الجزء 4

حسام قال ليها كويس انك اتصلتي علي انا زاتي م نعسان يلا مشو و قعدو في الحديقة كان في زي جنينه كدة قعدو و كل واحد قاعد يعاين للنجوم قال ليها بتفتكري في يوم ح نقعد القعدة دي تاني ، قالت ليهو يمكن و يمكن لا م معروف قال ليها اممممممم اصلا هو انا متحمل وشك ده سنه كمان اللحظه دي دايره تقعدي فيها معي بموت قالت ليهو اصلا قعاد معاك تاني لااااا ح اقعد كده مع الشخص الح احبة وانت اوعك تجي تقعد ح تخرب علي لحظتي ضحك شديد بعدين قال ليها جديا كده انا مش لو ارتبطت لو بي عيالي هم في كفة وانتي في كفة ابتسمت و م ردت هو قام قرصها قالت ليهو حسام ي ثغيل انا بوريك بقت تدق فيهو وهو يقرص فيها و يضحكو سمعو صوت ضحك من وراهم لقوهم اسراء و ايثار ،ايثار قالت في زول عامل فيها عصبي و مكشر اتاري بعرف يضحك اسراء قالت ليها اممممم السر في الزول الهو معاهو حسام قال ليهم هووووووي مالكم اصلا الضحك غير مع نور م بجي ويلا خشو جوه ايثار قالت ليهو اي اي ي اخوي وزعنا بس عشان يفضى الجو و مشو هي و اسراء سريع قبل يسمعو رده و نور قالت ليهم يلا تصبح على خير وفاتت وهو فضل يعاين ليها مبتسم

الصباح اسراء و ايثار شغلوها لي نور لمن زعلت منهم و سكتت منهم و اتلمو الاسرة كامله و قعدو مع بعض شباب و كبار بتونسو و جاء الليل و مفروض كان يرجعو ف كل اسرة ركبت عربيتها و رجعت بعد يوم طويل و حلو و نور اول م وصلت رسلت لي حسام انها وصلت و يصبح على خير حسام كان سايق العربية سمع نغمة الرساله المميزة العاملها لي نور براها اتوقع انها ح تكون نامت وفعلا م خاب ظنه لقاها مرسلا ليهو تصبح على خير ابتسم و قال ليها سمح ي ديكي وانت من اهل الخير و رقد نام كمان هو ...

الصباح صحى بي صوت التلفون و اول م فتح نور قالت ليهو ديكك ي حيوان انت ياخ م تقول لي ديكي قال ليها اوووف ياخ اسي مصحياني عشان كده ي ديكي خلاص نعجتي كيف قالت ليهو م ح ارد عليك قوم صلي انا وراي جامعه قال ليها اممممم طيب يلا ... نور قامت و جهزت للجامعه لبست عباية مخنصره من فوق و من تحت فاره و عليها اشكال جميله كان اشتراها ليها حسام و عملت مكياج بسيط و رسلت لي حسام انها طالعه و طلعت اول م وصلت لقت حسام واقف منتظرا قال ليها صباح الخير ي شيخه ضحكت فيهو و قالت ليو صباح النور ي صايع يلا محاضرتي ح تبدء اشوفك بعدين قال ليها سمح انا منتظرك عندك كم محاضره قالت ليهو وحده و ياسمين م جاية الليله ‏( ياسمين صديقة نور ‏) قال ليها احسن يلا خشي لي محاضرتك دخلت نور كملت المحاضره ولمن طلعت ماشة البيت لقته فعلا واقف منتظرها قال ليها الليله ناوي اسوقك مكتبي ‏( حسام شغال مدير في شركة سيارات ‏) قالت ليهو اوكي يلا و كلمت ابوها وخصوصا بعد عرف بي انهم اصحاب قال ليها يلا امشي

اول م وصلو المكتب كل العيون عليهم و خصوصا على حسام اللي اول مره يدخل مكتبه و هو مبسوط و مبتسم و دخل مكتبه بدت التعليقات وحده تقول دي منو المعاهو و التانيه تقول دي شكلها حبيبته و ديك تقول بس حلوين مع بعض اول مره اشوف استاذ حسام مبتسم، جاهم صوت من وراهم دي وحده تافهه ساي