الجزء 18

حضنت حسام وفضلت حضناه وهو حضنه عليهو قوي و كانت دموعه ماشه نور تبكبي قالت ليهو حسام انا كنت خايفه ك كنت براي الضلام انا بكره الضلام و مسكت فيهو اكتر قال ليها هشششش انا اسف اني خاطرت بيك حبيبي م كنت متخيل انه قالت ليهو حسام حسام الضلام افتح النور قال ليها يلا طالعين زاتو تعالي نور قامت معاه وهي ماسكه فيهو قال ليها نور حبيبي بس هي ماسكه فيهو شديد وكل مره تمسكه اقوى من خوفها لحدي م طلعو بره ركبو العربيه و اتحركو على البيت وصلو ولقت محمد اول واحد في وشها حضنه عليهو وقعد يبكي معاها و هي م صدقت تاني بكت خشت جوه برضو كل واحد يحضن فيها دخلت اخدت ليها دش وطلعت صلت ونامت

اما حسام ف مشى للقسم الكان فيهو تبيان و محمود وكانو بحققو معاهم سأل المحقق تبيان انه متين اول مره اتقابلو تبيان قالت ليهم كنت مراقبه نور محل م بتمشي ف يوم من الجامعه لقيتها طلعت مشيت بي وراها و قعدت مع ولدين من ضمنهم محمود ده و شفته نظراته و حسام الجاء ضربه وساق نور ف مشيت ليهو واتكلمت معاهو لقيتو هو كمان عاوز ينتقم منهم وانا كنت عاوزة اتزوج حسام ف كان لازم افرق بينهم و بدينا نخطط بس م كنت متخيلا انه هو ح يبيع نور

المحقق قال ليها وليه اتكلمتي م انتي اساسا عاوزه تفرقي بينهم قالت ليهو ايوة بس انا في الخطه انا اصاحبها و صادقتها فعلا هي انسانه ظريفه م بتستاهل انه يتم بيعها كده عشان كده م قدرت اتحمل و كلمت حسام و الباقي انت بتعرفه ،، محمود اساسا م فكر ينكر كل الدلائل ضده و اعتراف تبيان براهو كفاية ف تم حبس تبيان لمدة سنة لانها ساعدت في اختطاف نور ودفع غرامه اما محمود ف تم حبسه عشر سنوات لي محاولة خطف و بيع و دفع غرامه ماليه

نور كانت فتره خايفه بس حسام كان واقف معاها كان بطلعها و بفسحها كمان و برفه عنها عشان تنسى الحصل و في يوم وهم قاعدين على النيل و هي تحكي و تحكي قال ليها نور تقبلي نتم عرسنا