الجزء 19

حسام قال لي نور تقبلي نتم عرسنا قالت ليهو طيب الجامعه كيف قال ليها م ح امنعك بالعكس ح اقيف معاك لمن تكملي نور كانت عاوزة ترفض بس فكرت في كل مواقف حسام معاها في كل موقف بتلقاه اول واحد واقف معاها قالت ليهو طيب موافقه قال ليها بحبك ياخ ولحدي م تخلصي بنكون جهزنا للبيت كل يوم حسام بمشي عشان يكمل العفش حسام اشتري بيت جنب اهله و بدء ياخد العفش و الادوات الكهربائية و حاجات المطبخ جابو ليها عمتها و خالاتها وقالو كن دايره زياده تجي تاخد ده كله و نور م شافت حاجه

نور بعد خلصت اخر يوم امتحان جاء حسام ساقها قالت ليهو ماشين وين قال ليها ح تعرفي قالت ليهو ناوي تخطفني

قال ليها ايون قالت ليهو وووب ي ابوي الما شفت بتك عروس قال ليها هششششش م تعملي لي ازعاج

مشى بيها للسوق و وقفو قصاد الاثاث حسام قال ليها عاوزين نختار باقي العفش لي غرفة النوم وباقي الغرف حبيت تختاري ديل بي زوقك نور اختارت اثاث جميل و مشو على البيت لقت عماتها مشترين ليها طقمين كراسي و البيت جاهز و الكهرباء و الموية موصله و لقت المطبخ جايبين ليها كل حاجه و الكبابي عماتها جايبين ليها دستتين و الصحاني و الحلل بي طقومها و صواني و كبابي شاي و كل حاجه ممكن تفيدها جابوها ليها

نور بعد خلصت حسام جاب ليها الشيله كان من كل حاجه 12 ، 12 الكريمات 12 ، 12 التياب جايب ليها دسته بي طقومها من اساور و شباشب وملابس بيت كانت شيلة كل حد يحكي بيها و نور اتحبست عند عمتها مريم بعد قررت نور انها عاوزه تتحبس تلاته شهور وحسام قال ليها ياخ كتيرة قالت ليهو حسام تلاته يعني تلاته قال ليها نور شهر كفاية قالت ليهو لا قال ليها يعني تلاته شهور م اشوف وشك قالت ليهو م بعرف تلاته يعني تلاته ي حسام ياخ خليني قال ليها سمح ياخ غياظه دي ،، و بدء برنامج الحبسة اول يوم قعدو نور في الدخان كان حار

وقالت م عاوزه تكمل فيهو الا قعدوها بالغصب وهي زعلت اتصل عليها حسام قال ليها ي بيبي قالت ليهو لا بيبي لا حاجه حسام خليني ياخ وقفلت منه وهو ميت بالضحك فيها رجع ليها بليل قال ليها مالك قبيل 🙊قالت ليهو ياخ قعدوني في الدخان ده حار 😭 قال ليها قلتي لي دخان 😂 قالت ليهو م عاوزة انا 😭 قال ليها مش براك اخترتي تلاته شهور اتحملي 🀽􏦐🐸 قالت ليهو حقار 😭 ،، مضت شهرين وكان فاضل شهر على العرس و..