الجزء 11
طلعت ليهو من دون اي تفاهم حضنته فضلت حاضنه وبتبكي
م زحت منه كأنها عاوزة بس تدخل جواه هو من الخلعه م قدر يتحرك بعد مسافه زحاها منه قال ليها انا م عارف حبوبة قالت ليك شنو او عملت شنو وصلك لي هنا
العارفه انه انا م عاوز مرة تانية تصلي للمرحله دي وانا اكون م قادر اخدك على حضني او اطبطب عليك و ح اعرف الحصل بس اسي خشي جوة نامي انا بكرا الجمعه ح اتصرف تمام قالت ليهو حسام انا قتلت امي قال ليها هشششش وعد بكرا ح اسمع منك كل الحصل اسي خشي و انا ح اتصل عليك لمن تنومي دخلت جوة و و هو فضل قاعد في العربيه فاتح الخط لمن هي نامت بعدين رجع البيت
تاني يوم نور بس حابسة روحها قدر م ابوها حاول معاها م طلعت هو قام طلع من البيت مشى بعد شوية تسمع نور صوت دق في باب غرفتها و يجيها صوت محمد اخوها بقول ليها حلوتي افتحي الباب نور فتحت و نطت في حضنه بتبكي محمد لمن خاف عليها وهي بس بتبكي شديد قعدها في السرير و قال ليها في شنو نور قالت ليهو انا قتلت امي عبد الرؤوف قال ليها بتقولي في شنو انتي قالت ليهو انا قتلتها محمد قال ليها حلوتي اهدي مين قال كده قالت ليهو ماتت بعد ولدتني ليه م شفتها انا اول مره اكون محتاجه ليها الحبوبة قالت ليهم انا القلت قاعده بليل و تتكلم و تقل في ادبها عبد الرؤوف قال ليها انتي انتي ي امي اخ بس م عارف اقول ليك شنو سكت و مشى لي صلاة الجمعه
فجأه بعد صلاة الضهر يسمعو صوت ضرب نار بعد شوية يجو داخلين عبد الرؤوف ومحمد و كمان معاهم حسام دخلو و قالو لي حبوبة حسام عقد على نور و فهمومها انه نور كانت بتتكلم مع حسام م مع زول غيره و استاذن حسام و دخل لي نور اتخلعت لانه كانت قاعده بي بجامة تلت اربع و فاكة شعرها انخلعت من انه دخل وهو انصدم انه اول مره يشوفها كده ف قلب وشه بي سرعة و هي لبست عباية بعد لبست قالت ليهو ده شنو ياخ م ممكن تجي داخل كده قال ليها مرتي وانا حر قالت ليهو نعم قال ليها ايوة ي حب انا قلت ليك بكرا ح اسمع منك كل شي و قلت ليك م عاوز يتكرر الحاجه دي مره تانيه و م اكون قادر احضنك و عرفت الحصل منهم بره نور قالت انا محتاجه لي امي اول مره احس اني عاوزه امي اني عاوزة انه ادخل في حضنها بس ... سكتت لمن لقت انه هو بعاين ليها و فضلت تعاين ليهو قال ليها مرتي الحلوه و قرب عليها وهي بقت ترجع قرب عليها اكتر و طبع بوسه على خدها قال ليها بحبك و م تزعلي انتي امانة حبوبة من خالتو عشان كده طيب هي اصلا من البوسة غمضت م قدرت تفتح هو ضحك وقال ليها احم انا احسن اطلع والا هي فتحت عيونها و دفرته بره قعد يضحك بعد شويه دخلت عليها حبوبتها و..