الجزء 5

قال مها تعالي معانا طوالي فتحت الباب القدام وركبت وانا بقيت مندهشة طبعا قربت اقول ليها من متين العرفه يا رابحة ولسه واقفه وبععاين ليهم احمد كورك لي هوي ماماشه معانا ولاشنو وانا زعلانة زعله فتحت الباب الورا وركبت وطاااخ قفلتو عاين لي كدا و ماقال حاجه بعدها اتحركنا وتعالو شوفو الونسه اخر ونسة وضحك وانا كأني مافي تاني قالت ليو امس مالك مابترد علي التلفون ... اجي يا مالك مابترد علي التلفون يعني هم متواصلين مع بعض قال ليها والله امس جيت تعبان من المستشفي ونمت طوالي قالت ليو اعمل حساب ل روحك شويه ماممكن يعني .. قال ليها حاااضر من عيوني

عيونك يتقددو يا احمد انا خلاص بقيت ماقادرة اتحمل الجو بتاعم دا وحسيت كأنو ما في هواء وقلبي لم اتقبض بس بقيت متكله علي البااب وبعاين بالقزاز لقايت ما وصلنا احمد وقف العربية وانا ماحسيت بيو بعدها قال لي شنو الفسحة حلوة ولا شنو ماناوية تنزلي عاينت ليو ما عملت اي ردت فعل لاضحكت ولا كشرت ليو زيي ما بعمل قعدنا في محل كدا حلووو شديد طبعا هاله وخطيبة بتونسو و احمد ومها بتونسو وانا قاعدة بس زي المافي شويه كدا شكلو حسو علي روحم بقت الونسة جماعيه بس انا ما شاركت ب اي حاجه مها قالت ل هاله اها مستعده للامتحانات قالت لي والله يعني لكن متوترة بس قالت ليها شدي حيلك نحن مرتنا لازم تكون متفوووقة هاله بقت تضحك .... تاني عاينت لي قالت لي اها وانتي كيف مع المدرسة قلت ليها تمام وطبعا مانفسي افتح خشمي نهاي احمد قال لي مستر كسوول طبعا دي واحدة مشاغبه بس ماعندها شغله بالمدرسة جنها نوم وتهرب . ... هم ضحكو وانا برضو ماعملت اي ردت فعل نفسي بس يكملو قعدتم دي عشان اتخارج بيتنا قالت لي السنة الجايه ممتحنة مش كدا قلت ليها ااي بعدها جابو الايسكريم احمد عاين فيو قال للولد لو سمحت طالبين واحد بالشوكولاته بس مامعاو حاجه تاني قال ليو طيب شال واحد وبدلو ختا ليها جمبها طوالي قالت ليو عارف يعني هو ابتسم ليها والونسة شغاله وانا كأني مافي وماسكة الملعقه وبسوط في الايسكريم لم بقى موية ساي ماعندي نفس اكل ... بعدها قالو نمش اتوادعو محمد واختو ركبو عربيتم ونحن ركبنا هاله قدام وانا ورا ورجعت ل وضعيتي القبيل متكله علي الباب وبعاين بالشباك وسرحانة وبقول ل نفسي خلاص انسي الوهم الانتي عايشه فيو دا اصلا احمد ما ح يعاين ليك وماحاسي بيك معتبرك بت شافعه و اختو بس واهو دا طلع بحب كمان وعايش حياتو وانتي في كل حركة صغيرة بيعمله وبكون ماقاصد فيها حاجه انتي بتتبسطي وبتقولي دا حب وانو بحبك بس ابدا ماحب احمد عمرو ما اعتبرك الا ختووو