الفصل الرابع والثلاثون

بعد م قفل مني قعدتهه شويه كدة تاني رجع اتصل علي قال لي زعلتيني بي انا اشتقتهه ليك قولته ليهو ياخ انت بكاش نحن مناسبتنا كانت يوم الخمبس وهم يوم الجمعهه طبعا كابتن وائل واصحابو جو البلد يووم العرس حقنا علشان يسوقني ويرجع وكذاا يوم العرس انا كنت في بيت الرسم اتصل علي قال لي بالنسبهه لي انو انا جيت وبفتش عليك من قبيييل وم قاااادر اسأل زوول منك قولته ليهو مستعجل كدة مالك؟حتشوفني بعدين قال لي لأ عااايز اشوووفك اسي

قولته ليهو م بقدر انا في محل الرسم ياخ وين انت سامعه لي صوت موويه؟ قال لي جيت البحر معاي الشباب ديل قاعدين نيبح وماشاءالله قدامي بناااات بغسلو ملابس حلوات حلا تلخم وتهبل عدييل جكس طبي قولته ليهو بنات بغسلو وانا قاعد تعاين ليهم قال لي اي والله ياخ في واحدة فيهم عجبتني ياخ كساااارة وعندها ضحكهه تهبل بجد طبعا اتغظتهه شديد من كلامو طبعا انا خلصو لي رسم لبستهه لي تووب قولته ليها مزن ارح معاي قالت لي امشي معاك وين جنيتي قولته ليها نطلع عشرة دقايق ونجي راجعين لبستهه وطلعته وغطيت وشي مزن قالت لي في شنوو ي بت ماشه بينا البحر لشنوو

قولته ليها ماشهه اشووف وائل قعدت تضحك قالت لي مجنونهه كلها كم ساااعهه ويسووقك لما وصلنا البحر اتصلته عليهو قولته ليهو وين انت؟قال لي انا في البحر بتأمل في جمال البت دي ياخ سبحان من سواها طبعا البحر فاااضي م فيهو اي زول جنب البحر كدة في جنينهه سامعين اصوات فيها مزن قالت لي اكيد قاعدين هنا غشاااك ي هبلهه احيييي واحينا بتكلم مع مزن شكلو سمعنا جا طالع من الجنيننه وقعد يضحك مزن قالت ليهو شنوو يااااماسورة انت قال ليها البت دي لتيخهه ياخ لو م عملته ليها كدة م بتجي

مزن قالت ليهو ماشهه اشوف الجنينه دي جووة واسلم على الشباب اول م مزن مشت مسكني قال لي طلعتي بتغيري كمان قولته ليهو وائل اسي بجي زول فكني ياخ قال لي خليهم يجوو ويعني شنووو مرتي وحر فيها قولته ليهو بخلعهه وليد قعد يضحك قال لي عامله روحك عايزة تغشيني عشان افكك يعني ي زولهه انا وليد خليتو في الخرطووم حتى اسألي مزن قولته ليهو مزن علاقتها شنوو بالموضوع؟قال لي اسأليها هي بتوريك قال لي شهد انا م مصدق بعد كم ساعهه حأسوقك وامشي قولته ليهو بس انل خايفهه تحصل مشااكل

قال لي ليه في شنوو؟قال مش اتكلمتي مع ابوالقاسم اخوك؟قولته ليهو ايوة اتكلمته معاهو واعتزرتهه ليهو قال لي وانا كمان اتصلته عليهو واتكلمته معاهو ماف شي بخوف عايز يضمني عليهو لزيتو قولته ليهو انت مجنون لو جا زول قال لي كويس كويس اتحججي كلها كم ساعهه وبنمشي بيتنا تاني اسمعك حتقولي شنو قولته ليهو على فكره الحنهه حلوة شديد قال لي حلوة عينك انتي الشايفاها بعد الغداء وكذاا لبسوني وطلعوني طبعا م عندنا حفله لانو كابتن وائل قال لازم نطلع بدري عشان نصل الخرطوم بدري الموهم بعد الغداء قرو لينا يس وودعتهه اهلي

اخر حاجهه ودعتهه امي قولته ليها امي البطاقهه حقت الصراف الالي عندك واي شي احتجتو او ابووي ليهو امشو المدينهه اصرفوو طبعا حساب البنك فتحو لي ناس دار النشر وشهريا بنزلو في حسابي جزء من عوايد الكتاب بعدها جينا الخرطوم هنا طبعا م نزلنا في بيت ناس كابتن وائل نزلنا في بيت ناس مزن لانو بيت العرس حيكون ملان ناس وكدة يوم الجمعهه جاتني هديل الصبااح بدري شايلهه حجات وداخلهه طبعا ياخ مع التعب والله نايمهه في سابع نومهه قالت لي عروس كسلانهه صحصحي قولته ليهو هدولتي حضنتني قالت لي ياخ انا مبسوووطهه بيكم مبسووطهه شديد ياخ

قولته ليها كدة قولي بسم الله قالت لي وائل مصحيني مت اذان الصبح قومي كدة جربي الفستان دة قولته ليها فستان شنوو؟قالت لي فستان الزفاف حيكون فستان شنوو قولته ليها ووائل جاب الفستان مت وين قالت لي مصممو وجايبو ليك من الدوحهه النوهم قومي ياخ انجزي عايزة اشوفو اذا في اي خلل كذا ولا كذا مزن قالت لي انا لي الله عااد ليه انا بس م بلقى زي وائل دة طبعا الفستان خونفشااري وبسيط يديهو دانتيل لبستو طلع على مقااسي بالظبط عرف مقاسي كيف م عرفتهه عشان كدةةقال لي م تسمني بعدها طلعنا مشينا الكوفير

هديل قالت لي ست الكوفير عروستنا متحننه جاهزة بس عايزاك تعملي ليها نظام وشم في كفهه يدها وكمان م عايزين تعولقيها لينا وتمليها لينا بودرة وشدو لا عايزين مكياج بسييط وهاادئ وطبيعي جدا وقعدت تشرك ليها بعد م تمو لي المكياج ولبسوني ياخ انا طلعتهه زي الاميرة طبعا وائل جايب الفستان كااامل بي جزمتو واكسسوارتو وكدة كل الناس الفي الكوفير قعدو يسألوني الغستان دة جيبتيهو من وين؟ بعدها وائل جا الكوفير وساقنا مشينا الحفلهه بعد م وصلنا قبل م نرقص الاسلوو طلع خااتم طبعا الناس الفي الصالهه كولهم قعدو يصفرو قال لي انا نسيت م خطبتك

لبسني ليهو طبعا انا خجلانهه جنس خجل وجدي وحبوبهه قاعدين ياخ بلبسني في الخاتم وبهمس لي في اضاني قال لي انتي عاارفهه انو انا لفيت الدنيا دي كولها بس احلى منك م لقيت طبعا نحن في نص الصاله وفاكين فينا بخار وفقاعات وبس والناس دي سااكته ساي تعاين لينا قولته ليهو وائل خلاص الناس بتعاين لينا قال لي الناس منوو انا م شايف حد غيرك وم عايز اشووف غيرك اساسا انتي كولهم بالنسبه لي كفايه جدا اني شايفك انتي بس قدامي والغنيهه حالفه كان تنتهي من شدة م طويلهه

بعد الحفله خلصت رجعنا البيت طبعا الناس كولها هلكانهه من الحفلهه وانا بي فستاني حق الزفاف داك كابتن وائل جا داخل الغرفه بتلفت يمين وشمال لقاني قاعدة براي وبحاول افتح سوسته الفستان عايزة اغير مسكني قال لي تعاللي طبعا انا مخلوعهه وجسمي كلوو بررد قولته ليهو شنوو ضحك قال لي تعالي عايزك مسكني من يدي وطلع مشيينا دخلني غرفتو حقت الرسم وقفل الباب قولته ليهو وائل قال لي هسس ولا كلمهه وشالني لفاني قولته ليهو الدنيا نص ليل انت جنيت ولا شارب حاجهه رجع لي شعري لي ورا قال لي ضروري اشرب شي عشان اكون مجنون مع مرتي يعني؟سكتته سااي

قال عايز اسألك انتي الناس دي كولها بتكون ضعيفهه قدام عيونك لما تبكي وبتخليهم يتصرفو تصرفات متهورة ولا انا اهبل قولته ليهو انت اهبل بس حضني قال لي معناها حباب الهبل قولته ليهو انت عاارف انا حاسهه نفسي بحلم قال لي تعالي وقفني قدام لوحهه مغطيهه دة وحضني من ورا وجرة القماش المغطي بيهو اللحوحهه قال لي انا لحدي م خلصتهه اللوحهه كنت فااكر نفسي بحلم طبعا نفس اللوحهه بتاعت فستان الزفاف الزمان ديك م كان راسم وش البت بس راسم الفستان وتفاصيل الجسم طبعا صمم لي نفس الفستان حق الرسمهه

ونفس الاكسسوارت الراسمها كل التفاصيل الفي الرسمهه قولته ليهو وائل قال لي عاارفك متفاجأة انتي عاارفهه الرسمهه دي انا برسم فيها لي سنه كنت كل م اسافر وارجع بتخيل لي تفصيل في الزوله الانا عايزها وبرسم بس م كنت بتخيل وشها خالص بس اخيييرا وبعد جهد جهيد ظهرتي فجأة في حياتي وفيك كل تفاصيل البت الانا عايزها كأنو ربنا نزلك لي على شكل هديه من السما وبقيتي لي اقرب من حبل الوريد اتلفتهه عليهو وحضنتو قولته ليهو وائل ي مجنون ضحك قال لي مجنونك انا اعمل شنوو م لقيت غييرك في خيالي وضماني عليهو

نتلاقى