الجزء 6
حسام اخد نور للمكتب و طلب ليها موية تهدء وهي طلبت انها تمشي البيت بس هو رفض و قال ليها عايني انتي لو عايزه تمشي بي شكلك ده ح تخوفي الناس منك م ردت ليهو قال ليها و بعدين انتي اصلا شينه و بقيتي اشنه بعد بكيتي ف شنو احسن توقفي بكاء حمرت ليهو قال ليها طيب وقفي بكاء لانه لو دموعك دي م وقفت و ابتسامتك م رجعت الله وحده بطلع تبيان مني ابتسمت بين دموعها وقالت ليهو مجنون قال ليها اوكي يلا تاكلي و نطلع قالت ليهو سمح ....
في حتة تانية سامي قاعد مع شلته معروفه شله فاسده قال ليهم والله م شفته بت خالتي حاجة كده صاروخ قالو ليو م عندك صورة ليها قال ليهم هووووي دي بت خالتي و ح تكون مرتي شوفها في العرس و اسي يلا نطلع .... نور و حسام طلعو مشو للحديقة و قعدو يلعبو و اشترو ايسكريم و حلويات و اثناء م هم بلفو في الحديقه قابلو ناس سامي واحد منهم علق على نور و اول م سامي شافها مع حسام النار شبت فيهو و مشى عليهم وشلته بي وراهو قال ليهم نور حسام حسام قال ليهو اهلا نور قالت ليهو اهلين سامي قال ليهم بتعملو هنا شنو حسام قال ليهو بنلف نور زهجانه سامي قال ليهم اهااااا حسام انتبه لي واحد بعاين لي نور بنظره م حلوة حمر ليهو و كسر نظرته استأذن منهم و مشو و سامي عايز يموت من الغيظ الكان بعاين ليها اسمه محمود قال ليهو صااروخ مرتك بس ده شكله حبيبها حتى م خلاك تتكلم معاها سامي قال ليهو لا مجرد صديق قال ليهو ههه خليك تقول صديق صديق لمن م تلقى الصاروخ دي سامي سكت و هو مغيوظ
نور رجعت البيت بعد يوم طويل مع حسام و مبسوطه شديد لانه قدر يغير ليها مزاجها سلمت على ابوها و قعدت معاهم و اثناء الونسه فجأه تلفون عبد الرؤوف ابوها يتصل وكان ده سامي بعد السلام و كده قال ليهو والله ي خالي ياخ انا نور دي بالنسبه لي مهمه و م برضى فيها ف حبيت اوريك انها بتطلع مع سامي وكانو في الحديقة عبد الرؤوف قال ليهو اهااا قال ليهو وانا بحذرك من حسام ده شكلو ناوي لي شي كعب عبد الرؤوف قال ليهو لو كان قلت لي اي شخص غير حسام كان زعلت بس حسام ده ولدي
و انا اخاف على نور من اي شخص م اخاف عليها من حسام سامي اتغاظ وقال ليهو حتى مني انا قال ليهو ايوه حتى منك و انا اصلا عارف انه هم طلعو مع بعض كتر خيرك لي خوفك على بتي م قصرت وسلم على الاهل قفل منه و عاين لي نور قال ليها سامي قال كنتي مع حسام قالت ليهو انا وريتك ي ابوي و بس في المكتب حصل حاجه ضايقتني ف هو طلعني ولو م راضي ي ابوي تاني م بطلع معاه قال ليها لا ي بتي انا واثق منك ومنه نور دخلت جوه وهي متغاظه من سامي اتصلت عليهو وقبل م يقول اي شي قالت ليو كتر خيرك ي ود خالتي على كلامك لي ابوي و م قصرت انك توري ياخ قال ليها نور انا قالت ليهو لا انت لا حاجه ولو كان اتكلمت عني م مشكله لكن حسام م بقبل ليك تقول عنه حاجه عن اذنك قفلت و سامي اتغاظ مشى لي امه كلمها انه عاوز نور