الجزء 10
قال ليها صح انك حبيبتي بس انا يدك م ح امسكها الا بعد تكوني لابسة الدبلة حقتي في يدك و اسي يلا على المحاضرة نور مشت وقلبها بضرب ولو حد سألها عادي ممكن تصرخ من الفرح و اول م وصلت رسل ليها بحبك دخلت المحاضره وهي لاول مرة م فاهمه حاجه كل تركيزها حسام و كل الحصل وكل مره تبتسم الدكتور شافها وقال ليها تمي تبسمك برة يلا اطلعي طلعت وقعدت في بنش بعيد عن الناس فضلت تعاين في صور حسام و مبسوطة شديد رسلت ليهو كنت خير صديق و ح تكون خير سند
حسام شاف الرسالة وابتسم مشى لي نور في الجامعه ( و طبعا م ننسى في عيون مراقباهم ) مشى ليها وقال ازيو حبيبي ليه قاعد براة قالت ليهو الدكتور طردني من المحاضره قال ليها امممممم طيب و اسي قالت ليهو واسي قال ليها دقيقه طلع تلفونو واتصل على عبد الرؤوف قال ليهو ازيو ي خال كيفك عبد الرؤوف قال ليهو تمام قال ليهو الحمد لله والله ي خال انا والله نور دي بحبها و م عاوز تعرف من شخص غيري اني قررت ارتبط بيها عبد الرؤوف قال ليها تعال لي في المطعم معاك نور انت قال ليهو ايوة قال ليهم تعالو لي قال ليهو حاضر ي خال ... عاين لي نور قال ليها يلا نمشي خالو عاوزنا نور اتوترت وهو ابتسم ابتسامه تطمنها ابتسمت ليهو و مشت معاهو
قعدو مع عبد الرؤوف في المطعم و حسام قال ليهو ي خال والله اني بحب نور و اكتشفت انه بحبها اكتر من روحي لمن سامي اتقدم ليها انا النار قامت فيني و قعدت ادعي انه م توافق و لقيت اني في كل صلاة موجود اسم نور
في كل دعوة هي الاساس بدعي انه هي م تكون لي غيري م حددت نوع التكوين بس التحديد شكله جاء على شكل حب
انا في نفسي م فاهم كيف بس والله بحبها، نور دمعتها نزلت حسام واصل م حبيت ارتبط او احب فيها من وراك ف قدامك انا بحبها و قررت ارتبط فيها عبد الرؤوف قال ليهو جدا ي ولدي ربي يسعدكم وانا معاكم في اي خطوة لمن هي تمشي بيتك و م ح اجبرك انت و وقتك قام خلاهم مع بعض و حسام عاين ليها قال ليها قوليها قالت ليهو شنو
قال ليها انتي عارفه قالت ليهو ابيت ضحك وقال ليها ح اخليك تقوليها قضو اليوم مع بعض و رجعو
نور بليل اثناء م بتتكلم مع حسام م انتبهت انه حبوبتها وراها بتسمع في كلامها و نور كان بتتكلم مع حسام قالت ليهو انا بحبك بحبك في اللحظه دي حبوبتها شالت التلفون منها و من دون م تفهم دقتها قالت ليها ي قليلة الادب فعلا و م مربية امك ماتت قتلتيها انتي و عاوزة تقلي ادبك بس انا هنا ي قليلة ادب و دقتها نور م اتحملت الكلام كانت بتبكي
بعد تعبت حبوبتها من دقها مشت منها اتصلت على حسام الكان مقلق لمن سمع بكاها م اتحمل جاها و طلعت ليهو من دون اي تفاهم حضنته🙊