الجزء 9

قالت ليها نور انتي بتحبي نور قالت ليها لي اكتر من سنه معاهو قربنا نتم السنتين انا بثق فيهو بحكي ادق تفصيل لو ده اسمه حب ف ايوه انا بحبه انا لو خايفه بتصل عليهو لو ده اسمه حب ف انا بحبه ايوه بحبه

اما حسام ف كان مع سامي البقو اصحاب شديد و سامي سأله انت و نور كيف قال ليهو احلى م يكون سامي قال ليهو انت بتحبها حسام عاين ليهو و ابتسم نور هي الم اهتمت لي عصبيتي هي القدرت تخليني اتجاوز موقفي المن الاصحاب لازم اسمع صوتها ده شي اساسي سامي قال ليهو بتحبها انت م بتضحك الا لمن تكون معاها قال ليهو فعلا هي ضحكتي انا قلبي بكون مرتاح لمن اشوفها لمن تكون مضايقه زعلانه بحس بي ضيق بكون نفسي اخد منها كل الزعل ده لو هي مريضه بحس انه انا المريض م عارف ده شنو بس قلبي بكون مرتاح و متعذب معاها لو ده حب ف انا بحبها لو عذاب قلبي ده الحب ف ايوه انا بحبها انا لو جاتني فكرة انه بس زول ممكن يفكر انه يتزوجها بجن سامي قال ليهو طيب كلمها انك تحبها قال ليهو لا هي معتراني صديق م عاوز اخسرها قال ليهو لا كلمها و م ح تخسر اخير من العذاب ده قال ليهو خير ان شاء الله

حسام طلب من نور يتقابلو و قعدو مع بعض ولي اول مره يكونو متوترين وهم جنب بعض حسام قال ليها احم تشربي حاجه قالت ليو لا شكرا قال ليها نور قالت ليهو نعم

سكت م قدر يواصل بعدين تاني عاين ليها قال ليها نور البينا ده شنو !!! قالت ليهو صداقه قال ليها لا كانت صداقه نور بدت تفهم و سكتت قال ليها ليه انا بضايق لو حد فكر يتزوجك ي نور ليه انا م قادر اتقبل انه في يوم انتي ح تعرسي وريني نور قالت ليهو م عارفه قال ليها لا عارفة ي نور عارفه نور سكتت و هو قوة قلبه و اتشجع قال ليها نور انا بحبك هنا نور بس فضلت تعاين ليهو قال ليها ايوه بحبك انا من انور اخوي بغير عليك بحبك ي نور بحبك ي نوري نور نزلت راسها قالت ليهو لا اسكت قال ليها ليه بس ي نور ... نور قامت على حيلها قالت ليهو انا عاوزة امشي مسكها وقال ليها لا قرب عليها اكتر و هي اتوترت و نزل بي وشه عليها خصوصا انه قصيرة وهي اتوترت غمضت عيونها وهو قرب على اضانها قال ليها بحبك انا بحبك و م ح تكوني لي زول غيري فكاها ونور جرت من قدامه وهو فضل يعاين ليها وهو مبتسم .... نور رجعت لي ياسمين وهي بترجف و تبتسم قالت ليها بسم الله مالك قالت ليها بحبك قال بحبك ي ياسمين بحبني ياسمين قالت ليها كذابه قالت ليها والله قالت ليها طيب اها كيف و كيف قالت ليها م قدرت اقعد معاهو و جيت هنا طوالي قالت ليها هبله دي ياخ ارجعي ليهو قالت ليها لا لقت حسام مرسل ليها عادي انك تكوني مخلوعه و انا واثق انه انتي كمان بتبادلني نفس الاحساس عندك وقتك لي يوم بكرا تفكري و تقرري وانا معاك في اي قرار تختاري بكرا الصباح تعالي و قابلني في مكان اليوم منتظرك و بحبك

نور الليل كله م قادرة تنوم الصباح جهزت ومشت نفس المكان لقته قاعد ابتسم ليها و هي جات عليهو قعدت و طلب ليها موية عارفها لمن تتوتر م بتقدر تتكلم قال ليها اها قررتي شنو قالت ليهو خايفه من الحب دة قال ليها ليه بس قالت ليهو كل الاصحاب لمن يحبو بعض في الاخير بفترقو قال ليها اممممم ديل براهم و نحنا برانا قالت انا لمن كنت صحبي لو حسيت انك ح تخليني بجن كيف لو اسي حبيتك

قال ليها اصلا بتحبيني قالت ليهو امممممم قال ليها م تفكري و خوصي التجربة دي معي و انا عند حسن ظنك بي ي نور و مد يده هي غمضت عيونها مسافة و بعدين ختت يدها ابتسم و ضغط عليها 🀾􏔝 وقال ليها بحبك وفك يدها قال ليها صح انك حبيبتي بس انا يدك م ح امسكها الا بعد تكوني لابسه الدبلة حقتي 💍 في يدك و اسي يلا على المحاضره 💙