الجزء 4

قالي لي اقيفي اوصلك الباب .. قلت ليو اكيد ما ح يخطفوني في الحوش قال لي بتستظرفي انتي هاله قالت لينا بقيتو فظيعين لكن ... المهم مشيت وهو ماشي قدامي لم وصلت باب بيتنا عايزة ادخل قالي لي سنفورة عاينت فيو ب زعلة قلت ليو دا اخر ما اتوصلت ليو قعد يضحك وواااي انا من ضحكتو لم قلبي عمل شششح قال لي ااي لكن تتشافي زولة كبييرة الليله الحنة حلوة فيك علي فكرة قلت ليوووو عاااارفه قالي تمام .. يلا تصبحي علي خير وعايز يرجع قلت ليو احمد اتلفت علي قلت ليو والجلابية حلوة عل علي فكرة قال لي يا شييخه اول مرة تشوفيها مثلا ! قلت ليو ثغيييييل بقي يضحك برضووو ومشا وانا دخلت البيت نمت ماصحيت الا الشمس فوووق وانا مع احلامي الوردية الشمس ضربتي في وشي صحيت مخلووعة امي يا ااامي مالك يابت الساعه كم يا امي قالت لي 8 قلت خلاص الليله معناها ماف مدرسة واااي انا والله بكرة يدقوني دقة وكمان الامتحانات الاسبوع الجاي مشيت استحميت وغيرت شربت الشاي ورتبت البيت وجري علي هالة قالو لي نايمه جوة في غرفته دخلت عليها صادفت احمد طالع من الحماام كان لابس شورت بس وماسك الفنيله في ايدو طبعا بقيت واقفه مبحلقه فيو زيي الهبله وهو برضو واقف بعد دقييقه حتي وعيت علي روحي لبس فنيلتو قال لي الليله عامله اضراب من المدرسة ولا شنو قلت ليو اااي عندك مانع؟ ؟ قال لي راحتك ان شاء الله ترسبي ما شغلتي قلت ليو يوم واحد مابعمل حاجه علي فكرة طبعا اتزكر كلمة علي فكرة دي عشان قلناها امس قعد يضحك ضربني في خدي براحه كدا قال لي الشافعه عملت لسان كمااان ... وااي انا بزعلني زعل لم يقول شافعه هو فات وانا دخلت علي هاله لبعتها وصحيته من النوم قلت ليها شنو عايشه دور العروس كدا مامشيتي المدرسة ليه قالت لي اصلا خليت مشية المعسكرات دي احسن لي اقرا في البيت ... قلت ليها ووينا قرايه البيت دي علي اساس بتقري المهم قامت وبقينا نتفرج في الحاجات الجابوها ليها قلت ليها عاد نسابتك زوقم رااااقي شديد حظك لكن بقينا نضحك بعد شوية اتصل عليها محمد خطيبة ونستني نهاااي بقت تتكلم معاو وترقق في صوتة قسم بالله كلمة بالغلط ماسمعتها الا اشوفه بتضحك بس

.... عدت الايام وانا امتحنت امتحانات الفترة النهائيه و كان فضل اسبوعين بس ل امتحانات هاله وشايفاها بقت زولة مجتهدة في القرايه ومحمد ماشاء الله محمد السرور . كل مرة يضرب ليها تعالي لي جمب الباب انا برا تتحجج تقول ماشه لي تسوقني معاها انا بقيف بنتظرة جمب الباب هي بتطلع عليو يسلم عليها وكل مرة جاب ليها هدية شكل قال ليها عشان نفسياتك تتحسن وتمتحني لي كوووويس غايتو لينا الله وقعاد االمظله قلت ليها ونحن نفسياتنا البصلحه لينا منو لم فضل يومين علي بداية الامتحانات محمد اتصل علي احمد قال ليو والله يا احمد انا عايز اطلع هاله دي عشان اغير ليها شويه الجو وتكون مستعده للامتحانات ودايرك تطلع معانا وعندي اختي مها طالعه معانا برضو انت رايك شنو قال ليو تمام بعدها حتي ضرب تلفون ل هاله وحكي ليها قالت ليو خلاص تمام وجات كلمتني قالت لي تمشي معانا في البدايه قلت ليها ماعندي نفس اطلع قالت يابت تغيري جو من النفسيات الانتي فيها دي وبعدين ماطالعين برانا احمد معانا وكمان مها اخت محمد طواالي قلت ليها والله قالت لي ااي قلت ليها خلاص يازولة تمام ماشه بس اكلم امي قالت لي خلاص اجهزي وانا ماشه البس ... مشيت لبست لي بنطلون بس واسع شويه زي حق البدل ومعاو تونك اسود مخطط بالاسود ومشيت ل مها سرحت شعري عندها وعملت لي فيو فيونكة قالت لي هاك اعملي كحل عملتو واتروجت كمان و هي لبس فستان حلوووو قلت ليها ماشه اشرب شربت مويه وجايه احمد شافني قال لي ان شاء الله طالعه كدا ... قلت ليو كدا كيف ؟ قال لي ب شعرك كدا ؟؟؟ قلت ليو مالوو ماحلووو؟ قال لي حلوو في عييينك امشي لمي الشعر دا البسي ليك طرحه عشان ماالقول ليك كلام تاني قلت ليو لا قول عليك الله مش شغال لي شاافعه شاااافعه وسنفورة كمان طيب ليه ما البس كدا قال لي اسمعي الكلام قلت ليك ورفع لي حاجبوو مسااافه وشكلو زعلاااااان شديد طوالي خشيت فكيت الفيونكه رفعت شعري ب بانده وقلت ل هاله جيبي لي طرحة البسه .. قالت لي الجن ولا النفسيااات قلت ليها ككيف ما انفس اذا بطلع في وشي واحد زي احمد اخووك قالت لي واااي لكن حالتي قلت ما ح يقول ليك حاجه الحمدلله يعني ما براي االبتحكمو فيني

اتغظت منهم وقربت اخلي ليهم الطلعه .... ضرب محمد وقال ليو نحن طلعنا احمد قال لي خلاص ح نتلاقي وين قال ليو في محل اسمو . ........... نتلاقي هناك قال ليو اوكي طلعنا هاله ركبت قدام وانا ركبت ورا واتحركنا والونسه شغااله وانا برد ل احمد ب كل برود لم وصلنا لقينا احمد واختو قاعدين مشينا سلمنا قعدنا معاهم طبعا اختو ماشاء الله جمييله شديد قعدنا احمد ومحمد طلبو لينا الاكل والعصير اكلنا وونسة وضحك و مها اخت محمد ماشالت عيونة من احمد وبعدها قالو نمش ناكل الايسكريم في محل تاني طالعين احمد قال ل اختو انتي امشي اركبي مع خطيبك

طبعا اتبسطت شدييد وقال

مها تعالي معانا طوالي فتحت الباب القدام وركبت 💔