنتهو..ابوي وقتها عاين لي بنظره مستحيل أنساها زي كأنو بقول لي "م تزعلي انا كويس"❤

بعد أنتهو و طلعنا ابوي قال حاسي بشويه دوخه و الدكتور قال ليهو ده شي طبيعي..المهم يرجع و ينوم فعلا رجعنا طوالي و هو دخل غرفتو نام و انا كنتا طالعه غرفتي بس مروان ناداني..

مروان:ريان

ريان:ايوه

مروان:(بقا ساكت و بعاين لي..)

ريان:مالك ي ولد

مروان:كل حاجه ح تكون كويسه بس أنتى قولي ي رب❤

ريان:(أبتسمتا ليو)و نعمه بالله❤

مروان:يلا اطلعي ارتاحي😉(و مشا)

انا دخلتا رقدتا شويه و صحيت قريب المغرب كده مشيت استحميت و صليت و قعدتا اقره شويه قرأن و أدعي لأبوي..كل م اغمض عيني كنتا بحسه بوجعتو و بتوجع زياده و برجع ادعي ليو..

بعدها بنص ساعه كده فتحتا و بديت اقره ف الروايه..

عمر:طيب يلا نفتش(و فعلا بدو يفتشو ف الغرفه كلها و م لقو غير ورق تصحيح و أمتحانات و كراسات..)م ح نلقا شي ي آسر..احنا اصلا م عارفين نفسنا بنفتش ف شنو

آسر:(كان ساكت)

عمر:ي ود بتكلم معاك

آسر:أظن أنو حسي عرفنا أحنا بنفتش ف شنو!

عمر:شنو؟!..

آسر:(مده لعمر ورقه..)مفروض نعرف شنو البخلى يوسف يشتغل مع معتز..

عمر:(قره الورقه)ده جزو من عقد شغل

آسر:يوسف كان عندو عداوه مع كل عيله نرمين..شنو البخليهو يشتغل مع معتز الكان بحب نرمين

عمر:دقيقه انتا نرمين قالت ليك انو وضع يوسف فجاه أتحسن صح

آسر:اي

عمر:طيب و المخزن مشتو قبل كده مع يوسف

آسر:اي

عمر:آسر احنا مفروض نصل لمعتز

آسر:...

ف جانب تاني:

انا صحيت من النوم أتخلعتا لمن لقيت آسر ماف و قعدتا مقلقه شديد تاني شغلتا نفسي و عملتا أكل و عصير و عاينتا للساعه لقيتا 9..

نرمين:ي ربي مشا وين؟!..(تاني قلتا أكيد م ح يحصل ليهو شي..و مشيت فتحتا التلفزون و أثناء م بحضر كان بتجيني لقطات كده و حاجات حصلت بيني و بين يوسف..)

باك فلاش:

نرمين:يوسف بتي مخطوفه و انتا قاعد هنا

يوسف:(قام من المكتب)نرمين عليك الله أهدي شويه انا عارف نفسي بعمل ف شنو

نرمين:بتعمل ف شنو؟!..😡انتا م عملتا شي لمن حسي غير بتدخل المكتب و ططلع و معاك شويه ورق

يوسف:نرمين😡خلاص

م تنقي دي بتي كمان

نرمين:بتك!(و شلتا الورق الكان ماسكو..)طيب همك ف شغلك حسي ليه اااه؟..😭😭ياخ حرام انتو م بتحسو و لا شنو

يوسف:(مسكني من يدي)خلاص ي نرمين عشاني أهدي😢و الله أجيب ليكي وتين بس أصبري شويه

نرمين:انتا عارف منو الخطفا صح؟!..

يوسف:(بخلعه..)عارف كيف يعني!..م عارف..لو عارف كان شفتيني واقف هنا

نرمين:يوسف بتي لو حصل ليها شي م ح اعفى ليك طول عمري..

يوسف:..

آسر:نرمين

نرمين:(عاينتا ليهو بخلعه..)آسر😢

آسر:مالك ي بت و كنتى سرحانه وين

نرمين:وين انتا كنتا قلقتا عليك

آسر:بجد؟!..(و بقا يضحك)

نرمين:(لاحظتا لنفسي..)يعني قصدي عشان..يعني م وريتني فهمتا!

آسر:ايوه😂

نرمين:كنتا وين؟!..

آسر:نرمين ح اسألك شويه أسأله بس عايزك تركزي معاي

نرمين:اها

آسر:يوسف كان شغال مع منو ف مووضوع التجاره القالو ليك

نرمين:م عارفه لانو م كنتا بسألو عن الشغل

آسر:طيب م حصل شي خلاكي تشكي فيهو..يعني تصرفات غريبه او اي شي

نرمين:(سكتا مسافه)يوسف جات فتره و أتغير م عارفه ليه بس كان بزهج سريع و كان دايما مشغول..يعني م كان ف شي تاني

آسر:معتز..أخر مره شفتيهو متين

نرمين:من بعد م أتزوجتا يوسف م شفتو غير مرتين..اول مره كان جاني ف البيت و..

آسر:و شنو؟!..

باك فلاش:

*نرمين:معتز انتا عايز شنو!انا حسي متزوجه انتا م بتفهم😡

معتز:ي نرمين انتى ترفضيني انا عشان الحيوان ده؟!..انا بحبك ليه م راضيه تفهمي😡

نرمين:و م عايزه أفهم كمان😊اتفضل اطلع بره

معتز:و الله ح اخليكي تندمي انتي و هو

نرمين:نشوف

معتز:..(طلع و كان زهجان..)*

آسر:طيب ده كان بعد كم من زواجكم

نرمين:بعد شهرين كده

آسر:و المره التانيه؟!..

نرمين:المره التانيه كان بعد سنتين تقريبا و برضو جا ف البيت و صراحه كان بقول كلام غريب م فهمتا منو شي..

باك فلاش:

*نرمين:معتز😳

معتز:بت الخاله اخبارك

نرمين:انتا عايز ايه

معتز:طيب قولي لي أتفضل!

نرمين:معتز أنجز

معتز:بيتكم حلو ع فكره..م ناوين تشترو

نرمين:انتا بتقول ايه

معتز:جيت أقول ليك مبروك البيت

نرمين:...

معتز:ههه و جيت أسلم عليك بس..يلا باي(و مشا..)*

آسر:طيب بعدها بكم يوسف اشترا البيت؟!.

نرمين:بعدها بشهر كده(و تاني سكتا مسافه..)دقيقه بعدها بشهر يوسف أشترا البيت..كيف يعني..

آسر:...

"عندما نعشق نتجاهل الأخطاء،نتناسى الأكاذيب..و حين نعود لرشدنا يكون الآوان قد فات.."💔