الجزء 14

مسح لي دموعي قال لي ماعايز اشوف دموع تاني نهااي طول ما اانا عايش ومرر يدو علي شفايفي وقال لي من الليله انتي حقتي انا بس فهمتي يا ليان قرب علي وباااسني طبعا بقيت مافاهمة اي شي وحاسه ب روحي في دوامة قلت ليو ممكن تفهمي البحصل دا شنو قال لي انتي لسه ما فهمتي المهم انتي مرتي و بس دايرة تفهمي شنو اكتر قلت ليو كيف كدا مش مهند هو الاتقدم لي ... قال لي ايوا بس انا اولى بيك من اي زول يعني معقوله احبك من وانتي شافعه وبتكبري قدامي ويجي زول في ثانية ياخدك مني قلت ليو انت بتحبني يعني قال لي لا مابحبك اتجبرت عليك بس

مسك انفي قال وانا من قبيل برقي في شنوو ... ااي بحبك والله وبموت عليك وعارف انك بتحبيني كمان بس ماكنت داير الحاجات دي تجي بالسرعه دي وتعرفي بالطريقه دي يعني علي الاقل بعد تخلصي الثانوي يا شافعه قلت ليو طيب احمد ... و مها قعد يضحك وواي انا من ضحكو ياخ قال لي ماله مها قلت ليو مش انت بتحبها قال لي زي ماكان حكيت ليكم قبل كدا زولة بتقرا طب وب حكم انو انا كمان درست طب ف احيانا بتستشيرني وكدا ولم شفت الموضوع ضايقك شدييد وعرفت انو في غيرة حاصله ف الموضوع عجبني و قلت امشي عليك علي فكرة كنت بستمتع كتيير لم اجيب ليك سيرته لانك زولة هبله شديد وكل شي كان بظهر عليك بتعملي انو الموضوع مافارق معاك بس تفاصيل وشك كااافية انها تتكلم عنك ضربتو في كتفو قلت ليو ثقيييل قعد يضحك ... بعدها قام وقال يلا انا طالع قلت ليو علي وين قال لي كيف علي وين ناسية العالم البرا دي وانتي قومي غسلي الوش الحلو دا حسسيني شويه انك فرحانة قلت ما بعد استوعب الاول قال لي انا ماشي انتي اقعدي استوعبي ب راحتك مشا وصل الباب وتاني جا راجع قلت ليو خير ناسي حاجه قال لي ماعايز امش يااخ

حضني شديييد وباسني ف راسي قال لي ان شاء الله ربنا يقدرني واسعدك يارب وان شاء الله كل ايامنا ح تكون حلووة زييك كدا يلا انا ماشي والمرة دي ما ح اتلفت وراي عشان اجي راجع وصل جمب الباب ناس امي وخالتي ساميه وعايدة ام احمد ومعاهم كم مرة جو داخلين لاقو جمب الباب في واحدة قالت ليو شنو طوالي جيت ب جاي النسوان سلمو عليهو تاني وبقو يزغررردوو انا جوة طوالي شلت لي طرحة لبستها احترام وكدا وجوني جوة بقو يسلمو علي ويبكو قلبناو بيت بكا عديل امي قالت لي قومي استحمي وغيري ملابسك دي هسه البجو يباركو ليك يلقو حلاتك دي كدا ... بعدها وعد اختي جات جاريه شايله تلفون قالت لي هاك هالة دايراكي اول مارديت قالت لي ياخاااينين شنو الحركات الماسمحة دي تخلونا نطلع بيجاي وتعقدو معقولة عقد اخواني اسمعو بالصدفه قلت ليها دقيقه اسمعيني هو انا كنت عارفه يعني وحكيت ليها القصة .... بالليل انا النوم غلبني بقيت اتقلب بس وحاسه نفسي زيي في حلم .... خالتي عايدة قالت ل امي زي ما شايفه العقد جا سريع كدا ماجبنا ليكم حاجات العقد امي قاطعتة قالت ليها ياعايدة بتتكلمي زيي كأننا غريبين من بعض البت بتنا والولد ولدنا خالتي عايدة قالت ليها هوي يا سهام ااي اخوات والبيت واحد والحالة واحدة بس انا بتي مابخلي عقدها يمش بالمسيخ وبكرة نجيب ليها حاجاتة والمساء بنجيبن ليكم