الجزء 9
ولسه هو بقرب
لمن وصل ليها ،بس صاحبنا التقول صبت فيه مطره 😅😅 اتجمد مكانو وما قدر اتحرك ولا اتكلم ، بس غمض عينو وبقول لي نفسو ( يا ود ارجل 😟واتكلم قول اي شئ (😅 صاحبنا بس بقي شغال كدا مع نفسو ، وصاحبتنا ما شغاله بيه الشغله ولا شايفهو مركبه سمعاتها ومركزه مع المواصلات الجايه والماشه ( عليك الله يا روان بس اتلفتي يمينك وشوفي الحاله الجبتيها لي الولد (😫😩 ، وبي هناك صاحبنا الفيه كمل ( حتي بقي جسمو كلو عرق 😱 يا ولد اوعي تقع لينا )
خلاص صاحبنا اتوكل وقال البحصل احصل وداير اتكلم معاها غمض عيونو تاني وقرب منها شديد وداير ابدا الكلام ، في اللحظه دي جاءت الحافله والناس كلها جرت عليها وصاحبتنا ولا قصرت اول واحده ركبت 😅😅 صاحبنا فتح عيونو لقي قدامو الكمساري بقول ليه يا حبيبنا الحافله اتملت 😂😂😂😂😂
( بس وروني احساس صاحبنا في اللحظه دي كان شنو؟؟ )
ياخي صابر دا قرب اقع علي حيلو ( بعد ما اتجراء وخلاص اتوكل كانت لخظه بالنسبه ليه زي الحياه والموت (😔 المهم صاحبنا وعي لي نفسو وخنقتو العبره لا يعلم بها الا الله 😔 وشال نفسو بي الجلاله وركب حافله تانيه وهو راجع علي البيت بفكر في جبنو وخوفو الخلو ما قدر اعمل حاجه وتاني اتزكر ( باسل ) ومالكدا
تهديدات ( صدام ) وخلاص التفكير والحسره العليه تنشنو بيه شديد لمن راسو بقي اوجعو 😫 صاحبنا وصل البيت بي حاله لا يرسي عليها ، دخل البيت بي هدوء ودخل علي غرفتو وداير اغير ملابسو جاءت عليه امه خاله ( سعاد ) تتطمن عليه وتسالو من اول يوم ليه في الجامعه ، بس لمن دخلت عليه وشافت الحاله العليه 😱 ختت يدينها علي راسها وبقت تكورك يا ولدي انت كويس حاسي بي شنو الملاريا جاءتك تاني وجرت ختت يدها علي راسو تشوف حرارتو ( حنان الام 😍 ربنا احفظ جميع امهاتنا واديهم طول العمر ويرحم وغفر لمن فارقونا تحت الثري ) هنا ( صابر ) وعي علي حالتو شويه وحس بي قلق وتوتر امو ، وعشان ما اقلقها عليه طوالي غير ملاحو و ادها ابتسامه كبيره وقال ليها يا امي ملاريا شنو دا بس شويه تعب بس ارتاح شويه وبتلقيني جمبك زي الحصان
الخاله سعاد : دا ما حاله زول تعبان دي حاله زول عيان
صابر : يا امي عياء شنو ولا انتي دايره تعيني بالغسب دا شويه تعب عشان انا لسه ما اتعودت علي مشوار الجامعه دا بس دا كل الموضوع
الخاله سعاد : عليك الله ما تكذب علي وقول لي فيك شنو
صابر : حب الطف الجو شويه وبدا اغني ليه ( اقول ليك ولا اخلي صمت الشوق ازيد البي علي البيك )
الخاله سعاد : كدا يا ( صابر ) تمام شديد مدام انت ما داير تقول اخليك ترتاح
هنا جاءت ( ورد و رغد ) مع صوت امهم الكان عالي
الخاله سعاد : يا ورد سوي لي اخوك الغداء خلي اتغداء مع ابوهو هسي بجي وانتي يا شقاي قاصده ( رغد ) 😂😂 انجري قدامي 😡 علي القرايه السنه دي انت ممتحنه الشهاده يعني مافي لعب تاني
صابر : تسلمي يا امي 😍 بس انا اكلت قبل ما اجي
ورد : تسلمي يا امي 😓 وانا الكتت ح اسوي الغداء
صابر : اي تسلم لي ست الكل 😍 وربنا احفظها لي انت مالك 😛
ورد : كويس يا معفن 😡 نشوف تاني البخدمك منو ( دائما حق الاخوات مهضوم مع انو ما مقصرين معانا ربنا احفظهم لينا (😍
صابر : بتخدمني امي 😍 مش كدا يا ست الكل
الخاله سعاد : انتوا كبرتو بعد دا اي زول بعد دا اخدم نفسو براهو انا خلوني اخدم راجلي واخر عنقودي الفصعونه دي 😍
صابر : ليه يا ست الكل كدا 😔
ورد : 😂😂😂😂 وبقت تغني ( ونزلت مني دمعه والامه مجتمعه واليوم بس ما كان جمعه (😜
صابر : كدا يا يا حلوين هوونا عشان نرتاح ومشكورين علي الترحيب الحار دا
ورد : يعني بتطردنا 😨
صابر : ياخي انتي بتجيبي الذكاء دا من وين 😂😂
ورد : شفت ولدك البتقولي عليه احسن زول اهو بطرد فيك
الخاله سعاد : اي بعد دا اطلعوا خلوه ارتحاح
ورد : كدا يا ست الكل والله التقول انا ما بتكم وجايبني من الميتم
صابر : شفت انا بقول عليك ذكيه ليه 😂😂😂
مش عارفه قصتك لمن ابوي لقاك جمب الجامع وامي عطفت عليك وقالت تربيك معانا 😂😂😂 ولا اعيدها ليك
رغد : يعني يا ماما ( ورد ) ما اختنا 😳
صابر : اي يا رغود
ورد : اي في عينك 😡 وانتي انقلعي علي قرايتك ويا ماما ارح قبل ما ارتكب في ولدك جريمه
وكلهم طلعوا ، هنا صاحبنا دخل ادها دش وغير ملابسو وحاج ( عبدالله ) كان وصل البيت ، ( صابر ) سلم علي ابوه وقعد معاهو شويه ، ومشي علي غرفتو ورقد علي سريرو وبقي استرجع كل الحصل معاهو وتقلب من جهه الي جهه وما قادر انوم ( باسل ) ( صدام ) وتجي فجاءه ( روان (😍 في بالو واتحسر مره تانيه لقايت ما نام ( ربنا اعينك يا اخوي صابر )
نشوف في الحلقات الجايه الح احصل شنو؟؟
قصه باسل وصدام
اعجاب صابر الشديد بي روان
واحداث كتيره وتطورات اكبر