الجزء 8

قال لي شنو نحن متشاكلين ولا حاجه ... قلت ليو نحن لا طبعا .. قال لي طيب ليه مابتحكي معاي قلت ليو اقول ليك شنو يعني قال لي ان شاء الله بكرهك ساي .... قلت ليو طيب بكهرهك قال لي قولي والله ... قلت ليو والله ... قال لي والله ما من قلبك قلت ليو فعلا مامن قلبي في بت بتكره اخوهااا قال لي الله علي الخوة طبعا قلتها وقلبي بتقطع بس اعمل شنو لازم ارضى بالواقع واحاول اتقبل فكرة انا واحمد ماممكن نكون ل بعد في يوم من الايام ... لم تكون بتحب حاجه شدييد ومتعلق بيها و هي تكون ماحقتك لم تكون بتحب ليك زول وكل يوم بتشوفو في وشك صباح ومساء لا وكمان انت مضطر تتكلم معاو وتهظر وتصطنع الابتسامة والضحكة شعور متعب شديييد الله لا وراكم ليوووو بس انا كل مرة بدعي ربنا يقويني واقدر اشوفو في نظري زي اي شخص عادي واقدر اشوفو فعلا زي اخوي .... اتونسنا كتير وكل مرة بحاول اخلي روحي اقوي وارد ليو كل كلمة بقولها لي بدون مايكون فيها ضعف ... لقايت ما وصلنا الكوفير هو انتظري في العربية انا دخلت اديتم الخاتم وادوني الايصال وجيت ركبت ونحن راجعين فجأة احمد غير الطريق قلت ليو علي وين قال لي نمش ناكل لينا ايسكريم قبل ما نرجع قلت ليو يا سلاااام قال لي بالله لو عارف ببسطك كدا كان من زمان قلت ليك ارح بعد شويه تلفونو ضرب رد .. ايوا اهلين ... كيفك ... لا انا برا البيت ... طالعين انا وليان وعاين فيني ... ماشين ناكل ايسكريم تمشي معانا ..... طيب تمام ... ايوا في نفس المكان ... يلا سلام ... قال لي دي مها قالت عايزة تجي معانا رايك شنوو؟ قلت ليو رايي شنو بعد انت عزمتها ... قالي لي عندك مانع يعني قلت ليو واكون عندي مانع ليه بالعكس كويس انك كلمتها عشان تحلي ليك القعده وابتسمت ابتسامة مزيفة وكلها ااااالم ووجع بس اكيد ما ح تحس بيها يا احمد انا بس البتوجع وبتعب انا بس الطرف الخاسر في اللعب دي انت متهني ومبسوط وبتنوم وتصحى علي صوتة وانا بنوم ب الم وبصحى ب الم جدييد ... قال لي وووين قلت ليو شنو الوين قال لي انتي قلت ليو طلعت الجيران وجيت قال لي عندك مساخه بتعرفيها براك قلت ليو بالمناسبه يا احمد انا نسيت حاجه مهمه والله مفترض اعملة مع هالة ولازم ارجع البيت هسه ... قال لي مش قلنا ح ناكل ايسكريم قلت ليو مامشكله مرة تانيه نمشي انت وصلني وارجع ل مها قال لي خلاص تمام رجع ل مها تلفون اعتزر ليها وقال لي مدام قربنا علي المحل احسن نصل .. وصل قال لي خليك مشا جاب ايسكريم سفري وجا قال لي اكلي في الطريق لقايت ما وصلنا البيت بقيت قاعده مع هاله وبفكر بس .... قالت لي ليان انتي الايام دي مالك احكي لي مش انا اختك وصحبتك ولا انا غريبة قلت ليها اختي واي حاجه بس مافي حاجه احكيها ليك قالت في وفي حاجاات كمان ما حاجه وضغطت علي شدييد قالت لي الا تحكي لي الحاصل قلت ليها طيب عايزة تعرفي قالت لي ااي سكت مسااافه قالت لي ما تحكي ياخ ولا لو مامعتبراني اختك وكاتمة اسرارك ماتحكي لي قلت ليها انا بحب احمد يا هالة ااي بحبو وميتة عليو كمااان وبقيت ببكي

قلت ليها انا خلاص بقيت ماقادرة اتحمل اكتر من كدا العلاقة دي شالت مني كتيرررر ارهقتني يا هالة ما ح تقدري تفهمي وجعي مهما حكيت ليك لانك ماعشتي ولا جربتي انك تحبي من طرف واحد انا كل ما اشوف احمد بتعزب .. بتعزب والله وقلبي بوجعني يعني كان اهون علي في الاول لم كان بقول علي شافعه صاح كنت بتضايق وبقول هو معتبرني لسه صغيرة وماواعيه بس ح اجي اليوم الح يغير نظرتو لي كنت كل يوم بصبر في روحي ... لو جاب لي شوكلاته ساي بكون طايرة من الفرح وبختها اعاين فيها ما باكله عشان ما تنتهي ولم يسلم علي بكون اليوم كلو حاسة ب ريحتو معاي .. لم يقول لي اعملي لي حاجه مابعمله ليو طوالي عشان اتعاور معاو ويقول لي ياهبله ويقعد يحنس فيني .... يا هاله انا التفاصيل الصغيرة دي بترهقني شديييييد والله بترهقني وبقيت ماقادرة اتحمل اكتر من كدا دا كلو كان اهون علي من اشوفو قدامي وهو بحب ليو واحدة ومبسوط معاها صاح حاولت انسى بس احمد مابتنسي يا هاله احمد مابطلع من باالي وحضنتني وبقيت ابكي زيااادة