الجزء 2

جدعت ليو التلفون في السرير وجيت طالعه ما اشتغل بي مشيت قلت لي امي ماشه ل صاحبتي سلمي قالت ليه قريب المغرب كدا قلت ليها مزكرتي عندها وبكرة عندنا اختبار قالت لي سمح امشي بس ماتتأخري قلت ليها سمح لبست منها توب وجيت طالعة هو جا داخل قال لي خامه التوب ماشه علي وين ... قلت ليو السماء ..... طبعا اتخلع فيني يعني هو دايما بهظر معاي وبقول لي شافعة والموضوع عادي و بنضحك مع بعض .... قال لي زعلتي يعني قلت ليو ما شغلتك قال لي طيب هاك التلفون اتصلي علي صاحبتك قلت ليو شكراا ماعايزاو وبعدين تدي تلفونك ل شافعه ليه ما خايف عليو امي جات قالت لي انتي لسه مامشيتي المغرب دا كان اذن ما بتطلعي تاني قال ليها هي ماشه وين قالت ليو ماشه تجيب مزكرة من صاحبتة عندها امتحان بكرة وطلعت مشيت ل صاحبتي اتونست معاها مسااافه لم استغربت فيني قالت لي منفسنة ولا مالك قبل لو دايراك تجي احنسك يومين المهم كملت ونستي معاها وقلت ليها اديني مزكرتك شلتها وجيت العشاء قرب يآذن جيت لقيت احمد قاعد في الحوش وبتكلم بالتلفون واخر ومسة وضحك ... لم شافني نزل التلفون قال لي مالك اتأخرتي كدا عاينت فيو ومشيت مارديت ليو الصباح صحيت جيت طالعه المدرسة قال لي ارح لم اتخلعت قلت ليو ارح وين قال لي اوصلك مش عندك امتحان واصلا مدرستكم في طريقي ركبت ومن جوة دايرة اطير من الفرح وصلني ونهاية اليوم جيت البيت استحميت ولبست لي بجامه وسرحت شعري نادتني هاله اختو اتونست معاها وبتحكي لي ب استاذ مكسرن في المدرسة المهم اتونسنا مسافه بعدها امي كوركت لي قالت لي تعالي قلت ليها يلا ل بعدين نتمو طلعت ماشه البيت لقيت احمد ومعاو اصحابو اتنين جايين داخلين وانا ماشه ب بجامتي ساي طبعا لم شفتهم مشيت سريع سريع دخلت البيت المسا۽ كدا جا احمد بيتنا قال ل امي وين ليان قالت ليو جو في البرندا جاني قلت ليو وين يا قال لي قبيل حايمه ب بجامتك مالك قلت ليو فيها شنو حايمه في االشارع مش في البيت قال لي اصحابي قاطعتو قلت ليو انا ح اعرف من وين انهم جايين وبعدين مش انا شافعه البس البريحني قال لي ليااان اول مرة في حياتو يعلي صوتو علي قال لي انا كلمتك جايين ناس ماجايين ماتحومي ب بجامتك البسيها في بيتكم هنا مافي زول سائلك بس لم تحبي تطلعي الحوش البسي ليك حاجه اول واخر مرة اتكلم معاك في الموضوع ده