الفصل الخامس عشر

بعد م رجع اوضتو انا مشيت دخلته العصييير لي هديل لقيتها نااايمهه ختيتو ليها في الطربيزة وقفلتو وطلعتهه اثناء م انا طالعهه من غرفهه هديل لقيتو هو طالع من غرفتو غير قميصو وشكلو كان بتكلم مكالمهه فيديو مع حبيبتو ومركب سماعتو بقول ليها القميص دة ظريف صح ضحك قال ليها بالله نفسي اعرف هم بغولو في شنوو العواليغ ديل وقفتهه بعد م خليتو نزل مشيت فتحتهه غرفتو قولته اشيل قميصو الاسي دة اغسلو ليهو طبعا اووول مره ادخل غرفتو ياااخ فظيييعهه ونضيفهه نضاافهه وفارشها بصوورة كدة موبالغهه وقسمابالله غرفتو مرتبه من حياتي زاتها وكبييرة استاد كورة بس

اتلفته يمين اتلفته شمال قولته ي شهد الليله كم جا قبضك بشغلها ليك افضل تطلعي ساي لكن م عارفه القميص جدعو وين مشيت دخلته الحمام لقيتو معلق كنت لابسه سفنجتي طلعتهها دخلته الحمام شلته القميص وشلته سفنجتي في يدي وطلعتهه خوفته الحمام يتوسخ الله يكرمكم طلعتهه نزلته تحت لقيتو قااعد يتونس مع حبوبتو سااي قال ليها شنوو ي حبوبه الحركات دي شااايفك رجعتي شباب حنهه واخر صبغهه شعر كمان باللون الكبدي وتسريح شعر شي عجيب قالت ليهو ي ولد هاا انقرع والله دي البت شهد دي قالت الا تحنني نمته وصحيت لقيتها محننه لي مسااايري ديل

قال ليها دة علي انا ي حبوبهه قالت ليهو وحات النبي وبعدين شباب شنوو ي ولدي خلاص كبرنا وشعرنا شااااب قال ليها كيف الكلام دة ي حبوبه لالا والله انتي لسسسه شباب ياخ كدة تعالي اخد لي معاك سيلفي ظاابط كدة قالت ليهو ي ولد ها سيفلي شنوو كمان ضحك قال ليها ي حبوبه سيلفي سيلفي قالت ليهو سيفلي سيلفي كلو ماشي قعد يتصور معاها قال ليها الصوورة دي لو وصلت 1000 لايك اعرفي انك لسسسه شباب وانا واثق من كدة شوفتهم قاعدين مع بعض حلوين ياخ م حبيت امشي اقعد معاهم مشيت غرفه الغسيل الجلابيه غسلتها لكن م نضفت لسسسه اثاار الحنهه عليها

على طول اتصلته على مزن قولته ليها مزونتي انتي الحبر الكان وسخ ليك طرحتك البيضاء نضفتي بشنووو؟قالت لي بي كلوركس ليه مالك في شنوو؟قولته ليها عايزة انضف بيهو حاجه جبتيهو من وين اناي؟قالت لي اقرب بقاله جنبكم بتلقيهو فيها قولته ليها طيب تسلمي وقفلته منها وعلى طوول لبسته عبايتي وطلعته مشيت الدكان طبعا بتاع الدكان قليل ادب وتافه تفااهه يعاين ليك من فوق لي تحت بالرغم من انو هو وجيه والله سمح سماحهه لكن زي م بغولو دايما الاولاد السمحين ربنا بديهم الشكل وم بديهم الاخلاق نسيت اسم المبيض القالتو لي مزن

قال لي عاايزة شنوو؟بقيت اقول ليهو ااااااااااا اممممممممم في النهايه قولته ليهو عايزة مبيض بتاع ملابس بعاين لي قال لي اي مبيض؟قولته ليهو ايوة قال لي م قولتي لي اسمك منوو ي السمحهه سكته سااي م رديت عليهو لما جا يمد لي الكيس وباقي القروش قام مسك يدي وضغط على صباعي شديد قولته ليهو خلي بالك لو م احترمتهه نفسك السمحهه دي ممكن تجيب اجلك علشان كدة اعمل حساب وجريت يدي منوو قال لي انتي زعلتي ولا شنوو؟شلته الكيس وابقروش قولته ليهو انت احترمتهه نفسك ماف شي بجيب الزعل وطلعتهه مشيت

وصلته البيت دخلته غرفه الغسيل كبيت نص المبيض ودخلتهه الجلابيه في الغساله طلعتها بعد نص ساعهه كدة والله بقت نضيفهه وسمحه سماحهه اساسا هي من يومها بيضاء شلتها اديتها ظهر خفيف وشريتها وعلى طول بعدها دخلته القميص في الغساله وزدته فيهو المبيض قولته اخليهو يلف شويه كدة واجي اطلعو مشيت قعدته مع عمي خليل بره تحت الشجر وهو كان بنزل في ليمون من الشجر نزلته معاهو زين بعداك قولته ليهو عندي ملابس في الغساله اطلعها واجي راجعهه اساعدك تاتي قال لس سمح مشيت فتحته الغساله وااي من المنظر الشوفتو القميص اللوانو كولها نزلت واختلطت ببعض

قميصو كان مسطر كاروهات كدة وكمان كان فيهو ابيض ليه ي ربي انا بحصل معي كدةةبس طلعتو طبعا منظرووو بقى فظيع صراحهه قولته انتي ي شهد جنيتي على نفسك بنفسك دخلتو النشافه بي شكلو داك بعد م جفه كويتهم ليهو قولته اعتزر ليهو بس م عندي حل غير كدة المساء بعد م جا شلتهم وديتهم ليهو كان شكلو طالع تاني وكان بتكلم مع صحبو قال ليهو ايوة خليكم قاعدين بجي عليكم اسي قولته ليهو دي ملابسك جبتها ليك قال لي خوتيها هناك ختيتها وطلعتهه عشان عارغه نفسي م بقدر اكلمو كتباه ليهو رساله اعتزار وختيتها ليهو في النص بين القميص والجلابيهه

والله بقيت مقلقه قلق وكل م اسمع صوتو قلبي بعمل شححح بغول خلاص شاف شكل القميص وجاي يشاكلني وااي اليوم التاني مشيت الجامعه قاعدين انا واسيل نفطر كدة اسيل قالت لي شهودة م وريتك قولته ليها شنوو؟قالت لي عايزين نشتري الكافيه بتاع علووش قولته ليها ههه م جادة طبعا قالت لي جادة والله قولته ليها كيف وكيف؟قالت لي علوش قال عايز يبيعو لأنو مسافر تركيا وانا قولته ليهو خلاص بشتريهو منك انا وشهريا بدفع قروش الايجار بس خليهو لي زي م هوو قولتهوليها اها انتي ي الشاطرة حتجيبي القروش دي من وين كلها دي قروشي م هينه

قالت لي حنتشارك انا وماما ورامي اخووي وانا عن نفسي م حأدفع شي من عندي حيدفع لي بابا وبعدين الكافيه مشروع مربح وبالزات علوش دة والله عندو زباين موبالغه كلوو جكس طبي قولته ليها اها ي السمحهه وحتشتغلي فيهو كيف مع الجامعه دي ورامي اخوك زاتو م فاضي قالت لي رامي عندو صحبو اسمو كريم حيخليهو يشتغل فيهو وبعدين رامي عندو شله ظريفهه حيساعدوهو وحلوين وكلهم ميكي قولته ليها بيني وبينك ومن غير زعل وم تعتبريها اساءة بس رامي اخوك زاتو ميكي قالت لي حيوانهه قولته ليها والله

قالت ليواها تشتغلي معانا بعد م نفتحو؟قولته ليها اكيد جنيتي طبعا قولته ليها خليك من الفارغهه دي وركزي في القرايهه الاسبوع الجاي دة اسبوع الاختبارات واعمال السنهه عشان كدة شدي حيلك قالت لي شمح قولته ليها شمح في عينك بعدها رجعته البيت العصر كدة جو بنات جيرانهم حلوات حلا موبالغهه قالو عندهم سمايه وعايزين عدة طبيخ من ناس حبوبه عششهه حبوبه عششه قالت لي شهد عليك الله امشي المخزن طلعي ليهم الحلل الكبيرة قولته ليها سمح نسيت اسالها المخزن بي وين وم حبيت ارجع اسالها لانها مندمجه في الونسه مع البنات

سألته زهره قولته ليها زهررة وين المخزن؟كانت بتتكلم بالتلفون قالت لي فووق هناك طلعته فووق م عرفتو وين بس في غرفه جنب غرفه هديل كانت مطبولهه لاحظته ليها الطبله ماف قولته معناها دة المخزن مشيت فتحتها ودخلتهه كان مضلمهه فتشته لمن لقيت الكوبس بتاع اللمبه ولعته النور طبعا اتفاجأتهه ياخ غرفه فظيعهه فظااعهه مرتبه ترتيب عجيب م فيها شي غير كميه من اللوحات وفي طربيزة كبييرة كدة فيعا اسكيتشات وورق رسم واقلام كتييرة واللوان كميه غرفه هاادئه كدة وجوها زاتو غيير

في شباك كدة مشيت فتحتو ياخ المنظر فظيع فاتحه قصااد المدخل بتاع البيت والشجر والمسبح منظر كدة خرافي قفلته الشباك في لوحه كدة مغطيه بي قطعهه بيضاء فتحتها اتفاجأته بجد من الرسمه المرسوومهه الرسمه كانت شكل بت لابسه فستات زفاف تصميمووخرافي وعامل للعروس فراشهه في كفه يدهاطبعا بقيت واقفه بعاين بس تاني اتزكرته حبوبه عشه مرسلاني لشنوو غطيتها في محلها وطلعتهه سرعه سرعهه لقيت هديل جايه من الجامعه قولته ليها هديل المخزن بتاعكم وين؟قالت لي تحت جنب البيت بتاع عمو خليل بي هنااك

نزلته مشيت عمو خليل قال لي دة المخزن دخلته طلعته ليهم الحلل المساء رجعته تاني الغرفه ديك قولته اكيد دي غرفه هديل من رسمه الزفاف دي لكن جد مووبدعهه لكن ليه م راسمه وش العروس؟؟الموهم يمكن تكون راسمه الرسمه ومصممه الفستان دةةلي نفسها وماشاءالله كمان عندها جيتار بتعزف بيهو شي راغي زوله متعددة المواهب قولته لي نفسي خلاص طالما الغرفه دي فاضيه وهديل اليومين دي شغاله امتحانات وم شغاله بيها افضل اجي اقعد اقرا هنا مكان هادي ومشجع للقرايه بدل م الليل كلو اقعد اسمع في شخير زهره وانا بقرا

نضفتها ليك تمام وبقيت كلو يووم اجي اقرا فيها وماخدة راحتي واحلى شي عندها مروحه متحركه ياخ بااردة وعجيبه لمن عدة اسبوع الاختبارات يوم الجمعهه قاعدين انا وهديل في المطبخ هديل قالت لي الليله انتي مالك شغاله صامت؟قولته ليها مصدعهه بس شغلت لي تلفونها وؤكبت لي السماعات قالت لي بغولو الموسيقى بتخفف وجع الراس وختت لي التلفون في جيب الجلباب قالت لي ماشه اتونس مع ناس حبوبه شويه قولته ليها هاك ي مجنونه قالت لي خلي معاك بس م ترمي لي في مويه عدتك دي

اثناء م هم بتونسو كدة جا وائل نازل قال ليهم ي جماعهه انتو القاعد يدخل غرفتي دي منوو؟؟هديل انتي قاعدة تمشي تقري فيها صح؟؟هديل قالت ليهو غرفتك ياته؟ قال ليها غرفتي حقت الرسم حتكون ياتهه قالت ليهو رووق وقسما بالله بي عيني م قاعدة اشوفها عشان عارفاك م بترضى ولا قرد يدخل فيها قال ليها اذا م انتي في منو غيرك بقرا في البيت دة؟حبوبه عششه ضحكت قالت ليهو اسي الحاصل شنوو؟؟ هديل قالت ليهو تكون دي شهد قال ليها شهد وين هي اسي قاعدة وين؟ قالت ليهو في المطبخ لكن استكين م تخلع بت الناس

وانا في المطبخ شغاله اسمع سااي واغسل في العدة بس فجأة احس ليك بي زول يقلع السماعات من اضنيني وقال لي انتي طبعا بي خلعهه قولته ليهو نعمم

نتلاقى