الجزء 16

بليل بعد البيت فضى وخلاص الناس مشت و حسام عاوز ينوم جاته رسائل من رقم غريب على الواتساب فتحها وانصدم لمن لقى انها صور لي نور و محمود ومحمود ماسك يدها في مطعم و دردشه بينهم هو م عرف يتصرف من الزعل قام وكان ناوي يمشي لي نور يشاكلها بس ي الله مسك روحه وهدء شويه وقعد يفكر يعمل شنو لاحظ للصور كان و لي مسكة محمود لي نور لاحظ كان في يد تانيه جنب محمود

فتح الدردشات الكانت عبارة عن دردشه بينهم وانه هم بحبو بعض ركز لقى الدردشه دي كلها في يوم واحد م رسائل حقت كم يوم ورى بعض اتصل على نور لحدي م ردت وصوتها ناعس قال ليها نور تعالي لي في غرفتي سريع قالت ليهو انا نعسانه قال ليها قومي نحنا في مشكله نور اتوترت وجات ليهو وراها كل شي ورواها الصور وكل شي ركزت في الصور و قالت ليهو ده لمن كنا في المطعم قال ليها مطعم فهميني حكت ليهو كل شي و بي يوم العقد كمان قال ليها فهمت عاوز يوقع بينا طيب شوفي ندي الفي مراده قالت ليهو كيف يعني قال ليها انه انا صدقت و اتشاكلنا نشوف ح يصل لي وين عاين ليها لقاها متوتره قال ليها م تخافي انا معاك يلا نامي

الصباح حسام مشى المكتب زهجان و اي زول يسأله يتزهج فيهو بعد شويه جات نور دخلت وتبيان متبعه بعد شويه يسمعه صوت حسام بقول ليها خاينه يلا اطلعي نور قالت ليهو حبيبي اسمعني قال ليها لا يلا بره وطلع جاريها وهي بتبكي وتقول ليهو انا م عملت كده اسمعني دفرها وقال ليها شوفي البيني وبينك انتهى فاهمه ولانك بت اهلي انا م ح اقول السبب و احسن انك م توريني وشك والا حسام ح يندمك فاهمه ودخل قفل الباب وراهو تبيان ابتسمت بي خبث مشت على نور رفعتها وقالت ليها خلي يهدء وتعالي نور رفعت راسها قالت ليها حسبي الله ونعم الوكيل في السبب حسبي الله ونعم الوكيل وجرت تبيان اتوترت لانه نور اتحسبنت بس هدت روحها ودخلت لي حسام قالت ليهو استاذ قال ليها اتفضلي بره طلعت ومشت قعدت اتصلت على محمود وطلبت انه يقابلها ..... مشت قابلت محمود و لقته قاعد حكت ليهو الحصل قال ليها كويس ده الانا دايره بعد ده انتي و قدرتك وانا ونور بنتفاهم قالت ليهو ح تعمل شنو قال ليها كله بي وقته حلو

بعد رجعت اتوترت انه ح يحصل شنو تاني لي نور وهو عاوز يصل لي شنو ،، نور اتصلت على محمود قالت ليهو لازم اقابلك اسي قال ليها طيب تعالي لي انا في المطعم محمود اتصل على تبيان وقال ليها شريكتي خطتي قربت تخلص قالت ليهو كيف قال ليها نور جايه قالت ليهو ح تعمل شنو قال ليها انا ح احرق قلبه ح ابيع نور و تمشي تشتغل قالت ليهو ك كيف قال ليها ايوه ح ابيعها معي رجال منتظرين اول م تجي ح نخطفها و ناخدها و نبيعها لي برة تاني في الاحلام م يلقاها قالت ليهو وين انتو قال ليها في المطعم حقي باي ي شريكتي ... تبيان اتوترت و خافت نور م بتستاهل كل ده وهي اتعرفت عليها ولقت نور طيبة شديد

من دون م تحس دخلت لي حسام جوه من دون اذن حسام قال ليها ده شنو قالت ليهو لو م لحقت نور ح تضيع ناوي يبيعها