الفصل السابع عشر

بدت الرسايل تتوافد .. ورا بعض. الرسالة الاولى.

من ياسمين: هاشم حرام عليك .. كدا ماصح منك .. انا مابقدر على الانقطاع ده .. على الاقل قول

لي كلمة واحدة بس ..

انا بحبك .. بمووووووت فيك ..

الرد من هاشم: ياسمين الله يخيلك ابعدي مني .. انا صح كنت باني عليك امال .. بس بمجرد مافكر

اخوي انك تكوني حلالو .. مستحيل تاني افكر فيك ..

من ياسمين: انا مابحبو يامخلوق .. انا حتى لو نفذت كلام امي .. انا بعيش معاهو .. جسد من غير

روح .. روحي معاك ياحبيبي ..

من هاشم:

انتي مابتفهمي الكلام .. انتي مابتفهمي يعني شنو مراة اخوي ؟؟

لو كنت مفتكرة اني ممكن اضعف في يوم من الايام .. وانجر معاك تكوني غلطانة ..

من ياسمين: بس انت احلف لي .. انك مابتحبني .. وتاني ببعد منك ..

من هاشم:

مابحبك .. مابحبك .. اها كدا ارتحتي؟؟. بس حلي عني.

واتعاملي معاي معاملة اخوك وبس ..

من ياسمين: انا قلت ليك احلف لي .. انك مابتحبني .. انا ما مصدقة ..

من هاشم: ابيت مابحلف .. احلف ليك ليه؟ انتي منو؟

وعشان اريحك ... انا ح اجدع الشريحة دي .. وتاني النشوفك بتعملي شنو..

وفعلا ياجماعة ده الوقت الغير فيهو الشريحة .. وفيمايلي

الرسايل غير المقروءة ..

من ياسمين

1 هاشم الله يخليك ماتعمل فيني كده ..

2 هاشم الو عليك الله ترد علي. هاشم انا روحي فيك .. هاشم والله انت لو بتعمل كدا انا بنتحر ..

3 هاشم انت لو مصر تعمل كدا. انا برفض سعد. وانت تستحمل مسؤولية انتحار امي ..

4 انا والله لو ما امي مهدداني بالانتحار .. مابظلم سعد معاي ..

خلاص تعال انت اقنع امي. وانا براي بقول لي سعد ماعايزاك ..

هاشم ؟؟ .. ياهااااااشم. ؟؟

الوووو

ورسايل كتيرة في نفس الموضوع ..

باختصار.. اتضحت لي سعد كل الرؤية .. وعرف انو ياسمين بتحب هاشم .. وهاشم بحبها .. وهاشم

رافضها فقط لانها حتكون زوجة اخوه.

وامها ضاغطاها ومهدداها باالانتحار .. وامها ماعايزة هاشم لانو مفلس.

المهم استوعب القصة ..

وبراحة طلع الشريحة وختاها في مكانها .. ومشى .. طلع يتبسم .. ومبسوط بسط غريب .. سبحان

الله ..

لاقته امو طالعة من المطبخ .. قالت ليهو مالك بتتبسم براك؟ .. قال ليها مبسوط بوجودك يا امي ..

قالت ليهو ربنا يديم عليك الفرحة يا جناي .. وينو اخوك المطرطش ده؟

قال ليها منو؟ هاشم؟ قالت ليهو ايوة ياهو .. منو غيرو؟ ..

قال ليها والله اخوي ده .. ارجل راجل في الدنيا .. والله ده يوزن بلد ..

انا احمد الله العندي اخو زي هاشم ..

قالت ليهو ان شاء الله ياولدي .. انت اصلك مابتشوف الشين .. وقلبك ابيض متل اللبن ..

اها يازول سعد انتظر هاشم لامن جا من الورشة .. زي الساعة تلاتة

واتغدو كلهم التلاتة .. وبتونسو مع بعض في اجمل لمة ..

وكباشي لامن عيونو محمرات من المذاكرة .. وامتحاناتو بعد اسبوع بس ..

اول ما انتهو من الغداء كباشي شال الصينية .. وقال لهاشم تعال شيل الشاي انا تاني ماجاي ماشي

اقرا ..

هاشم جاب الشاي .. وسعد لقى فيهو الفرصة ..

قال ليهو يا هاشم ياخي انا عايزك في خدمة .. هاشم قاليهو جدا انا مستعد .. قال ليهو .. عايزك

تمشي تكلم عمتي تقول ليها .. سعد قال انا مابقدر اتزوج ياسمين ..

هاشم اتخلع .. قال ليهو .. معقوول ؟؟؟ .. ليه بس ..؟

قال ليهو والله قدر ما حاولت اهضمها. واحبها كزوجة .. ماقادر استوعب غير انها بت عمتي .. تصدق

حاسي بيها اختي احتي كدا

مابقدر والله .. الحكاية دي فوق طاقتي ..

قال ليهو بس عمتي بانية أمالها كلها عليك .. ودي الوصية بتاعة الوالد .. قال ليهو خلي وصية

الوالد .. وصية ربنا الخالق ذاتو بالاستطاعة صح؟.. انا مابستطيع. ولا يكلف الله نفسا" الا وسعها ..

هاشم قال ليهو جدا ببلغها .. بعدين المسا بضرب ليهم ..

لكن انا بقترح ليك تمشي ليهم انت بي نفسك .. وتقول ليهم الكلام ده. بتكون حاجة فيها تقدير يعني ..

وتوضح ليهم اعذارك في الموضوع ..

سعد سكت مسافة .. وقال ليهو خير ياهاشم .. والله ياخي كلامك منطقي ..

بس انت بكرة خلي بالك من الشغل .. والابواب بتاعة عمك السيد لازم تخلصهن ليهو قبل الضهر ..

قال ليهو ماتشيل هم انا بقوم بدري .. لي حدي الساعة عشرة بكون خلصت ان شاء الله ..

والله هاشم ده فرح فرحة بي قرار سعد .. قرب يقوم يسلم ليهو فوق راسو .. لانو هو صراحة

مجنون عديل بي ياسمين ..

لكن كان مقطع الموضوع في مصارينو ..

حتي سعد حس بي فرحة هاشم .. وكان مبسوط جدا انو عايز يدخل الفرحة في نفس اخوهو ..

باكر طوالي ركب ومشى الجرافة .. وفي الطريق اتصل على عمتو ردت عليهو ياسمين .. قالت ليهو

نحن في مستشفى النيل الازرق الفي شارع الشهداء .. تعال لينا هناك ..

قال ليها في شنو يا ياسمين؟ قالت ليهو امي دي عيانة .. وبنعمل ليها في فحوصات ..

قال ليها المعاك منو؟

قالت ليهو بس انا ومظفر وامي .. قال ليها خلاص انا قريب منكم ..

وفعلا جاء لقى عمتو كويسة ماعندها عوجة .. تتفاصح وتناجض زي الماعندها شي ..

قال ليها مالك في شنو ياعمتي؟ قالت ليهو والله ياولدي .. من فتره كل يوم بقوم استفرغ من

الصباح ..

وهسي من اسبوع الاستفراغ كتر بالنهار وبالليل .. وبحس في حاجة واقفة لي في فم المعدة. ونحن

اهسي منتظرين نتيجة الفحوصات. المهم سعد طبعا زول هميم شديد .. استلم القضية وبقى جاري

من هنا لي هنا .. وتابع الفحوصات ..

وكل مرة بعاين لي ياسمين بي طرف عينو .. وهي بس في سؤال فوق خشمها .. ومي قادرة تقولو

قدام امها .. وسعد حاسي بيها دايرة تسألو من هاشم ..

قام قال ليها قومي يا ياسمين ارح معاي الصيدلية ..

قامت معاهو بسرعة لدرجة لبست نعلاتها بالقلبه .. قاليها صلحي شبشبك .. وبراحة مافي حاجة

ساكاك ..

امها قعدت تضحك .. وقالت ليها تراهو السم القدر غداك. يا مفترية ..

البت دي لازم تضفرها ياسعد .. سعد ابتسم كدا وطلع مع ياسمين ..

اها لمن سعد طلع معاها .. قالت ليهو كيف ناس البيت ..؟

قال ليها تمام الحمد لله ..

قالت ليهو الوالدة كيف ان شاء الله بخير؟ قال ليها مية المية ..

قالت ليهو. نهى مالا ماقاعدة تتصل علي؟

وكباشي كيف مع الدراسة. قال ليها كلهم تمام ..

وهاشم بسلم عليك سلام خاص .. نططت عيونا وقالت ليهو صحي؟

.ا .أ .أ الله يسلمو كيف هو كويس؟

سعد من جواهو قرب يفقعها ضحكة ..

قال ليها ياسمين .. انا عايز اقول ليك كلام .. وياريت تفهميني كويس ..

انا والله بحس بيك زي اختي .. وماقدرت اتعامل مع فكرة انك تكوني زوجتي دي نهائي .. وطبعا انتي

عارفة انو وصية ابوي انو بت عمتي تكون معانا ..

انا عايزك تساعديني اني اقنع عمتي بي حاجة ..

قالت ليهو اللهي شنو؟ .. وانت ليه ماقلت الكلام ده من زمان؟؟ ..

قال ليها انا قايل نفسي بقدر اتعامل مع الموضوع .. لكن غلبني لقيت نفسي ماقدرت ..

قالت ليهو طيب اساعدك في شنو؟

قال ليها تساعديني بي حاجتين .. ولاني بثق فيك عايز الكلام يكون سري للغاية.

اول حاجة تقنعي معاي امك .. انا بقول ليها كلامي.. وانتي برضو قولي ليها كدا نفس كلامي ..

قالت ليهو اها الطلب التاني شنو؟

قال ليها لو قدر الله .. وربنا وفقني وعمتي اتفهمت .. عايزك ماتقبلي باي زول في الدنيا دي غير

هاشم اخوي ..

لاني بالجد انا عايزك تكوني معانا .. وان شاء الله هاشم يقتنع لي ..

قالت ليهو وليه مايقتنع؟ .. انا بقنعو .. لالا .. لالا .. دقيقة .. انا ما مووافقة .. انا .. أأ أأ وبقت

تقطع وتتمتم ..

لانها حست بانها قالت كلام من غير ارادة ..

سعد ماقدر يستحمل وفقعها ضحكة ..

قال ليها اسمعي يابت ما تتعاوري وتتهابلي .. نحن متفقين انو الكلام سر بينا .. ولازم تنفذي البقول

ليك عليهو بالحرف .. فاهمة ولالا؟

ياسمين حست انو سعد كشف القصة كلها .. وعرف كل شي ..

وعايز يلمها بي هاشم باي طريقة ..

قالت ليهو حاضر بس انت تأمر وانا بنفذ ..

قال ليها ايوااااا .. ده الكلام الجميل ..

المهم مشو يلقطو في التحاليل وبتكلمو كلام كتير .. بعد جاب الفحوصات والتحاليل وجا لي عمتو ..

قال ليها يلا ياعمتي .. في تحليل عينة بس مابطلع الليلة .. نقوم نمشي وانا بكرة بجي بي نفسي

اشيل النتيجة ..

بعد وصلو البيت قال لي ياسمين .. خليني مع عمتي براي ..