الجزء 7
وبقي اسالهم في شنو؟؟؟ يا جماعه الحاصل شنو؟؟؟
هنا ( باسل ) قام علي حيلو وضرب التربيزه بيدو👊 بي كل قوتو 😳 حتي يدينو اتجرحت وبقت تنقط دم و ( محمد ) طوالي مسك ( باسل ) من يدو وقال ليه الموضوع دا خلاص انتهي اهدا اهدا
و ( صابر ) بقي مخلوع من الحاصل ومنطط عيونو 😳
في البينش التاني يادوب انتبهوا الشباب كلهم علي ( باسل )
صدام : اها دا داير ابدا لينا الدراما
قبل ما اتم كلامو ( باسل ) كان هجم عليه وناشو بنيه 😳👊
( صدام ) لمن وقع علي الارض ونخرتو كلها دم و طوالي داير اقوم اهجم علي ( باسل ) بس اصحابو ثبتو وبي هناك ( محمد و صابر ) ماسكين ( باسل ) وما قادرين عليه ولسه هو متحرك علي ( صدام ) هنا الشباب الفي الكفتريا كلهم ادخلوا ومسكوا ( باسل ) واصحاب ( صدام ) وطلعوا بره الكفتريا
هنا ( صابر ) بقي اعين لي باسل الكان برجف جسمو كلو من الغضب بس الحاجه اللاحظها ( صابر ) وش ( باسل ) كان مليان حزن 😔 واسى رغم الغضب العليه
محمد : باسل استهدي بالله والحصل حصل ودا قضاء وقدر انت يا زول ما مؤمن استرج يا زول
باسل : انا لله وان اليه راجعون ولا حول ولا قوه الا بالله
هنا ( باسل و محمد ) طلعوا من الكفتريا من غير اقولوا او اودعو ( صابر )
( صابر ) مافهم شئ قعد وراسو بقي اودي واجيب ( الحصل شنو السبب شنو وبتزكر كلام ( محمد ) استرجع يا باسل الحصل حصل دا قضاء وقدر ) خلاص راس صابر داير اطرشق من التفكير 😫 ولسه قاعد في مكانو اعتقد انو ( محمد وباسل ) ح ارجعو الكفتريا بس ما رجعو لمن زمن المحاضره التانيه جاءت قال امشي القاعة احتمال اكونو هناك وبي كدا اتوجه علي القاعه وبدت المحاضره بس ( محمد وباسل ) ما ليهم اثر هنا صاحبنا اتوتر شديد وما عارف اتواصل مع ( محمدوباسل ) كيف ( ماكان شال ارقام جوالاتهم واتحسر علي النقطه دي ) عشان اطمن علي ( باسل ) مش قلت ليكم الحاجه المهم في صاحبنا دا ( طيبه قلبو (❤ واثناء ما هو في عالم تاني وخوفو علي حاله ( باسل ) ما لاحظ انو صدام برضو معاهم في القاعه وفي البينش الوراهو حالته كانت بالبلاء وكان بتكلم مع اصاحبو الجمبو انا ( باسل ) دا ما بخلي والله يا انا ياهو في الجامعه دي ولا اقول ليك يا انا ياهو في الحياه دي 😱
( صابر ) بقي مخلوع ومتنشن تنشنه لمن عاديه والزاد الطين بله كلام ( صدام ) ( يا انا ياهو في الحياه دي ) والشباب المعاهو بقولوا ليه خلينا لينا حقق بنجيبوا ليك و ( صدام ) بقول ليهم انتوا ما دخلكم انا الح اعملو فيه قبل كدا ما اتعمل في زول 😱
صاحبنا دا بقي زي المجنون وما فاهم شئ وبتزكر كلام ( محمد ) و وش ( باسل ) والحاله الكان فيها وكلام صدام الكبير دا
صابر ما قدر استحمل و وقف علي حيلو واتلفت علي ناس ( صدام ) والشباب المعاهو
داير تعمل شنو ??? يا ( صابر ) 😱
يتبع ...