الجزء 15

خالتي عايدة قالت ليها هوي يا سهام ااي اخوات والبيت واحد والحالة واحدة بس انا بتي مابخلي عقدها يمش بالمسيخ وبكرة نجيب ليها حاجاتة والمساء بنجيبن ليكم ...

واحمد زاتو قال ماداير العرس يطول عشان كدا قلت نجيب معاهن حاجات القعود ونقعدة مرة واحده اها رايك شنو قالت ليها عديلة القعد زاتو لو طول بجيب العوارض وشغال يحكو قالت ليها احمد شقتو مافضل ليها كتير يعني من هنا للعرس بتكون جهزت ... تاني يوم الصباح خالتي عايدة وسامية طلعو السوق ومعاهم احمد بالعربية لافين في السوق اليوم كلو .. وانا بيجاي الناس داخله وطالعه وجوني صاحباتي من الصبااح ماقصرو نضفو البيت ورتبو ويضيفو الناس البتجي ... و بقو يقولو لي الشلابه شلبتي حبيبنا مننا سلمي قالت لي تاني نحن ننبرش في منو وقالو دايرين يعرفو التفاصيل اتونسو معاي وعديناها كلها ضحك قريب المغرب جاتني هالة قالت لي العروووس قلت واااي هااالة جريت سلمت عليها قالت كان عارفة فوتي بتعرس ليك كان اتخارجت من زماان

قلت ليها وكان عارفة العرس بخليك سمحة كدا كان عرسنا ليك من زماان بقت تضحك بقينا نتونس جات وعد اختي قالت ليها هالة قالو ليك تعالي قالت ليها قولي ليهم انا من اهل العروس خلت القاعدين كلهم يضحكو العشاء كدا ناس خالتي عايدة جو وشغالي يدقو ويغنو ويزغردوو جابو الحاجات وقعدو ل قريب الساعه 10 كدا نادو عشان يقعدوني طبعا عملت ليهم جنس درامات قعدت شويه قلت ليهم ماقادرة خلاص كل مرة يحنسوني اقعد شوية بعد قمت خلاص هالة طلعت تلفون من الحاجات الجابوها قالت لي احمد قال التلفون مشحون وفيو شريحه ... الله يدينا احمد قلت ليها عندك محمد كلووو قالت غايتو نحن ماعملو لينا كدا قلت ليها نسيتي الشكولاتات والطلعات يا جاااحده قالت لي زكرتيني عدني راجل مفترض امشي عليو يلا حبيبتي بجيك بكرة ان شاء الله .. بعدها فتحت التلفون طوالي احمد اتصل علي كان مسجل رقمو في التلفون قلت الو قال لي مرتي الحلوة قلت ليو اهليين قال لي شنو اهلين دي بتتكلمي مع صاحبتك انتي اقول ليك شنوو يعني ... قولي حبيبي حيااتي اي كلمة ب نفس المعني ... قال لي مشتاااقك كتيييير والله قلت ليو وانا مشتاقااك قال اجي اسلم عليك رايك شنوو ... جنيت انت كيف يعني تجي .... مش مرتي المشكله وين يعني قلت ليو لا تاني الا يوم العرس ... قال دا منو البنتظر ل يوم العرس ... انت .... لا والله مابنتظر وعايز اشوفك هسه كمان يا اجيكي في البيت او كمان تطلعي لي شويه في الحوش مافي ليك خيار تالت قلت ليو لا هذا ولا ذاك قال لي معناها اجيكي في البيت احسن عشان اقعد معاك اكتر وقت ... سامعه صوت فتحت باب قلت ليو ماشي وين قال لي جاييك انا جادي معاك والله قلت ليو مجنوون طيب دقيقه هسه بطلع لبست توبي عاينت في الحوش ماف زول طلعت طوالي زيي الحرام بس طلعت الحوش الكبير قدام البيت لقيتو واقف قلت ليو هسه كان في داعي

قال لي في الف يعني واحد مشتاق ل مرتو يعمل شنو مثلا وبعدين ماعايزة تسلمي انتي مديت ليو يدي طوالي لفة ايدينو حولي قال لي دا سلام هسه قلت ليو احمد قال لي عيونو قلت ليو جنيت انت ... قال لي من زمااان مجنون بيك وعايز قلت ليو هسه زول يشوفنا قال لي الله وجراها ...... قلت ليو في شنو قال لي شامي رييحة حلووة شدييد طبعا خجلت خجل ضربتو قلت ليو بطل تفااهه وخليني امشي قال لي ماشبعت منك خليني اخد جرعت بكرة عشان م حا اكون موجود قلت ليو ماشي وين قال لي بيتنا ناقص حاجات كتيرة عشان كدا ح اكون مع العمال وكدا قلت ليو طيب ... طوالي بدون مقدمات باسني

........ قلت ليو احمد علي فكرة انت تافهه شديد وانا ما ح الاقيك تااني قعد يضحك قال لي ما علي كيفك ولسة مشتاق ليك والله بس ماعايز ااوقفك كتير امشي خشي البيت