الجزء 10

احمد عاين ل مهند قال ليو انت ارجع انا بكون معاها لم تخلص الدربات ... قال ليو طيب تمام عاين لي قال لي سلامتك ليان اخدي راحتك تمام قلت ليو طيب وطلع ... احمد قال لي معقولة تهملي في روحك لم تصلي للمرحلة دي مارديت ليو قعد وختى يدو في راسو بعد شويه عاين شاف الدرب خلص ... غيرو ركب الدرب التاني قال لي يلا كدا اتغديتي قعدت اضحك قال لي شوفي ضحكتك باهته كيف وماليها طعم قلت ليو اعمله ليك بالنكهات قال لي حتي وانتي عيانة بتتثاغلي قلت ليوو شكرااا بعد خلصت الدرب قلت ليو يلا عشان هالة براها في الكوفير قال لي زكرتيني التلفون صامت شوفي مية مكالمة منها رجع ليها وطمنة قال ليها بقت كويسة بعدها قال لي يلا مسكني من يدي انا وقفت عاينت فيو مسااافه قال لي شنو ماقادرة تمشي؟ قلت ليو بقدر مسكت فيو زيادة ومشينا حسيت روحي مطمنة شديييد ل لحظة نسيت اي حاجه ونسيت زعلي تجاهو والوعد القطعتو وقلت تاني ما ح ارجع معاو عادي ركبنا العربية ورجع لي الكرسي ل ورا قال لي كدا ح تكوني مرتاحه اكتر مشينا مسافه شويه كدا وهو قضاها كلها تلفونات اعملو كدا وسوو كدا وجيبو كدا قلت ليو شغلتك بيي هسه الناس اكونو محتاجين ليك في البيت قال لي ما اهم من صحتك يا هبله طبعا انا قلبي عمل شششششح وتاني رجعت للافكار القديمه يعني احمد دا ااصلا كدا حنيين حتي مع الغربا كيف ما ح يتعامل معاي كدا يعني مفترض ابطل اوهام وما اتأمل علي الفاضي بعد شويه وقف العربيه قلت ليو شنو وصلنا بالسرعه دي رفعت راسي لقيتو واقف جمب مطعم قال لي يلا ننزل قلت ليو وين قال ناكل انزلي يلا نزلنا طلب الاكل وعصير اكلت شويه وماقدرت اكمل قال لي وين وين لو ماخلصتي مافي مشيه قلت ليو علي فكرة انا متغديه قبيل في المستشفي قال لي دا غداء ب نكهه ولون اكلني بالغصب وشربت العصير قال لي نشيل للعروس اكل مشش احسن قلت ليو والله تكون ميته بالجوع طلب الاكل كتيير قال لي دا ليكم الاتنين ل بعدين ح تجوعي وبعدين انتي فاقدة شدييد توعديني ح تاكلي ح اوديك ليها ما ح توعديني ما في مشيه قلت ليو بعد الاكل دا كلووو قال لي خطوتين كلو بروح المهم ماسااامع قلت ليو طيب ح اكل ووعد يلا خلينا نمش مشينا وصلنا ل باب الكوفير نزلت لم وصلت الباب اتلفت وراي لقيتو لسه واقف رفعت ليو يدي ودخلت لاقيت هاله كان خلاص عملو ليها التسريحه وح يبدو في المكياج جات جاريه سلمت علي قالت لي بقيتي كيف والله دايرة تموتيني من الخوف قلت ليها كويسة هسه يلا الاكل دا جابو ليك احمد اكلي قبل ما يبدو ليك مكياح ... ل المساء العروس بقت جاهزة وانا زاتي عملو لي مكياج خفيف بس طلع تحفة وكنت لابسة فستان بالاسود فيو لمعة وخاته طرحة خفيفة كدا في شعري بعد شويه محمد اتصل ل هاله اها جاهزة قالت ليو اايوا قال ليها خلاص انا ماشي عليكم وقال ليها كلام كتير شغاله تضحك بس قفلت منو رجعت ل احمد قالت ليو اها وين قال ليها قداام العريس قالت ليو طيب وصل احمد اول بالعربية انا نزلت سلمت عليو قال لي ما اتعرفنا طبعاا

قلت ليو شكلو الرقم غلط وعايزه ارجع قال لي اقيفي ياخ الزول ما يهظر معام وبعدين مالك طالعه حلوة كدا الليله الحالة دي عيانة كان ماعيانة تعملي شنو خجلني خجل بقيت اتبسم ساي بعدها وصلو عربية محمد سايقة ليو صاحبو وراو عربية مهند وكانت راكبه معاو مها اختو قلت ليو انا ماشه انزل العروس قال لي طيب ... مشيت ليها جينا سوا محمد من استلم عروسو بقى ماشغال بينا نهاي وركبو عربيتم بقينا واقفين مهند قال لي شكلك بقيتي عال قالت ليو زي ماشايف مها طوالي قالت احمد انا ح امش معاك طبعا عاين فيني طبعا زعلت زعل قال ليها طيب مهند قال لي معناها انتي ح تمشي معاي قلت ليو معناها كدا احمد عاين فيني ...