الجزء 13

بعد كم يوم امي جاتني قالت لي مهند دا كلم اخوالك وقال دايرك ... قلت ليها مهند قالت ااي اخو محمد .. والله حظك لكن زول محترم ومافيو كلمة علي نياتكم يا بناتي اخوات وجوكم اخوان قلت ليها لالا كيف يعني قال دايرني انا دي قالت لي ااي مامصدقه ولا شنو قلت ليها متين وكيف وكلم منو قالت لي كلم اخوالك كلهم والليله عندهم قعدة المغرب ... قلت ليها بدون ماف زول يجيب لي خبر قالت لي مالك عندك مانع قلت ليها كيف ماعندي مانع مش انا الطالبني قالت لي بعد نشوف اخوالك راين شنو وبعدين الولد مافيو كلمة وطلعت ... انا خلاص بقيت حاسه روحي زيي الطرطور ومافاهمه حاجه دا شنو يارب شويه والمغرب اذن وماقادرة اطلع من البيت امش اشوف الحاصل ... والقعاد غلبني نهاي والبيت فاضي كلهم مجتمعين في بيت خالي الكبير وتلفون ساي ماعندي عشان اعرف الحاصل شنو بعد ساعه قاعده ومتوترة وامش واجي في الحوش واكل في اضافري واقوم واقعد ووخلااااص قلبني نهاااي كملت الصبر اسمع ليك النسوان بزغرتووووو زعاريييت شدييدة انا خلاص قرب يغمى علي من الخوف دا شنو وبقيت اقول يا الله لا يا الله لا

بعد شويه سمعت صوت ضرب سلااااااح شدييد والزغاريييت بقت ااعلي وسامعه صوت ناس بقولو ااي عقدووو انا خلاااص انهرت عديييل و دخلت جوة البيت دخلت غرفتي وقفلتها علي قعدت في الارض وبقيت ابكي وابكي بس يا الله انا ليه حظي كدا ليه ما مكتوب لي اعيش مبسوطة زي الناس يا الله انا عملت شنو غلط في حياتي عشان اتعاقب كدا .. مهند زول كويس والف بت تتمناو بس انا لسه مانسيت احمد .. لسه احمد ما راح من بالي يااارب صبرني يارب وبقيت في نوبة بتاعت بكى بعد مسااافه اختي وعد جات ضربت لي الباب وانا ماسامعه منها اي اي حاجه من كترت البكى بيكي بس حتي روحي ما حاسة بيها طوالي مشت عشان تكلم ناس امي لقت احمد في الحوش قالت ليو ليان قافله الباب عليها و بتبكي شدييد قال ليها تعالي اديني المفتاح مشت فتشتو ادتو ليو قال ليها خلاص ماتكلمي زول عشان ما يقلقو عليها قالت ليو طيب ضرب لي الباب قال لي ليان يابت افتحي الباب مارديت عليو طوالي فتح الباب جا قعد جمبي في الارض قال لي مالك في شنو بتبكي كدا البشوفك بقول مات ليك زول ... في عروس عقدو ليها الليلة بتبكي كدا

المفترض تفرحي في يوم زي دا ما تبكي قشيت دموعي قلت ليو افرح ... افرح كيف بس وريني اذا زول بعقدو ليو بدون ما يعرف حاجه بس اسمع من امي تقول لي مهند قال دايرك نظام للعلم بس وانا ماعندي راي ... سمعوني طيب اذا موافقة ولالا .. قال لي يعني انتي ما موافقة ؟؟ وبعدين خلاص الحصل حصل في النهاية وماف زول في يدو يغير حاجه تاني و انتي هسه بقيتي متزوجة وفي عصمة راجل قلت ليو انا مابقدر اتحمل والله ح اموت يا احمد ح امووت والله وقلتها ب اخر نفس لي ووقعت بقى يصحي فيني ليان ليان ليان وشالني رقدني في السرير ومشا جاب موية وبقى يرش فيني لم صحيت وقعدت قال لي حبيبي انا عشان خاطري ما تعملي فيني كدا وحضني عليو شديييد .. طوالي زحيتو مني قلت ليو ابعد مني يا احمد ... قال لي ابعد منك لييه وبعدين مالك انا حر اعمل العايزو مش انتي مرتي حلالي .. عاينت فيو ب صدمة

قلت ليو كيف يعني بتقول في شنووو انت ... قال لي زيي ماسامعة مرررتي وحلااااالي ... ولسه الصدمة علي وشي بس مافتحت خشمي نهاي ب كلمة مصدومة شديييد

قال لي فكرك ح اخليك ل زول غيري مثلاااا وبمسح ب يدو في وشي قال لي انا بحبك يا ليان بحبك زي ماانتي بتحبيني واكتر كمان ومن الليلة انتي حلالي فهمتي وحضني عليو وانا مسكت فيوو شدييد من جلابيتو وبقيت ببكي طوالي رفع راسي ومسح لي دموعي قال لي ماعايز اشوف دموع تاني نهااي طول ما اانا عايش ومرر يدو علي شفايفي وقال لي من الليله انتي حقتي انا بس فهمتي يا ليان قرب علي وباااسني 👄👄