الجزء 24

نووحه صلاح

كانو طالبين حلل من المخزن لمن نور مشت عشان تجيبها في يد جرتها وده كان حسام عاينت ليهو ضحك قالت ليهو انت اصلو م بتخلي عادتك دي قال ليها الخلا عادته قلت ساعدته وانتي زاتك م خليتي عاداتك دي قالت ليهو شنو قال ليها انا مش قلت ليك م ترهقي روحك دي تاني والا عارفة العقاب صح قالت ليهو امممم يعني ناوي تعاقبني صح قال ليها يب ولمن قرب يبوسها على خدها سمعه زول بناديه انخلعو وهي ضحكت و جرت تطلع بره هو ضحك فيها لقاها جات راجعه باسته على خده ومشت نور مع الكرامه قامت بي كل شي و وزعو الاكل و اثناء م هي لافه وقعت داخت الناس دي كلها جرت عليها وحسام رفعها جرى بيها للمستشفى الدكتور كشف عليها و جاء طالع قال لي حسام مبروك هي حامل حسام مشى لي نور قال ليها مش قلت ليك م تتعبي روحك قالت ليهو م اكلت من الصباح عشان كده قال ليها امممم تاني ماف شغل ليك قالت ليهو م بتعب روحي والله وباكل قال ليها لا انا م برضى انه شفق يحصل ليها مشكله قالت ليهو شفق قال ليها ايوه مبروك علينا انتي حامل نور دي دايره تنطط الا حسام مسكها .... رجعو البيت وحسام تعبان مع نور خصوصا وحمها كان كعب مره تبكي بدون سبب و تتوحم على حاجات م بتتلقي بالساهل ومرة بليل صحته قالت ليهو دايرة ايسكريم قال ليها نومي ياخ قالت ليهو دايره ايسكريم انا قال ليها سمح بعد جابو ليها قالت م عاوزة حسام ده قرب يدقها

وهي كملت نوم والصباح اكلته طبعا كان الحمل متعبها شديد و حتى الدكتور قال ليها انه لو اطرينا ح ننزل الجنين

لانه هي م كان بتحافظ و بتتعب روحها بس بعد قال ليها كده اهتمت بي روحها اكتر و كان بطنها بدت تكبر و تظهر وقفلت ال 8 شهور وداخله على التاسع و كان تمه سنه و جاء دور الرحله الاسرية السنوية طبعا الكل بادي يجهز نور منعوها تعمل اي شي قالو ترتاح ومشو واتلمو الاسره كامله و نفس البرنامج مشاوي و حلويات و قعده ظابطه بليل نور و حسام قعدو بره قال ليها تتذكري قلت ليك ح اقعد هنا مع البت البحبها قالت ليهو اي و وقتها قلت ليك انت م تكون مقابلني انا اقعد مع زولي براي وانت طلعت الزول حتى لمن كنت في الاحلام عايزه انسج انه انا مع شخص غيرك م كنت بقدر قال ليها واسي انا وانتي نفس القعده الفرق المره الفاتت كنا اصحاب واسي انتي مرتي و حلالي قالت ليهو وانت كمان نعمتي و بطني قال ليها بطنك قالت ليهو اااااااي بطني ي حسام قال ليها م تكون ولاده قالت ليهو حساام حسام ساقها و سريع سريع ركبها و ساق واتصل على الاهل كلمهم وجو وقالو ليها لسه بدري عليك نور دي تتوجع و حسام يشاكل فيهم انه يولدوها جات الممرضة كشفت عليها قالت ليها خلاص انتي جاهزه يلا ي مدام دخلوها وبعد نص ساعه جابت احلى بنوتة شفق

كل الناس كان بتبارك و جاء احمد صاحب حسام بارك ليهم و شاف اسراء و عجبته و جات ياسمين و محمد اصلا كان معجب فيها بعد نور طلعت محمد عرض على ياسمين انه يتزوجها و وافقت و احمد عرض على اسراء و وافقت ف كان في كذا عرس في الاسرة اسراء وايثار سوا بعد خمس شهور وبعدهم عرس محمد و ياسمين ... مرت الخمس شهور جاء العرس و طلعو حلوين العروستين و نور وحسام كانو حديث الكل بي الحب الكان ظاهر بينهم و بعدها تم عرس محمد و ياسمين

بعد سنه نور وحسام بلعبو مع شفق وهي قالت ليهم ب ب بابا

نور قالت لبها بعد تعبي ده كله تجي تقولي بابا ي ناكرة الجميل وشفق تضحك فيها حسام كمان ضحك قال ليها بس انا م بنكر الجميل 😉😉 ابتسمت و قالت ليهو بحبك ي احلى سوداني 😍😍😍

الحب في السودان كمان موجود بس انت اعرف اختار صح الغيره والحسد و الانتقام ابدا م بنفعه الشخص بضره فقط زي محمود الانتقام عمى بصيرته لمن قرب يبيع نور و تبيان وعت على اخر حاجه 💘 الراجل السوداني لمن يحب ماف زي حبه بس هو بحب بالجد لمن يلقى البت البتفهمه و البتحتويه والبتقدرو ... حواء السودانيه اختاري صح اختاري اليسندك واليرفعك مش اليقلل من قيمتك و يخليك تفقدي روحك اختاري البتحمل كل تصرفاتك ...💙 ادم السوداني لمن تلقى بت بتحبك ابقى ليها السند الاب الاخ و كل حاجه كن حياتها و شوف كيف هي ح تموت فيك 💙😍

ابقو عافيه 💘 💘 تمت 💘