الفصل الثالث عشر

قال لي بتكلم معاك انا عملتك العملتيها دي صح؟؟طبعا منزلهه راسي تحت ومن الخووف ملصقهه جسمي كلوو مع قزاز العربيهه قولته ليهو والله انا م كان قصدي اضربك انا افتكرتك حرامي علشان كدة قال لي دقيقه دقيقه انا بتكلم ليك عن شنو اسي وانتي بتتكلمي لي عن شنوو؟انا بسألك طلعتي خليتي البيت ليه؟قولته ليهو عشااان وقعدتهه ابكي قال لي في زول سألك؟في حد عاتبك؟انا سألتك ولا حاسبتك وقولته ليك ليه عملتي كدة؟قولته ليهو لأ قال لي طيب يعني أولتي من عندك ساااي وطلعتي خليتي البيت من غير م حد يتكلم معاك او يطردك؟؟قولته ليهو ايوة

فتح قزاز العربيه قال اللهم طولك ي روح قال لي ي بت الناس اسي العملتيهو دة كلوو ماف ليهو داعي وزوووول حيسألك ماف قال لي انتي قااصدة ضربتيني؟قولته ليهو لأ قال لي طيب الحيسألك منوو طالما انتي م متعمدة واساسا القصهه حصلت واتنست ناس البيت هم شايلين همك وخايفين تكون حصلت عليك حااجهه المفروض على الاقل لو عايزة تطلعي تخلي الشغل تخبريهم بكدة صح؟او تردي على المكالمات وتطمنيهم عليك صح؟قولته ليهو صح قال لي طيب اسي م حصل شي اليووم ارجعي البيت بعد م تخلصي دوامك وم تخافي ماف حد حيسألك تمام؟قولته ليهو حاضر قال لي اتفضلي طيب

نزلتهه والله ولا اتلفتهه عليهو وجري على الجامعهه طبعا الحرص لما شافني داخلهه قعد يضحك واستغربتهه هو بضحك ليه دخلته القاعهه اسيل لقيتها تضحك ساي اول م قعدتهه قالت لي شهد اووعى تقولي لي دة كابتن وائل الضربتيهو انتي بالمفراك امس قولته ليها تخيلي قالت لي وااي يضربك السقط انتي عااد يضربك الضرب جدي لمن سفرو قوانتنامو ي شهد يضربك كفين لمن يجيب ليك شلل اهتزازي ي شهد اسي ولد زي دة بضربوهو احييييي ي غلبي والله ي دووب ضربك ليهو وجعني كإنو انا تمو وهو حتتته مني طبعل حيرتني بقيت اعااين ليها بس حسستني اني سليت روحو

قولته ليها دة كلوو علشان شنوو اسي الكلام دة؟قالت لي انتي م شوفتيهو م شوفتي ملامح وشو م شوفتي عيوني وكمان حلات السفنجهه اللابسها ياخ حتى ملابس البيت الجاااي بيها انضف من سمعتي تااني نفس الدكتور الطردنا المره الفاتت قال لي شهد ومزن طبعا عارفين م محتاجين اقول ليكم المطلوب منكم شنوو قولته ليهو ي دكتوور بس قال لي وي شهد الاسبوع الجااي م اشووفك قاعدة جنب مزن لأي سبب من الاسباب مزن قالت لي ارح يختي الراجل الشووم دة الله لا جاب عقابو ماعطنا يمعط بااقي صوفاياتو الفاضلات في راسو دي

عاينت ليهو قالت ليهو عارفين ي دكتور شالت شنطتها طبعا القاعهه كلها قعدت تضحك قالو لينا متعودين طلعنا قالت لي وااي ي شهد من وائل وكابتن وائل وطول وائل عاينته ليها قولته ليها متعودة على الانبراش دة قالت لي عااد هو شنو الما فيهو علشان يخليني م انبرش قالت لي اها قال ليك شنوو ويدو كيف حيي ود امي شلته همو حيرتني طبعا في امرها قولته ليها قال لي ارجعي الشغل بس قالت لي ي سلام ياخ يعني م سألك ليه ضربتيهو وكدة راقي ياخ هييييينا انا منوو اوووغسم تاني كل يووم بجي بزااكر معاك ي شهد قولته ليها م ناقصهه ازعاج انا قعدت تضحك قالت لي بيااعهه

بعد م خلصنا محاضرات تلفوني اتصل رديت قال لي رجعتي البيت ولا لسسهه؟قولته ليهو منو معاي اولا؟قال لي وائل معاك رجعتي ولا لسسهه؟قولته ليهو لسسه ماشهه بيت صحبتي اشيل حجاتي سكت مساافهه قال لي طيب قعدنا نتونس في الجامعهه تقريبا سااعهه كدة بعدها قولته لي مزن مزن بعد كدة خلينا نمشي عشان عايزة ارجع البيت رددت كلامي بصوتها قالت لي يعني البيت دة حلى ليك خلاص ضحكتهه قولته ليها ي بت دة شغلي انا م صدقتههه الجماعهه رجعوني وم طردوني قالت لي طيب دقيقه اغمل لي روجوفي شفايفي دي

بعدها طلعنا وقفنا قدام البوابه بس مزن اسمعها ليك تصرخ وتغول لي شهد شوفي الواقف دة منوو قولته ليها وين؟؟لفت لي راسي قولته ليها كابتن وائل طبعا واقف قدام العربيه اشر لي بي يدو لما شافنا مشيت عليهو ومترددة لما وصلتهه قال لي خلصتي؟؟قولته ليهو ايوة قال لي طيب يلا نمشي قولته ليهو بس اناكلمتك قولته ليك ماشه اشيل حجاتي من صحبتي لكن قال وحبوبه م مصدقه انك راجعهه البيت عشان كدة الا اوديك ليها بزات نفسي قولته ليهو لكن حجاتي قال لي يااخ حجاتك دي شنوو هي؟ صحبتك هاربهه هي؟ قولته ليهو لأ

عاين لي قال لي مزن انتي صحبتها؟مزن طبعا مسطحهه قالت ليهو ايوة قال ليها طيب اركبي اوصلك وبالمره تشيل حجاتها ساكنه وين انتي؟قالت ليهو ساكنه الرياض قال ليها طيب اتفضلو اركبو ويت بالظبط في الرياض ركبنا مزن شغاله تقرص فيني طول الطريق كملت لحمي وهي بتقرص فيني وصلنا نزلته قال لي اسرعي لو سمحتي مزن قالت ليهو تانكث قال ليها yor wellcom دخلنا البيت قولته ليها ي حيوانهه كملتي لحمي بالقريص قالت لي احيي انا من الرقي حقو ي شهد قولته ليها خلي الفاارغهه دخلنا البيت سلمته على خالتو اسماء قالت لي كيف قيلتو اليوم حبيباتي

قولته ليها الحمدلله مزن قالت ليها وجع قلب شديد ي امي قالت ليها ليةفي شنوو؟قرصتها قولته ليها انا اليوم راجعه الشغل عشان كدة ه قالت ليي ليه انتيي متين جيتي عشان تمشي؟ الموهم بعد تحانيس شلته شنطتي وطلعتهه لقيتو واقف وخالف رجلو قال لي خلصتي ولا عندك حاجه لسسسهه؟؟قولته ليهو خلصتهه قال لي طيب يلا فتح لي باب العربيه الورا ركبتهه اتحركنا جاهو اتصال ردة قال حبيبي مشتاق ليك ايوة سايق طلع سجارتو ولعها...طبعا عارفين كلام الزول بكون كيف لما يكون خاتي سيجارة في خشمو قال ليها السودان زي م هو والله سخانه وشمس وعدم موضووع بس

شويه كدة قعد يضحك وبقى يتكلم بسووط واطي طبعا انا مركزة معاهو شديد وعايزة اعرف بغولو في شنوو

نتلاقى