الجزء 9

دا كلو كان اهون علي من اشوفو قدامي وهو بحب ليو واحدة ومبسوط معاها صاح حاولت انسى بس احمد مابتنسي يا هاله احمد مابطلع من باالي وحضنتني وبقيت ابكي زيااادة

وهي زاته بقت تبكي معاي قالت لي والله انا قلبي كان حاسس من زمان بس انتي دايما بتكابري وماقاعدة تحكي لي

قلت ليها ولو حكيت ليك الح يتغير شنو يعني ولا شي .. قالت لي علي الاقل بترتاحي لم تحكي ما زيي لم تكتمي علي روحك .. وبعدين تعالي هنا احمد بحب منووو قلت ليها ما تستعبطي ماعارفه انو بحب مها قالت لي هو جادي يعني قلت ليها جادي شديد كمان المهم عدينا ونستنا اليوم داك وعدت الايام وكنا شغالين تجهيزات ومافضل للعرس حاجه وبكرة حنة العروس مشينا تاني يوم الكوفير وعملو ليها مكياج خفييف بس طلعت عسسل ماشاء الله

وانا قلت ماعايزة مكياج قدر هاله ماحنستني قلت ليها بعمل للعرس خلاص لبست لي فستان كدا بسيط ممكن يتلبس بالنهار عادي وهناك في البيت الحفلة كانت رااابة شدييد هالة ضربت ل احمد قالت ليو تعال لينا انا جاهزة قفل منها بعد مسافه جانا في الكوفير طلعنا والحفلة كانت رهيييب ججنا فيها هجيييج شديد لم خلاص انا رجولي ديل خلاااص ماقادرة ارفعن منتهية نهااي بعدها بقينا في تجهيزات العرس والنضافه وجري الكوفير مشيت مع هاله عملت ساونة واليوم التاني رسمو ليها وانا زاتي رسمت معاها ايدي وقضينا اليوم كلو تجهيزات عشان بكرة العرس صحيت من الصبح نضافه وترتيب وتاني طلعت الكوفير مع العروس قالو تجي من الصباح عشان يعملو ليها ماسكات انا ل لحظة حسيت روحي مطششة وماشايفه اي حاجه فجآة وقعت من طولي هاله بقت تقول بسم الله مالك يا ليان ليان بقت تصحي فيني فتحت عيوني لقيت بنات واقفات جمبي ورفعوني في كرسي جابو لي مويه هالة قالت لي ح اضرب ل احمد يجي يوديك الدكتور ماسكة تلفونة .. قلت ليها لا مافي داعي انا كويسه قالت لي كويسة شنو ماشايفه حالتك ضربت ل احمد ما برد قالت لي ما ردا قلت ليها خلاص خليو انا اصلا كويسه ضربت ل محمد راجله رد ليها مهند اخوهو قال ليها شنو يا عروس اصبري لسه ما عقدو قالت ليو مهند قال ليها ااي بس عارفك منتظرة زول تاني يرد ليك قالت ليو عليك الله تعال لينا في الكوفير ليان دي قبل شويه داخت ووقعت قال ليها مالها خير قالت ليو ماعارفه بس ضربت ل احمد اخوي ومارد لي قال ليها دقيقه انا هسه جايي عليكم شويه ومهند جانا ضرب ل هاله قال ليها انا برا قلت ليو دقيقه نازلين وانا احنس فيها قلت ليها هسه احسن قالت لي عايزة عشان تقعي تاني الا تمشي بس وبعدين هو تحت وصل خلاص نزلنا وانا ماسكه في هاله وحاسه حيلي ماشادييني هو لم شافنا طواالي جا مسكني قال ليها انتي ارجعي قالت ليو عليك الله طمني عليها يا مهند قال ليها تمام فتح لي الباب ركبت ورجع لي الكرسي ل ورا وبقي سايق وبتكلم معاي انا كنت شايفاو بس ماسامعه هو بقول في شنو ... اتصل ليو احمد قال ليو ليان مالها كلمتني هاله هسه قال ليو هسه انا ماشي علي مستشفي ....... كدا بعد شويه تاني ما حسيت ب اي حاجه الا لقيت روحي في المستشفي ومركبين لي درب ومهند قاعد جمبي وماسك في يدي او بالاوضح شكلي انا الكنت ماسكه فيو قال لي سلامتك جا احمد داخل طوالي مهند سحب يدو ووقف علي حيلو احمد قال ليو ماله عليها شنو قال ليو عنها هبوط من التعب وكدا وهسه مركبين ليها درب وفي درب تاني مفترض تاخدو بعد دا جا جمبي قال سلامتك حاسة روحك كيف هسه قلت ليو كويسة احمد عاين ل مهند قال ليو انت ارجع انا بكون معاها لم تخلص الدربات