الجزء 1
كلنا بنعرف انو الجامعه بتمثل منحي كبير من حياتنا ، وتطور في المعامله والبيئه والمجتمع
وفيها بنكون صداقات جديده ممكن تمتد لي اخر العمر
وبنلقي فيها اشكال وقصص منها السمح والزين والكعب والشين
روايتنا الجديده ح تكون كلها في المجتمع الجامعي
بطل قصتنا شاب اسمو ( صابر ) ح نتعرف علي الاحداث الح تحصل معه ونشوف الايام مخبيه ليهو شنو
♡ ان شاء ال روايه تنال اعجابكم ♡
مع تحياتي
Sohib S-keb
***************************
صباح الله بي بركاتو
يا سلام كدا الواحد يادوب احس انو كبر
ههههههههه
اول يوم في الجامعه لازم الواحد اتشيك تمام 😎 عشان المزز 😍 ومن البدايه ادي انطباع مشرف 😎✌
نتعرف علي بطل قصتنا ( صابر ) 17 سنه قصير ومتوسط الوسامه بس اهم شئ عندو طيبه قلبو ❤ هو شاب من بين 3 بنات هو التاني في البيت اكبر منو بت اسمها ( ورد ) 21 سنه بتقرا هندسه في اخر سنه ليها في الجامعه واصغر منو بت اسمها ( رغد ) 13 ممتحنه الاساس
ابوه حاج عبدالله وامه الخاله سعاد
بعد ما صلي وجهز اللبسه الهي اصلا جاهزه من امبارح ( برلوم كرت كرتونه (😂😂 لبس الجزمه ( كونفيرس (😍 اتريح والريح من بعد شارعين تشمها 😂😂😂 ( قلنا ليكم برلوم جديد (😂😂
وطلع علي المواصلات عشان امشي علي الجامعه
علي حياه جديده
علي مجتمع جديد
يا رب ح اكون فاتحه خير عليه
ولا ما خفيا كان اعظم
دا الح نشوفوا مع الايام