الجزء 10
صباح الله بي بركاتو 😃
صاحبنا صحي من النوم بعد ليله عصيبه عليه كلها تفكير وحسره 😫😩 ، قام من سريرو وقال ( الحمدلله الذي احيانا بعد اذ اماتنا واليه النشور ) بعد ما صلي وشرب الشاي مع ناس البيت جهز نفسو عشان يوم جديد من ايام # الجامعه وقصصها ،طلع علي المواصلات وركب الحافله وكالعاده مركب سماعاتو وعايش عالمو الخاص، بس لسه برامج امبارح شاغله بالو وفي راسو ميه سؤال 😣 داير ليهم اجابه ، وصل الجامعه وكان متشوق انو القي ( باسل ومحمد ) وبالتاكيد ما ناسي ناعسه الاجفان ( روان (😍 ، من ما وصل اتجه علي القاعه طوالي عشان زمن المحاضره جاء دخل القاعه وبقي افتش في بي عيونو 👀علي ( باسل ومحمد ) بس ما شافهم ، واثناء ما بعاين عينو وقعت علي ( روان ) وهي كمان كانت متابعه صاحبنا ، وهنا بدا الفلم الهندي 😂😂😂 ( الزمن اتوقف والناس اختفت وجاءت نسمه هواء 😅😅الله اعينك يا صابر ) وصابر لسه مندمج مع اللحظه دي واتمني انها ما تنتهي خالص، فجاءه جاء صوت من اخر القاعه ( يا صابر يا صابر )
كان دا ( صدام ) بنده عليه ، واللحظه الجميله انتهت علي كدا ( صابر ) مشي علي ( صدام ) سلم عليه هو و ( هيثم و محمود ) وقعد جمبهم
صابر : كيف بقيت يا خوه
صدام : بالف خير يا زولي
صابر : صحبك ما جاء الليله ( قاصد باسل )
صدام : بي خسه 😏 اخير ليه ما جاء ما عارف الراجيه
صابر : 😱 والراجيه شنو يا خوه
محمود : الراجيه كتير بعدين بتشوف
هيثم : والله انتوا الاتنين تقعدوا الشيطان في علبو وتدرسو
هنا صاحبنا اتوتر شديد وسرح بعيد وبقي داير اعرف الناس ديل ناوين علي شنو ؟؟
وهنا الدكتور دخل القاعه والمحاضره بدات و صاحبنا لسه سارح وبفكر يا ربي الناس دي ناويه علي شنو ، وقطع سرحانو صدام طلع من جيبو حبوب حمراء وادي محمود حبه ومدي لي صاحبنا حبه برضو وقال ليه الليله العزه علينا 😉بس ما تتعود صابر شال الحبه وقال ليه دي حبه شنو يا خوه
صدام : دي تيمو ( ترامدول (😱 معقوله ما بتعرفها
صابر : خرشه صاح
صدام : ههههه اي ياها زاتها بلبع يا صحبي وعيش البهجه
صابر : تمام يا اخوي ، وعمل نفسو بلعها وختها في جيبو براحه كدا
وناسنا دخلو في عالم تاني
كسره
( الترامدول دا اسمو العلمي ، الشباب بسمهوا تيمو او فراوله او ترما هي عباره عن حبه لةنها احمر هي عباره عن مسكنات قويه بترخي عضلات القلب وبتاثر في الاعصاب الاطباء بصفوها للمرضي في حاله الالم الشديد بعد العمليه او لمريض الصرع عند ظهور الحاله وهي خطيره شديد بالنسبه للانسان الطبيعي وعندها اثار جانبيه كتيره منها الفشل الكلوي والسكته القلبيه ومشاكل في المعده )
( صابر ) ما مصدق البعملو فيه الناس ديل وهنا اقتنع انو الناس ديل نيتهم ما سليمه اتجاه ( باسل ) وبقي تفكيرو كلو اعرف الناس دي ناويه علي شنو ، وانتهت المحاضره ( هيثم ) شاب اها الفطور شنو الليله ( محمود وصدام ) زي القايمين من النوم يادوب فطور شنو احنا ما مشين مكان خلينا هنا شويه ، هنا ( صابر ) استقل الوضع وقال ليهم شباب انا مواعد لي زول داير امشي عليه وبعدين بلقاكم ( داير اتهرب منهم )
هيثم : دا كلام شنو يا حبوب الليله اول يوم ليك معانا ما صاح كدا
صابر : والله يا خوه كان ما الموضوع ما مهم ما كان مشيت بس الجايات اكتر وهو دا تانيه يوم في الجامعه يادوب
هيثم : ما مشكله بس ما تكررها
صابر : ان شاء الله ،يلا يا شباب لي بعدين
ومشي منهم وبتكلم مع نفسو ( يا ربي انا في حلم ولا علم ) ديل شنو الناس ديل لا لا انا لازم ابعد منهم بس اتزكر كلامهم وعن الحاجه الدايرين اسوها لي ( باسل )
( ودا كان هدف صابر من الاول انو اعرف صدام ناوي اسوي شنو لي باسل )
صابر يا صابر
هنا صابر انتبه مع الصوت البنده عليه