الجزء 8

قالت ليهم انتو على رأسي بس انا م عاوزو سامي كلهم اتخلعو من ردها وسامي ده لمن وقف على حيلة وهو منطط عيونه قالو ليها ليه بس قالت ليهم سامي اخوي وانا م شايفه غير كده و م بقدر اعيش مع زول انا بعتبره في مقام اخوي سامي قرب عليها و قال ليها ليه هو ليه قالت ليهو مين !! قال ليها حسام قالت ليهو انت جنيت انا وهو اصحاب و عن اذنك ي اخوي اماني قالت عبد الرؤوف ده شنو عبد الرؤوف قال ليها انا م بجبر بتي و دي حياتها و ليها حق الاختيار قالت ليهم انتو م احترمتونا و يلا ي سامي امشي قدامي هم الخسرانين و طلعو عبد الرؤوف قال لي نور ولا تزعلي خير م عملتي م تجي على نفسك خالتك بكرا ح ترضى دخلت جوه اتصل عليها سامي قال ليها ليه ترفضيني ترفضيني انا قالت ليهو اسمع ي سامي انا شايفك اخوي و خلاف عن كده طالما تفكيرك فينا انا و حسام كده انا حتى لو كنت ح اقبل ف اكيد م ح اقبل بي حد بفكر كده و شوف ي اخوي كان تجي تكلمني انا الاول لكن انك تجيب خالتي و تختني قدام الامر الواقع ده م بخليني اغير رأي لو من الاول جيت و اتكلمت معي كان وريتك و اسي ي اخوي الله يكتب ليك البت الح تسعدك عن اذنك قفلت منه و اتصل عليها حسام و من صوته هو مقلق و سألها الحصل قالت ليهو جو يخطبوني قال ليها اها و الحصل قالت ليهو ابوي وافق قال ليها طيب وانتي وافقتي قالت ليهو ابوي الاختار م بقدر ارفض طلبه قال ليها جدا و قفل الخط ضحكت واتصلت م برد رسلت ليهو استحاله اعمل شي م راضي بيهو انت و حتى انا م مستعده انه ادخل زول جديد كفاية انت عندي في نفس اللحظه اتصل عليا قال ليها غبية و كريهة في داعي تخوفني قالت ليهو حسام حتى لو م سامي اكيد ح يجي يوم و اتزوج انت بعدين قال ليها هششششش لا م تقولي كده و اسي يلا النوم الصباح رباح قالت ليهو طيب تصبح على خير قفل منها وقال يارب ليه اتخت في الاختبار الصعب ده

و ليه يحصل كده يارب لو حصل زي م هي بتقول انا ممكن اموت بي زعلي م تخليها تضيع مني هي المعنى الصحيح لي ابتسامتي

الصباح نور مشت الجامعه قابلت ياسمين حكت ليها و ختمت ليها م فاهمه ليه حسام اتصرف كده صوته كان فيهو ترجي اكتر من انه بس عاوز يكلمني و حتى الزعله و طريقة الكلام م عارفه ياخ قالت ليها يمكن بحبك قالت ليها لا م اظن جاها صوت سامي و ليه م تظني قالت ليهو سامي قال ليها ايون انا جيت اعتذر ليك ياخ انختيتي في موقف محرج بي سببي اعفي لي قالت ليو ولا يهمك قال ليها ممكن نطلع قالت ليهو امممم قال ليها من دون م ترفضي او تحرجيني قالت ليهو طيب يلا ي ياسمين مشو وجاء معاهم محمود و كان نظراته بتضايق نور خصوصا انه جرئ قعدو كلهم و محمود قال ليهو ي مان صاروخ بس سامي ضحك و قال ليهو قلت ليك عينة تحفه نور قالت ليهو ده شنو الصاروخ والعينه التحفة قال ليها ااااا لا لا حاجه بس وراني ليها قالت ليهو امممم في اللحظه ديك سامي ساق محمود قال ليهو ي مان م اسي تعلق قال ليهو ياخ لكن م قادر اسكت ياخ جاهم صوت قال ليهم اوكي انا بسكتك و جات بنيه في وش محمود افقدته التوازن كان ده حسام قال ليهو من المرة الفاتت وانت بي نظراتك دي لو علي اطلع عيونك وانت ي ود خالتها المحترم المفروض تحميها من عيون الناس مش تعلق زيادة معاهم جات نور قالت ليهو انا بفهم ي اخوي وفهمت كلامك كتر خيرك برضو وانت التاني واحد تافة خساره اتكلم معاك محمود قام على حيله قال لي حسام انت ي مان زاتك عينك عليها ولا ليه حايم معاها متبعها من مكان لي مكان طالما انك م راجلها فهي م حقتك انت بس فاهم حسام م قدر يمسك روحه و فضل يضرب فيهو

لمن نزف و سامي م قادر يدخل حسام فك محمود بعد م فقد الوعي من كترت الضرب وعاين لي سامي قال ليهو عامل نفسك خايف على نور مني لي درجه تكلم خالو عبد الرؤوف وانت م خايف عليها من اصحابك و بتعرضها ليهم اتقي الله ياخ خسارة انه انت تكون ود خالتها والله ي عيب عليك

و ساق نور و مشى خلا سامي بي وراه و هو كاره نفسه شديد

مرت الايام عليهم و كل يوم نور و حسام متعلقين بي بعض

وفي يوم نور و ياسمين قاعدين في الحديقه و بتونسو ياسمين قالت ليها نور انتي وحسام معقوله بس اصحاب قالت ليها ايون قالت ليها ماف شي بينكم زاد يعني نور ابتسمت وقالت ليها م عارفه العارفه انه هو جذء لا يتجذء من يومي 💙 لو م اتكلمت معاه بكون كئيبة بقى الاساس هو لي يومي م عارفه دي يسمى شنو بس انا لو فقدته بجن 💙 قالت ليها ولو جوك عرسان نور بدون م تتردد قالت ح ارفض قالت ليها ليه قالت لانه حسام م عاوزة بس قالت ليها نور انتي بتحبي