الجزء 3

اول واخر مرة اتكلم معاك في الموضوع دا .. وطلع مع انو اول مرة يكورك فيني بس كنت مبسوطه عدا اليوم وانا ماطلعت من البيت نهاي عامله فيها زعلانة لكن من جوة مبسوطة شديد ولو طلعت لقيتو بعمل فيها ماشايفاو نهاية الاسبوع مشيت ل هالة اختو بتونس معاها قالت لي مالك بقيتي ماظاهر ولا بتسألي قلت ليها بجي من المدرسة تعبانة وبنوم قالت لي عندي ليك خبر رهيييب قلت ليها احكي قالت لي محمد ود جيرانا قال دايرني قلت ليها احلفي محمد المهندس ماغيرو قالت لي ااي قلت لها عرفت من متين يا بت قالت لي والله انا من زمان عاجبني بس ماقايله هو زاتو دايرني .. وقبل يومين اتصل علي وكلمني وقال لي عشان اخوك صاحبي وكدا مابقدر اعمل معاك علاقه وهو مايكون عارف عشان كدا انا جايي بالباب عديل ... قلت ليها واااي لكن ياهاله يطلع منك دا كلوو ولكن المدرسة وخاصه انتي ممتحنه السنة دي قالت هو ماعندو مشكله وقال ح يكلم ناس البيت وكدا عشان يكونو علي علم وبعد اخلص يجي يتم العرس لو اهلي وافقو وماعندو مانع في دراستي وقال لي معاك لم تعملي الدكتوراة

قلت ليها كويس .. سمح ح يوري اهلك متين قالت لي كلم احمد اخوي وجايين بكرة الجمعه المساء عشان خيلاني كلهم يكونو قاعدين عدا اليوم وصحينا الصباح نضفنا البيت و رتبنا و بقينا قاعدين علي نار منتظرين المغرب يجي بعد المغرب ب شوية اهل محمد جو جهزنا الموية جا احمد شاله و بعدها الشاي والكيك وكدا يلا الجو كلهم رجال لكن عاد يعملو كدا واتفقو وادوهم الموافقة و العرس يكون بعد تخلص امتحانات طواالي وقالو النسوان ح يجو بكرة تاني يوم من الصباح مشينا الكوفير نظبط العروس واتظبطنا معاها وانا رسمت ايدي الاتنين تقول عروس المساء النسوان جو جابو حاجات الخطوبة والشبكة جا معاهم محمد عشان يلبس الدبل واصحابو واخوانو وكان اليوم حلوو شدييد وعدا لكن هاله كانت ح تموت بالفرحة بعد طلعو الضيوف بقينا نتونس باقي الليل قلت ليهم شكلي بكرة ما ح اصحى للمدرسة جرينا الونسة للساعه 3 صباحا ناس البيت كلهم نامو الانحن الشباب قاعدين بعدها قلت ليهم انا ماشة البيت انوم لي ساعتين قبل الوطة ماتصبح لينا هنا احمد قالي عقبالك قلت ليو انا لسه شافعه قالي لي بعد الحنة الراسماها دي مرة مرة قلت ليهم يلا انا ماشة قال لي دقيقه اصل معاك الباب ... قلت ليو ح يخطفوني في الحوش مثلااا