الجزء 7

قال لي طيب جديدك شنو قلت ليو قعدة البيت قال لي ماناوية تقعدي فيو اكتر ولا شنو قلت ليو لا عااااجبني شديد قال لي ولا منفسنة عشان صاحبتك ح يعرسوها وانتي قاعده بايرة قلت ليو علي فكرة انا لسه شافعه زواح شنو الح افكر فيو قمت جبت ليو موية وجيت ... قال لي احترام شدييد ماقصرتي سكت منو قال لي ليان عايز احكي ليك حاجه قلت ليو احكي قال لي ممكن تقولي عايز استشيرك ... قلت ليو تستشيرني انا وتستشيرني ليه مابتعرف تحل مشاكلك ب نفسك قال لي بعرف بس عايز رايك قلت ليو احكي طيب سامعه ... قال لي رايك شنو في مها قلت ليو مها منو قال لي اخت محمد . قلت ليو رايي فيها في شنو يعني قال لي من اي ناحيه .. شايفاها مناسبه لي؟ ؟

طبعا انا من الصدمة بقيت عامله كدا ودموعي قربت تجي نازله يا الله مسكتها .. قلت ليو انت بتعرفه اكتر مني اكيد ح تكون عارف اذا مناسبة معاك او لا ... بس هي زولة كويسة وحلوة شديد كمان يابختك بيها قال لي اول مرة تقولي علي بت حلوة قلت ليو لانها حلوة فعلا اها ح تمش تخطبة ولاشنو قال لي ان شاء الله بس بعد عرس هاله اختي قلت ليو كويس ربنا يسعدك يارب قال لي من قلبك قلت ليو من معدتي قعد يضحك ... قال لي ياخ والله عسسل طبعا بقيت ماعندي نفس اضحك ولا اعمل حاجه وهو بتكلم زيي المابسمع فيو بحس كلامو بعيد وحاسه نفسي مكتووم وقلبي تقييل كمان بس اعمل شنو لم يكون الحب من طرف واحد اصلا بحصل كدا بس لازم اقتنع بالواقع وارضى ب حظي ... عدت الايام و خلاص حددو العرس حق هاله وبدينا فيها تجهيزات وانا كنت ما بطلع من بيتن الا امش انوم واجي ومرات بتمسكني انوم معاها وكل مرة بصادف احمد في وشي وقلبي بتوجع بس برجع وبقول هو ما نصيبي في النهايه بقينا خلاص نجهز ل العرس وحبسنا العروس وكل مرة ماشين وجايين السوق اخر حاجه مشينا حجزنا في كوفير وهاله اختارت ليها فستان رهييييب بس قالو دايرين مبلغ مالي او دهب وماكنا شايلين معانا قلنا ليهم خلاص نهايه اليوم ح نجيبو بعد رجعنا هاله كلمت امها ال هي خالتي طلعت لينا خاتم قالت لي خلي احمد يمش معاكي وديو قلت ليها مابحتاج بمش بالمواصلات قالت لي مواصلات شنو يابتي والعربية قاعده طوالي كوركت ل احمد قالت ليو تعال وصله الكوفير قال ليها تمام جاني قال لي نطلع قلت ليو طيب

مشيت ركبت معاو وقبلت علي الشباك قال لي شنو نحن متشاكلين ولا حاجه ... قلت ليو نحن لا طبعا .. قال لي طبع ليه مابتحكي معاي قلت ليو اقول ليك شنو يعني قال لي ان شاء الله بكرهك ساي ....