الجزء 12
قلت ليو ليه بهمك كتير وانا ماشه قال لي انا ماكملت كلامي وقفت قال لي وين اتأخرتو قلت ليك ... قلت ليو وانت زعلان ليه هسه قال لي ردي علي حسب سؤالي قلت ليو انا ماقادرة اقيف واتحركت مسكني من يدي قلت ليو ااي بهمك ب شنو يا احمد .. لو بهمك من اصلو ماكان خليتني امش معاو بس اكيد ما ح تخلي حبيبة القلب في فرصة زي يدي قال لي هي قالت ح تمش معاي وانا ما حبيت احرجة قلت ليو وح تحرجه لييه !! ! تحرج حبيبتك !!! دا يكون عيب في حقك لو عملت كدا قال لي ليان وهو لسه ما سكني قلت ليو علي العموم العربية بنشرت لينا في الشارع ومهند صلحه و بعد كدا مشينا بيتم هو دخل غير ملابسو وجينا دا كل الحصل عرفت كدا يلا خليني امش عايزة اتحرك مسكني لسه وقربني شدييد عليو قال لي انا كنت خايف عليك كتير عشان كدا بسأل فيك طبعا بقيت ماقادرة ارد ليو ب حاجه لانو استغربت من طريقة قربو لي بالطريقه دي و دقات قلبي بقت عااالية شديد وبقيت شبهة قادرة اسمع صوت انفاسو حتي شامة ريحة عطرو لكن ماقادر ابعد روحي منو نهاي طوالي قرب علي اكتر ونزل علي شفايفي وباسني طبعا بقيت مصدومة وحاسة روحي زيي البحلم دا شنو البحصل دا طوالي فكيت روحي منو قلت ليو انت عملت شنووو وختيت يدي في خشمي وعاينت فيو هو زاتو بقى مندهش شدييد وب سرعة ااتحركت من جنبو مشيت دخلت البيت لقيت ناس امي نامو دخلت غرفتي وبقيت بحاول استوعب في الحاجه الحصلت دي دا شنو معقولة احمد باسني ولسه خاته يدي في خشمي ومامستوعبه اي حاجه من الشي الحصل قبل شوية دا بس ماعارفه حسيت روحي مبسووطة شديد مع انو عارفه الحاجه دي غلط مشيت استحميت وكل مرة المس في شفايفي بعدها اتوضيت صليت ورقدت بتزكر في اي حاجه حصلت قبيل لقايت ما نمت ماصحيت الا العصر وصحتني امي قالت لي يابت كفاك نوم قومي اكلي ليك حاجه قمت استحميت واكلت و فاتحة التلفزيون قاعده جا مشهد كدا طوالي اتزكرت يوم امس اتزكرت كيف كان ماسكني و مقربني عليو وكيف كانت ريحة انفاسو مع عطرو وكمان مرة اضحك ومرة ازعل من روحي بس تاني رجعت اضايقت قلت مدام هو بحب مها ليه يعمل معاي كدا يعني اانا بعد حاولت اتعود علي الوضع دا هو جا زكرني ليو اكتر من الاول بعد شويه جاتني اختي قالت لي هالة اتصلت في تلفون احمد تعالي اتكلمي معاها قلت ليها قولي ليهم نايمة قالت لي اجي مالك يا ااختي قلت ليها كدا بس ماعندي مزاج اطلع المساء بتكلم معاها عدت يومين وانا نهاي ما طلعت من البيت عشان عارفه لو طلعت ح اصادف احمد وانا بقدر اشوفو بعد الحصل بعد كم يوم امي جاتني قالت لي مهند دا كلم اخوالك وقال دايرك ...