الفصل الخامس والعشرون

قولته ليها معليش بس انا قبل كم يوم صح كنت مع المدير وقال لي الطباعهه بتكلفك قروش علشان كدة خليت طباعه الكتاب قالت لي ايوة صح بس المدير بعداك قرر انو تكاليف الطباعه حيخصمها من عوائد الكتاب الموهم تعالي انتي بكره وحتفهمي كل شي قولته ليها حاضر انشاءالله قولته لي مزن انا م مصدقهه وافقو وافقو قالت لي منو ووافقو على شنو قولته ليها ناس دار النشر المشيت ليهم مع كابتن وائل وافقو يطبعو لي الكتاب قالت لي بجد؟ مبروك والله طيب من البدايه بتعولقو مالهم قولته ليها بري

قولته ليها اتصل على كابتن وائل اكلمو ولا اخليهو؟قالت لي انتي عبيطه لازم تتصلي وتكلميهو قولته ليها طيب اتصلته عليهو م ردة قولته ليها م برد شكلو بعيد قعدنا شويه كدة رجع اتصل علي قال لي اهلين قولته ليهو هلاتين قال لي كيفك؟قولته ليهو الحمدلله بس اتصلته عليك علشان اقول ليك اتصلو على ناس دار النشر اللي مشينا ليهم قبل كم يوم وقالو لي انهم موافقين على طباعهه الكتاب قال لي ي سلام ي سلام ي سلام مبروك ياخ شايفه انتي اتضايقتي على الفاضي ساي ه قولته ليهو ايوة بس انا م اتوقعتهم حيوافقو

قال لي م اتوقعتي بس وافقو هااا حتمشي ليهم متين؟قولته ليهو بكره انشاءالله قال لي نحن معرضنا جااهز فيهو شويهه تشطبيات حنخلصها وحنفتحو بعد اسبوعين عشان كدة لازم تقنعيهم انو يجهزو لينا النسخ حقت الكتاب دي بعد اسبووعين نحن حنشتريها منهم قولته ليهو كيف حتشتروها منهم؟قال لي حنشتريها عديل اكيد م متوقعهه انهم حيدونا ليها مجان قولته ليهو طيب اليوم التاني مشيت من الصباح قعدته واتكلمته مع المدير وفهمتو موضوع المعرض الحيفتتح وكدة اتجاوب معي وقال لي جدا ي بتي حنحاول نوفر ليهم بس الشي الانا م فهمتو المدير دة وافق ليه وعلى اي اساس

من غير م اتكلم قال لي موهبتك جميله جدا ورواياتك جميله انا سألته الناس العندهم علاقهه بالسوشيال ميديا عندي واحدة شغاله معانا هنا اسمها سعاد وعملت بحث عن روايات بالهاشتاق بتاع الروايه ولقت التفاعل والمتابعين ليك كتار ماشاءالله مشروع كاتبه ناجحه بالرغم انك مبتدأة عشان كدة دعمتك لانك انسانهه حابه تطوري من نفسك قولته ليهو تسلم ي رب بجد كلامو اداني طاقه ايجابيه حسيت نفسي عايزة اطيير من الفرح رجعتهه وانا مبسووووطهه ي دوووب حسيت انو الدنيا بدت تضحك لي بجد

بعد اسبوعين كابتن وائل وصحبو افتتحو المعرض حقهم فكرتهم كالأت ل زول يشتري لوووحهه بدوهو معاهو الكتاب هديه بكدة عملو ترويج للكتاب طبعا يوم الافتتاح كنت لابسه فستان لونو حرجلي ومزن مكيجتي مكياج حلو حلا هديل قالت لي طبعا ي شهد م عرفتك ياخ مززة لمن غلط قالت لي وبعدين مهند صاحب وائل دة اول مره اعرف انو قرض كدة اللهم واي طبعا بالجد مهند صحبو كلمه قرض عليهز بسيطه ياخ مربي الشعر دة وماسكو بي باندة ورا ومربي ليهو لحيهه كدة عجيبه وعندو ضحكهه ي سااتر

مزن قالت لي بالنسبه لي انو لابس تنبر زي حقي ونفس اللون كمان اكيد الحاجه دي م صدفهه هديل قالت ليها لا ياخ مزن قالت ليها القلوب عند بعضيها ي بيبي قولته ليهم ببو يخنقكم انتو الاتنبن قعدنا نتونس كدة جا مهند وقف معانا قال لينا صبليا كيفكم مزن قالت ليهو من جيت وقفته بقينا كويثين هديل قالت ليهو الحمدلله ماشاءالله مووبدع والاه ي مهند قال ليها تسلمي ي ست البنات والله ياخ كلك زوق قولته ليهو بجد فظيع طلع وماشاءالله اافى اقبال كتيير ممن الناس

قال لي الحمدلله والله لكن والله ارهقني ياخ عندي فترة برووج ليهو والحمدلله طلع بالصورة المطلوبه واقفين كدة جا وليد وكابتن وائل داخلين استغفر الله ي رب والله سمحين سماحهه تهبل كابتن وائل لابس تتبرولونو بني فاااتح ولابس البدله بنفس اللون ومعاها فنيلهه ياخ يخلوهم ليهو مزن قرصتني قالت لي استغفر الله العظيم ي رب بس سماحتهم تعمل عشراقهه في الحلق قولته ليها مزن ابرودي جو سلمو علينا وليد قال ليهو والله ي مهند ابدعتهه ياخ والله ولوحاتكم تستاهل والله مهند قال ليهو ولي ابو الشباب ياخ تسلم ي راقي

طبعا بقيت اعاين لي كابتن وائل ساي هو مدخل يدينو في جيوب بنطلونو وواقف وكل م اعاين ليهو بقبضني بعمل روحي قاعدة اتلفت اي بعاين ليهو بالجابس كدة وليد قال لي شهد طبعا فاجأتينا طلعتي روائيه وكدة موهبه مدفوونهه وائل قال ليهو مدفونه شديد والله هديل قالت لي انا حاشيل لي كتاب علشان اقرا الروايات وليد قال ليها وانا كمان شيلي لي معاك واحد وائل قال ليهم وين وين ماف طريقه الكتب العندنا دي جايبنها بعدد اللوحات المميزة عندنا وبس يعني العايز الكتاب يشتري لوحهه او انتظرو لمن يطبعو نسخ كتيرة واشترو من المكتبات

هديل قالت ليهو ليه كدة ي غااسي مزن قالت ليها هديل ولا تزعلي نفسك بنسخها ليك في الواتس اديني رقمك بس وليد قال ليها سجلي رقمي انا كمان عايزهم كولهم م واحدة بس مزن قالت ليهو حااضر مهند قال ليهو وائل وين المدام م شايفها قال ليهو والله المدام دي قالت مصدعهه شويه عشان كدة م جات مزن قالت لي تجيها المرسله من الله التافهه الحقيرة قولته ليها مززن ابروودي الموهم بعد يوووم طويل وعريض انتهى المساء بعد رجعنا البيت لمن خلاص عايزين ننوم اتصل علي كابتن وائل قال لي يووم مرهق قولته ليهو شديد هه

قولته ليهو بس الحمدلله عدة على خير عدة على خير بكره الواحد ينوم فترة طويله قال لي نووم وين ياخ بكره انا مسافر الدوحهه من اذان الصبح قولته ليهو مسافر يعني؟قال لي والله ي شهد مساافر ياخ اصلا الشي الجابني مرض جدي بس وبعدين مهند عصر علي شديده قولته ليهو طيب اقعد يوم بكره قال لي امممم انتي عايزاني اقعد يعني قولته ليهو لا قصدي علشان ترتاح وكدة قال لي الموهم حبيت اخبرك اني حأسافر وعايز اسألك حترجعي الشغل ولا لأ؟قال لي الله يرضى عليك م تكسري خاطري سكته مسااافهه قولته ليهو طيب بس بعد م ام مزن ترجع قال لي تمام ابشري

طبعا عندو كلمه ابشري دي بقولها دايما قولته ليهو تصل بالسلامهه قال لي الله يسلمك ي رب م عارفه بس اول مره احس قلبي يوجعني عليهو بعد م سافر بي اسبوعين ام مزن رجعت السودان وانا رجعته الشغل في بيت ناس وائل جدي عثمان صحتو بقت كويسه الحمدلله بس معظم الوقت بقى سرحان وبالو بعيد انا قاعدة في المطبخ كدة جاتني هديل بتبكي قولته ليها مالك؟فتحت الدرج وشالت السكين وطلعت مستعجلهه جريت وراها لحقتها مسكتها قولته ليها ماشه وين انتي؟ قالت لي وقسمبلاه ي شهد م اخليها وقسمبلاه الا اشرحها واقطعها حتت حتت

قولته ليها في شنوو مالك قولي بسم الله قالت لي الحيوانه دي عملتنا فرجهه للبسوى والما بسوى وصلت بيها التفاهه لي درجه انو ام بتاع البقاله تلقاني في الشارع تقول لي خلي مرت ولدكم تختى درب ولدي زاتو م قدرها وزاتنا دايرين ننعرس ليهو وكمان ولدها التافه لما اتكلم معاهو يقول لي اخوكي لو راجل كان لمى مرتو اخر الززمن بسببها اخوي انا طلع م راجل بسببها والله م اخليها ي شهد اوغسم اقطعها وامشي اقطع التافه دة معاها ولزتني وقامت ماشه على غرفه مثاني

نتلاقى