الجزء 6

واهو دا طلع بحب كمان وعايش حياتو وانتي في كل حركة صغيرة بيعمله وبكون ماقاصد فيها حاجه انتي بتتبسطي وبتقولي دا حب وانو بحبك بس ابدا ماحب احمد عمرو ما اعتبرك الا ختووو

هاله قالت لي يوم حلو مش يا ليان قلت ليها ااي شديد احمد قال لي بس ماباين ليك اتبسطي قلت ليو بالعكس وكمان مها ظريفه شديد طوالي هاله قالت ليو صحي يا احمد قصتك شنووو انت قال ليها قصة شنو كمان قالت ليو يعني عامل فيها مافاهم ولا قايلنا ما فاهمين قال ليها يعني بعرفه ب كم انو زولة زميلة وكدا وبعدين دي اخر سنة ليها في الطب زي ماعارفه ف عشان كدا متواصله معاي ولم تكون محتاجه حاجه بترجع لي .. قالت ليو اهااااا بس انا ما كلامك دا مادخل لي راسي نهاااااااي ولاشنو يا ليان الكلام دا دخل راسك مارديت ليها بس بعاين بالشباك عاين لي بالمراية قال ليها شكلها عقلت الله يعقلك انتي كمان هالة قالت ليو لكن البت كسااارة يا احمد غايتو بتعرف تختار هههههههه قال ليها يا بت احترمي رووحك قالت لي رايك شنو يا ليان قلت ليها فعلا وصلنا البيت انا طوالي فتحت الباب ومشيت علي بيتنا امي قالت لي مالكم اتأخرتو ابوك سأل منك قلت ليها الونسة جرت مشيت استحميت وغيرت ودخلت الغرفه وبقيت ابكي بس واسترجع في حركات احمد الكان بعمله معاي كلها وبقيت اقول يعني دا كلو ماغيرة زي ما انا فكرت لكن عشان معتبرني اختو وبتزكر وابكي لغايت ما نمت خلاص قررت اني انسى حاجه اسمها احمد وما افكر فيو تاني بقيت بتجنبو في اي حاجه حتي لو جا قال اعملو لي شاي بخلي اختي الصغيرة وعد تودي ليو بقيت مادايرة اشوفو قدامي عشان ما اضعف مع انو بكون عايزة اقعد معاو واعاين فيو بس برجع وبقول انا ماعندي مكانة عندو بقيت بتجنبو كتيير حتي اني مابسلم عليو في يدو ولو قاعدين وهو جا بحاول بنسحب من القعده عشان ما ارجع ل نقطة الصفر ... الايام عدت وهاله خلصت امتحانات وقالو طالعين نظام خلصت امتحانات وكدا قلت ليتا ماماشه معاكم بقت تحنس فيني قلت ليها ماتتعبي روحك ساي المهم طلعو هم .... مرة هاله قالت لي انتي يا ليان ليه اتغيرتي كدا يعني ماليان البنعرفك و بعدين تعاملك بقي زباله مع احمد ... قلت ليها زباله كيف يعني انا انا ماعندي معاو تعامل عشان تقولي كدا قالت لي دا البقصدو ليك انا انتبهت ليك فترة ممكن من طلعتنا الاولي وانتي بقيتي ماطبيعيه ..... سكت مارديت ليها قالت لي ليان انتي بتحبي احمد؟؟؟؟ قلت ليها كيف يعني انتي ماجاده احمد شنو البحبو وبعدين هو اصلا معتبرني اختو بس ما اكتر قالت لي انا ماقلت ليك هو معتبرك شنو انا قلت ليك انتي معتبراو شنو ؟؟؟؟ قلت ليها اخوي بس بعدها ب فترة احمد جانا في البيت سلم علي امي وقال ليها خالي علي وين قالت ليو طلع الشغل المهم جا اسلمي علي طوالي لبست لي طرحة وسلمت عليو هو استغرب طبعا يعني من زمان انا بتعامل معاو عادي ... قال لي انتي يا ليان ليه بقيتي تتعاملي معاي كدا انا عملت معاك حاجه غلط قلت ليو ابداا قال لي طيب مالك قلت ليو مافي حاجه قال لي لو مافي حاجه ما بتتعاملي معاي كدا قلت ليو ح يكون في شنو يعني بس براي منفسنة الايام دي قال لي طيب جديدك شنو قلت ليو قعدة البيت قال لي ماناوية تقعدي فيو اكتر ولا شنو