الجزء 13

قالت ليهو ساعدني ح ننجز كبف نحنا شغلنا ي محمود قال ليها ولا يهمك انا عارف كيف و ح نفرق بينهم قالت ليهو بس انت ليه عاوزة تفرق بينهم قال ليها انا هو يتجرأ و يرفع يده علي و يدقني عشانها لكن باخد حقي شوفي خطتنا كالاتي .... حسام و نور طلعو مشو على مزرعه اجرها حسام عشانهم قعدو و كل واحد فيهم مبسوط انه مع شريكه حسام قال ليها نور تقبلي تتزوجيني قالت ليهو هههههههه لا انا عاقدين علي قال ليها غلطان انا البترومنس مع وحده جافة زيك قالت ليهو عليك الله خلاص ارويني عشان م ابقى جافه عاين ليها ولقى جنبو جك فيهو موية شالها و كباها فيها قال ليها كده ارتويتي ي ظريفه

قالت ليهو حسام ي عواليق و دقته و هو بقى يقرص فيها و مسك يدها قال ليها يلا جوة عشان م تمرضي جوة في ملابس خشي بدلي ملابسك و ادفي ي حب تمام

نور قالت ليهو طيب واثناء م هي ماشه لقت في جك تاني ابتسمت بي مكر عملت روحها انه كراعها اتلوت و حسام جاء جاري عليها وهو ملهوف بسألها مالك ي روحي اتلوت نور لقت الفرصة و شالت الجك كبته فيهو وقالت ليهو يلا ي قلب خش جوة عشان م تمرض و طلعت ليهو لسانها و ضحكت و جرت منه هو ابتسم و دخل كمان ،،، بعد م غيرت ملابسها حسام عاين ليها و ابتسم وخت يده على لحيته و قرب عليها قال ليها ليك يوم ي مرتي ليك يوم و غمز ليها ومشى ونور قلبها عاوز يقع

تبيان بعد عرفت انهم مع بعض اتصلت عليهو وقالت ليهو لازم تجي المكتب في زول عاوز يقابلك قال مهم قال ليها طيب اعتذر من نور و رجعها ومشى المكتب و سألها وينه قالت ليهو رفض يقعد ورجع وقال بجيك مرة تانيه قال ليها خير و دخل مكتبة وتبيان فرحت انه خربت عليهم بعد شوية بدت تنفز كلام محمود دخلت قال ليهو استاذ حسام انا خايفه على امي و م معي رصيد ممكن تخليني اتصل من تلفونك حسام عاين ليها شديد لمن هي خافت يكشفها قالت ليهو لو م عاوز تديني م مشكله بشوف غيرك قال ليها طيب م مشكله خديهو و شالت رقم نور و اتصلت عليها وفصلت و نور م اخدت شوية رجعت هي ابتسمت و ردت الو نور قالت حسام !! ؟ قالت ليها لا ي انسة نور انا تبيان اخدت تلفون حسام احكي مع اهلي تحبي اديك ليهو قالت ليها ياريت قال ليها ممكن ي استاذة نور تقابلني بعد ساعه يرضى عليك نور قالت ليها ليه قالت ليها بس ضروري قالت ليها طيب بكلم حسام قالت ليها استاذ حسام م لازم يعرف م اسي الله يخليك قالت ليها طيب وقفلت منها وهي بتبتسم

نور وصلت و قعدت مع تبيان و اتونسو قالت ليها انا اسفه للان ندمانه نور قالت ليها م مشكله قالت ليها انا في زول طالب يدي و عاوزه اخد رأيك نور قالت هو كيف قالت ليها هو جاي قابلي وشوفي نور ابتسمت ليها بعد شويه يسمعه صوت السلام عليكم