الجزء 14
قعدو كلهم في بينش واحد وحضروا المحاضره وبعد المحاضره قرروا كلهم افطروا سوا اتجهوا علي الكفتريا طلبوا طلباتهم محمد قعد جمب باسل في ناحيه وصدام ومحمود وهيثم في الجهه المقابله ليهم، ومن ما قعدوا باسل اشيل واعين لي بت مره ابتسم ومره اسرح معاها ومحمد متابع الفلم كلو، قام لكز باسل وهو وبضحك عليه 😂 وقال ليه شنو يا اخونا شويه كدا والبت دي ح تاكلها بي عيونك اكل ، باسل شال نفس طويل وبعديه زفير قوي وقال لي محمد عارف يا ابو حميد انا البت دي ولو بقت من نصيبي تاني ما داير حاجه من الدنيا دي والله بس هي تبقي من نصيبي
محمد : لي الدرجه يا بيبو 😳 ، اول مره اشوفك بي الحاله دي مهمتم بي حاجه قدر دا
باسل : والله يا ابو حميد البت دي من اول مره شفتها في الجامعه السنه الفاتت عيني وقعت عليها عجبتني شديد 😍 ياخي احترام وزوق وجمال الله اكبر عليها ماشاء الله كامله مكمله والكمال لله
محمد : باسل شكلك حبيتها 😳 و وقعت ومافي زول سمي عليك 😅
باسل : ياخي احلي وقعه 😍 وما داير زول اسمي علي ياخي انا افنان دي انا بحبها عديل
محمد : 😳
باسل : ما تنطط لي عيوناتك دي كدا 🙄
محمد : بييو بحب؟؟ والله صحي تعيش اكتر تشوف بيبو بحب وعاشق والهان كمان 😂😂
باسل : باسل مالو كمان ما احب ناقص يد ولا رجل ما شاء الله عليه كل المقومات الحلوه عشان اكون حبيب مثالي فيه 😌
محمد : يا زولي ربنا اتمم ليك علي خير وعلي حسب نيتك ربنا برزقك
هنا صدام قال باسل والله يا صحبي انا شكلي ح اغير من ابو حميد ياخي من جاء انت سافهنا وما شغال بينا الشغله
باسل : العفو يا خوه بس استفسارات البرالمه الما بتنتهي دي دايرين اعرفو اي شئ في يوم واحد 😅
محمود قاطعهم وقال ليهم شنو يا شباب مافيها حاجه كدا بعد الفطور الدسم دا 😉
باسل : انت تامر امر يا فرده ، واداهو حبه هو وصدام وداير ابلع الحبه محمد لكز باسل تاني وقال ليه شنو يا اخوي مش قلنا الحاجات دي قللناها وبقينا ناخدها بي حساب عشان نخليها
باسل : والله يا ابو حميد مع عدم الموضوع دا ربنا اعين بس
محمد : بس بيني وبينك وبي صراحه ست الحسن والجمال افنان 😍 دي كان بقت من نصيبك بتخي الحاجات دي 😏
باسل : والله اخليها واخلي ابوها زاتو بس هي تبقي لي 😫
وهنا خطرت لي محمد فكره هي شنو ح نعرفها،
المحاضره التانيه مواعيدها قربت والجامعه اتحركوا علي القاعه الا محمد اختفي منهم وصلوا القاعه ولسه محمد ما ظهر
بعد المحاضره بدت بي شويه جاء محمد استاءذن ودخل وقعد مع الشباب في نفس البينش
كان ظاهر علي محمد انو مبسوط وفي ابتسامه عريضه علي وشو 😊
باسل : ان شاء الله خير كنت وين يا افندم
صدام : وكمان جاءي مبسوط ، شكلو صحبك يا بيبو اصطاد ليه صيده 😅
محمد : ما كدا يا شباب 😅 بس عندي حنك كان ظبط بكون اسعد انسان 😊
باسل : يعني ما داير تورينا 😡
محمد : اي 😜
باسل : تمام يا اخوي بس المهم انك مبسوط
وانتهت المحاضره علي كدا اصحابنا اخدوا ليهم قعده كدا ظريفه جمب ستات الشاي الجمب الجامعه مع احلي ونسه 😍 وتعارف علي بعض لمن اذان المغرب اذن صلو في مسجد الجامعه و ودعوا بعض وكل واحد رجع علي بيتهم
و عدت الايام والحال زي ما هو في الجامعه ،وصاحبنا محمد ملاحظ لي باسل كل ما اشوف افنان وعيونو الفاضحه والحاله البتبقي عليه من سرحان فيها ، وباسل ما مقصر مع محمد كل يوم بحكي ليه عن مدي اعجابه فيها وحبو البزيد كل ثانيه ولحظه ليها ، بس الكان غريب في الايام العدت لسه محمد عندو فتره زمنيه بختفي فيها وباسل ما فاهم شئ كان خاتي في راسو انو محمد عند قصه حب جديده وما داير اكلموا بيها بس كان واثق انو ح اجي يوم واحكي ليه ، من الناحيه التانيه صدام بقي بالجد بغير من محمد وخاتي في بالو انو محمد شال منو صحبو باسل ( هنا كان في شلب حاصل(😂😂 باسل بقي اقعد مع محمد اكتر وتقريبا خلي قعده مع ناس صدام و الحبوب الكان ببلعها معاهم واي شئ تاني كان بعملها مع صدام وكان شايف دا كلو من نقه محمد الكتيره لي باسل ، صدام برضو كان ملاحظ لي اختفاءت محمد المتكرره ، يوم في الجامعه كانت الشله كلها قاعده مع بعضها فجاءه محمد اساءذن من الشله وقال ليهم عندي حاجه اسويها وارجع ليكم ، الشله كلها ردت عليه دا بقي العادي عندك ياخي ورينا وريحنا ، محمد قال ليهم ما كدا والله 😅 وما الفاكرنوا والخاتينو في راسكم بس كل شئ في وقتوا حلو ، ومشي منهم ، هنا صدام شالت تلفونو وعمل زي انو بتكلم مع ابوه وبقي ابعد من الشله شويه شويه لمن اختفي ، كان هدف صدام هنا اعرف محمد بمشي وين وبعمل شنو ، لقي محمد ماشي وتبعو من غير ما محمد انته عليه ، وفجاه لقاهو وقف واشر علي بت جاءتو وبقوا اتكلمو مع بعض، صدام كان متخبي وري شجره و شايف الحاصل كلو لمن حاول اركز في ملامح البت ما صدق الشافو وبقي منطط عيونو 😳
صدام شاف شنو ؟؟
والخلي اتنشن شنو؟؟ ح نعرفوا الحلقه الجايه
يتبع ....