الجزء 1

بحب ولد خالتي شدييد وهو ماكان منتبهه ابدا للحاجه دي ودا الشي الغايظني اكتر برودو معاي الزايد عن حدو وتعاملو معاي علي اساس اني لسه شافعه وزي اختو دا كان بموتني من الزعل وانا كل يوم بتعلق فيو اكتر واكتر هو زول شخصية كدا وشغال طبيب ومكسر كل البعرفن والمابعرفن برضو ... نحن كلنا خالاتي الاتنين ب اولادن وحبوبتي كل زول في بيت بس الحوش واحد خالتي واحدة عايدة دي ام احمد المكسرني دا والتانيه ساميه وامي سهام ... انا ليان بقرا في تانية ثانوي صاحباتي في المدرسة كل سيرتم عن احمد والحاجه كان بتغيظني شدييد بس ما اقدر اقول حاجه في واحدة قالت لي بختك يا ليان كل يوم تسطبحي ب وشو واااي واحد تاني قالت لي هسه تعاملو في البيت بكون عامل كيف وشكلو ب ملابس البيت والله انتي حظك واحدة تانية قالت لي لولو شكلو وهو نايم كيف اكيف زي الملاك قلت لييهم بنات بطلو لماضة وقلت ادب هسه العاجبكن فيو شنوو ماتتخدعو فيو ساي من المظهر زول كريهه وكلامو كتير وجنو اواامر طبعا الكلام دا كلو عشان اكرهم فيو وماينبرشو اكتر من كدا عشان انا خلاص بقيت مابستحمل فيو اي حاجه المهم رجعت البيت زهجاانة غيرت ملابسي استحميت ونمت ... العصر صحيت مشيت المطبخ اشوف لي حاجه اكله جا احمد داخل قال لي وين يا لولا قلت ليو تمام اتكلم معاي شوية تلفونو ضرب قال لي اعملي لي كباية شاي عليك الله وفتح تلفونو وطلع .. المهم عملتو ومشيت اودي ليو لقيتو لسه بيتكلم بالتلفون ختيتو قال لي تسلمي يا عسل قلت ليو اجيب ليك كيك قال لالا ماعايز وانا طالع سامعاو قال ااي يا قلب

لالا دي اختي الصغيرة جابت لي شاي طبعا انا وشي كلووو اتغير وقلب الوان الوان مشيت بكيييت قدرتي

يعني هو بحب واحدة وماشايفني اصلا وشايفني صغيرة وشافعه متين يحس اني كبرت متين يحس اني بحبو وماشايفه غيرو متين ... امنا واحدة ولا ابونا واحد عشان يقول اختو .. المهم تميت بكيتي وسكت وقلت في قلبي كويس يا احمد ح تعرف اني شافعه كيف مشيت استحميت و عندي قميص كان شوية قصر مني وكنت مابلبسو عشان اولاد خالتي والحوش واحد وكدا لبستو وسرحت شعري طبعا هو وسط بس ماقصير وكنت طوالي بلفو ومامهتميه بيو شديد عملت فيو باندة وخليتو ضنب حصان ومشيت ليو كان راقد وفاتح الاب توب حقو قلت ليو احمد اديني تلفونك دايرة اتصل ل صاحبتي عاين فيني مسافه ومارد لي قلت ليو الوووووو وتقطقت ليو اصابعي ماداير تديني ليو امش ل محمد ... محمد دا طبعا ود خالتي ساميه و هو قدرو في العمر بس هو ماقرا جامعه وتابع شغل السوق وبقي تاجر وكدا .... قال لي هسه في زول اتكلم معاك هاااك اداني ليو مسكتو كدا مسافع وخاته يدي التانيه في راسي قال لي مالك قلت ليو ما اتزكرت الرقم ماشه اجيب الورقة عايزة اطلع قال لي جيبي التلفون بعد تجيبي ورقتك تعالي شيليو قلت ليو ليه شافعه انا ح اوقعو ليك مثلا ... قال لي اصلا شافعة طبعااا اتغظت شديييد جدعت ليو التلفون جمبو في السرير وجيت طالعه