الجزء 13
صدام : يا بيبو وين ليك شهر مختفي حتي التلفون قافلو
باسل : تقول شنو يا اخوي سافرتا السعوديه وكنت مشغول مع اجراءت الاقامه وجرجرتها 😩 ربنا اعينا بس
صدام : يا زول حمدلله علي السلامه ، اها والحاج وريتو بي الموضوع النقش ولا
باسل : قصدك موضوع ريبيت السنه الفاتت ، والله يا اخوي الفت ليه قصه طويله عريضه ، اول زعل وكان داير اعمل لي مشكله انو اجي الجامعه وكدا، بس في النهايه اقنعتو 😉
صدام : وريني كبيت الحنك كيف يا معلم 😅
باسل : هههههه قلت ليه في دكتور قصدني بي سبب اساءه فهم منو وشيلني الماده وفي الملحق ما نجحني ، وهنا كان داير اعمل لي مشكله قال لي انا ح انزل السودان وامشي الجامعه واعمل ليك اعاده تصحيح ولازم نشتكيه وان شاء الله الشكوي دي تصل حتي وزاره التعليم وتصل لي الوزير زاتو ما اهمني ، الناس دي ما بتخاف الله ولا قايلننا احنا القروش البندفعها دي بنلقها واقعه في الواطه 😡😡
هنا قلت ليه يا ابوي المشكله ما هنا، انا كنت داير اعمل كلامك دا بس الدكتور جاءهو عقد وسافر تصدق يا ابوي شال الورق معاه عشان انا لو فكرت اعمل اعاده تصحيح ما اقدر والجامعه بقت ما بتقدر تغير او تعمل شئ وقالت هي عندها شرف البورت ( شرفت البورت : معناه
النتيجه الاتعلقت في البورت تاني ما بتتغير ودا شرف البورت )
كسره
كتير من الطلبه في الجامعات وبالذات لمن في الجامعات الخاصه الواحد بقول نفس كلام باسل انو في دكتور قاصده عشان كدا شيلو الماده عشان ابرر تقصيره وتسيبو في الدراسه 😔 لي ناس البيت ، وفي الجهه التانيه في بعض الدكاتره بعملوا كدا بس بكون الطالب عمل شئ لا يغتفر ليه )
هنا ابوي قال لي خلاص وقت مافي طريقه معناها ما تقعد في الجامعه دي وشوف ليك جامعه تانيه
قلت ليه لا يا ابوي 😟 الهندسه دي غير جامعتنا تاني مافي في السودان علي حد علمي وانا الهندسه دي رغبتي ومادام الدكتور سافر خلاص تاني مافي عوجه والسنه دي احتسبها عند الله وكلو لي خير يا ابوي مش بقولوا ( امر المؤمن كله خير ) وهنا ابوي اقتنع 😉
صدام : ياخي انت معلم ومنك نتعلم ياخي انت ابليس تقعدو في علبو وتدرسو درس درس 😅
باسل : شفت كيف 😉
صدام : اصلي كيف
باسل : وانت عملت شنو؟؟؟
صدام : والله اكلتها لبادي وعملت رايح وما كلمت زول من البيت، وهو كان اتعصرت لقيت قصه جاهزه 😉
وهنا تلفون باسل دقا
باسل : الو وينك انت يا برلوم اوعي تقول لي ضعتا 😅
الجهه التانيه .............:
باسل : خلاص انا جمب البوابه اول ما تجي خاشي حتلقي ممر علي يدك اليمين انا منتظرك هناك يلا تعال سريع ، وانتهت المكالمه علي كدا
باسل : صدام تصدق انك بايخ وما عندك زوق
صدام : كيف يا بيبو 😟
باسل : انا واقف معاك ساعه وما عرفتني علي حبايبنا ديل
صدام : والله يا بيبو اندمجت معاك في قصه الحاج والحجاب الحجبتو بيه ونسيت اعرفك ، دا محمود ود حلتي يعني زولي وسيد رصتي 😎✌ ودا هيثم صاحب محمود كان دفعته في الثانوي ، والا اتنين كرت كرتونه ( برالمه (😂😂
باسل : وانت بتفرق منهم بي شنو 😏 كلنا بقينا في الهواء سوا يا اصلي،و اتشرفتا بيكم 😊 ، انا باسل
صدام : والله علي قولك كلنا في الهواء سوي 😅
محمود وهيثم : اتشرفنا يا باسل 😊
باسل : انا زاتي عندي فردتي جاي هسي ، اها جيبنا سيره القط جانا انط 😂😂 ، اعرفكم بي محمد برضو ساكن جمب الداخليه وزولي شديد والله ما مقصر معاي كلو كلو 😍 ، محمد دا ود دفعتي القديمه صدام وديل محمود وهيثم وكلنا كدا بقينا دفعه واحده 😅
محمد : اتشرفتا يا شباب بي معرفتكم 😊
كل الشباب : واتشرفنا بيك يا محمد
باسل : يا صدام زولك جاء لي البلد دي امبارح وزهجان وقرفان 😉
يعني ما عندو اي مفرفشات فيعني شنو يا صحبي الليله العزه والبرنامج عليك 😅
صدام : بس كدا يا زولي ، ياخي انت تامر امر يا حوته عزنا من المجموعه الجديده 😉
هنا محمود طلع من جيبو شريط بتاع حبوب 😱 وادهو لي صدام وصدام اداهو لي باسل وقال ليه ودي اعتبرها حق الترحيب 😉 وشرفت البلد يا غالي
باسل : ههههههه ياخي انت الزيت بس دا ما حقي براي يلا خش ادي صدام حبه ومحمود شال حبه ، وهيثم ومحمد بقو بعاينو ليهم ومنططين عيونهم 😳😳
باسل : محمود يا زول انت معانا في المود دا 😳
صدام : ما قلت ليك زولي وسيد رصتي 😉
محمود : ما تخاف يا خوه زولك قديم وكدا 😎
باسل : يا زول الدنيا دي دايره كدا تديها طناش عشان تعيش انتعاش 😉
محمود : ودا قانونا يا فرده
وكلهم اتحركوا علي جهه القاعه ، محمد قال لي باسل انت يا زول ما بطلت الحاجات دي يعني بتكذب علي يا بيبو كان ( بتكلم معاه بي صوت واطي عشان الباقين ما اسمعو ) باسل قال ليه والله يا ابو حميد ما بي يدي والله حاولت بس ما قدرتا وثم تاني حاجه انا بقيت ما ببلع كتير وماشي بالتدريج شويه شويه عشان اقدر اخليها
محمد : والله ياريت يا بيبو اكون كلامك صاح وما بتكذب علي ، والله انا خايف عليك منها يا اخوي
باسل : ما تخاف يا اخوي وانا ما بكذب عليك والايام ح توريك ان شاء الله
محمد : ان شاء الله يا بيبو
هنا صدام انتبه عليهم ، شنو يا جماعه براكم كدا ونسونا معاكم ولا يا بيبو القي احبابو نسي اصحابو 😅
باسل : افو يا اخوي كلكم احبابي والله بس زولي زي ما عارف جديد عندو كم استفسار كدا افتيت ليه فيهم بالواضح كدا بسال عن الجكس يا مان 😂😂😂
صدام : هههههه يا ابو حميد ابرد شويه بي شويش بي شويش بس اسمع نصيحتي دي وخليك تقيل اوعي تبقي خفيف قدام الجكس دي اهم قاعده يا صحبي 😉
محمد : هههههه حاضر يا قديم ح امشي بي نصيحتك 😅
هنا وصلو القاعه ودخلوها والمحاضره بدت