الفصل السادس والثلاثون

مشينا دخلنا الغرفهه الشيخ سلم علينا وعلى طوول بدأ طبعا دخلت معي حبوبهه بس ووائل الشيخ قعد يرقي ويتلي ايات قرءانيه شويه شويه جسمي ببدأ يحكني زياادة وبديت اتضاايق حسيت نفسي مخنووووقهه عديل غطيت اضنيني وكل م الشيخ يزيد في الرقيه كل م انا اتضايقتهه زيادة شويهه كدة قعدتهه اصرررخ واقول ليهو كفايه ياخ كفاايه انا ماشهه حبوبه قعدتني قالت لي ماف مشي وكل م زاد في الرقيه انا اصرخ زيادة حسيت نفسي دة زول قابضني منها عديل بديت اجر في شعري واتجنن

وائل مسكني قال ليهم كفايه ياخي كفايهه الشيخ ولا اشتغل بيهو وانا وائل دة شايفاهو زي الحشرة السوداء وماسكاني بس بقيت الز فيهو واقول ليهو زح مني ياخ م تلمسني انا مش قولته ليك طلقني يلا طلقني انا م عايزاك فهمتهه م عايزاك انا بعد مساافهه وقعدتهه الشيخ قال ليهم شيلوها ودوها وائل قال ليها حبوبه تاني م يجي يتلي ليها ولا شي شايفه الحصل ليها اسي من ورا التلاوة دي الشيخ قال لي حبوبه قال ليها والله البت دي الله يحلها بس مسحووورة سحر كعب شديد

انا بقيت اليل والنهار اصرخ ووائل دة بس م عايزة اشوفو في خلقتي والشيخ دة كل يووووم بجي برقي لي وليد بتونس مع وائل قال ليهو حتسافر وتخليها هنا لمن تتحسن؟وائل قال ليهو اسااافر وين م بقدر اساافر واخليها في الحالهه دي حأقعد معاها لو اتجبرته اقعد كم شهر معاها بقعد م بقدر اخليها في يووم الشيخ جا وجاب معاهو سووط وبدأ يرقي وانا بديت اتجنن قعد يضرب فيني بالسوط ويسأل فيني ويقول لي انت منوو؟انا بقول ليهو م بعرف بس يطلقني خليهو يطلقني انا دايراهو يطلقني وبقيت اجرر في شعري

وبقيت اصرخ بأعلى صوتي كابتن وائل جا فتح الباب لما شافو بضرب فيني مسكني منوو لزيتو قولته ليهو انت ليه م عايز تفهم ليه م عايز تطلقني الشيخ قال لي حبوبه طلعيهو برره وائل قال م طالع وانا كرهتهه وائل دة كره العمى وكل م اسوفو بتجنن زيادة وهو ببكي والله لما يشووف حالتي ببكي بكى الشيخ دة بقى يضرب فيني ويضرب وكل م يرقي ويضربني انا بصرخ وهو يقول اطلع وانا برد عليهو بقول ليهو م طالع

عدة اسبوع بالحاله دي اخر يوووم كان بتلي لي من الصباح للمساء ومن شدة م بضربني وبقول لي اطلع بقول ليهو خلاص طالع طالع والله بس انت م تضربني لمن فجأة بقيت ارجع دم عديل وكمان الدم طالع معاهو شعر اسوود عديل من غير موبالغهه بعدها وقعتهه م وعيت بي نفسي نااايمهه يومين ورا بعض بعد اليومين دي عدت فتحته عيوني لقيت وائل راقد جنبي احترته زاتي انا الحاصل علي شنوو؟وليه جسمي دة فيهو علامات كدة؟طبعا راسي شااطب اي شي قعدتهه اعاااين لي وائل وهو نايم ياخ والله شوفتو تحنن نومه الزول المرهق ليهو فترة

قولته م ازهجو نزلته مشيت استحميت طبعا والله جسمي دة غاايتو بس الحمدلله من ضرب عمي وابو القااسم لي ضررب الشيخ استحميت واتوضيت طلعته قعدتهه اصلي كان في مصحف وائل ماسكو شكلو كان بقرا لي في قراءان شلتو قعدته اقرا قريت كداا قومته عايزة ارفع المصلايه كدة بس وائل صحى ونزل جاني طبعا بعاين لي بإستغراب هل انا طبيعيه ولا المجنونهه قال لي انتي كويسه صحيتي متين ليه م صحيتيني قولته ليهو الحمدلله بس شوفتك نايم وكدة قال لي حاسه نفسك كويسه؟حضنتو قولته ليهو م متزكرة شي بس انا اسفهه لاني نكدتهه عليك عيشتك انا بجد م بستاهلك صح

ضماني عليهو قال لي بعد كلامك دة انا ممكن اعتبرك مجنونه بجد ي بت انتيوهبله انتي مرتي وحتكوني ام عيالي ومستقبلي كلوو حيكون معاك انتي انتي وبس اذا م وقفته معاك وقت الحارة حأقيف معاك متين؟انتي حتهه مني فهمتي لو اتأذيتي انا البتوجع بحبك ي هبلهه قولته ليهو وانا كمان بحبك ي وائل ضحك قال لي دقيقه دقيقه بعيدا عن الهظار انتي شهد حتتي ولا شهد المجنونه؟لانو شهد م حصل قالت لي الكلمهه دي ضربتو قولته ليهو مجنونهه في عينك قال لي طيب قوليها تاني قولته ليهو ابيت قعد يعاين لي نزلته عيوني قولته ليهو وائل ياخ م تعاين لي قال لي كدة كيف؟

قال لي طيب خلينا نكون جادين شويه رايك شنوو نمشي عمرهوقبل م نساافر الدوحهه؟قولته ليهو بجد؟قال لي ربنا لما يحب حد ببتليه انتي ربنا ابتلاك بالمرض دة والحمدلله اتعالجتي وانا ربنا ابتلاني بيك عشان كدة حابب امسك بدك قدام الكعبهه واشكرو على نعمهه الابتلاء دي قولته ليهو غيااظ طيب موافقهه وبعد يومين سافرنا مكهه عمرنا وبعدها سافرنا الدوحهه اول يوم لينا في بيتنا قولته ليهو عارف ي وائل انا بقول عليك سندي ليه؟قال لي ليه

قولته ليهو لأنو انا في كل المواقف الصعبه كنت بلقاك معي حتى من غير م تكون في بيناتنا علاقهه كتت بتساعدني الله م يحرمني منك مسكني من يدي قال لي وانتي عارفهه انا بقول عليك سندتي ليه؟لأني كل م اشوووفك بجووع قولته ليهو غياظ سندتي في عينك حضني قال لي اها اعمل ليك شي شنوو بحاول ابقى رومانتك وكدة بعششقك انا قولته ليهو وانا كمان قال لي وانتي كمان شنوو م تنسي انا وانتي برانا في بيتنا حتقولي ي منوو قولته ليهو وائل قال لي عيوون وائل احكي مش من زمان بقول ليك سمعيني ليها عامله تقيلهه الليله الا تقوليها

قولته ليهو طيب طيب احم احم انا قال لي ايوة انتي شنوو كملي... قولته ليهو بحبك قبل م اتمها باسني في شفايفي قال لي شايفه الموضوع ابسط من بسيط كيف ياخ بدلعني دلع وبهتم بي اهتمام اساسا م عندو غيري انا طفلتو م بكون متوفر على الدوام لانو ظروف شغلو م بتسمح ليهو بس احلى شي لما يجي من الرحله وكميهةالشوق البكون مشتاقو لي اول م افتح ليهو الباب بشيلني وبحضني حنين علي اكتر من نفسي جبته منووو ولد بعد سنتين من العرس سميناهو فهد بس طالع نسخهه من ابوهو في الخلقهه

عايشين حياتنا ورايقين وكل م يعدي زمن من زواجنا بنحب بعض اكتر وكل سنهه بنسافر دوله بنقضي فيها الاجازة بالرغم من انو وائل ظالمنا طبعا بعد العرس اكتشفته انو مزن كانت متواصله مع وليد وتقريبا في بينهم علاقهه بس وليد محتاج فترة علشان يرجع يثق في بت تاني قالت لي انا بحبو وم عندي مشكله بنتظرو وبقيف معاهو وهديل حبت مهند صاحب وائل الرسام القرض داك

يوووم نحن نايمين اصحى ليك بي صوت مهند وهو بقول لي سندتي سندتي قولته ليهو مهند العلمك الكلمه دي منوو وائل فتح عيونو مهند قال لي بابا عاينته لي وائل قال لي والله م انا وقعد يضحك بقيت اضرب فيهو قولته ليهو تاني ولدي م تسوقو معاك لا نادي لا غيرو وهو شغال يقول لي مهند قولته لي ماما شنوو وبضحك عايزة انزل من السرير مسكني قال لي لو زعلتي البعلمك البليستيشن منوو طبعا دي نقطه ضعفي كل الوقت بعلم فيني وكل الوقت هو بغلبني احيانا بخليني اغلبو غااصد لاني بغول ليهو لو غلبتك بعمل اي شي انت عايزو قولته ليهو حتعلمتي جادي صح

عاين لي مهند لقاهو مشغول باسني قال لي خليك من البليستيشن انا بعشقك قولته ليهو وانا كمان ياخي لما يقول لي الكلمه دي بشطب راسي وهو عارف كدة قام لبس وطلع عشان عندو رحله بلبس فيهو القميص وهو بعاين لي قولته ليهو مالك؟قال لي ي بختي بيك قولته ليهو ي بختي بيك انا والله قال لي مشتاق ليك قبل م اطلع قولته ليهو وانا حتى لما تكون متوفر لي كل الوقت بكون مشتاقهه ليك مقدماهو لمن وصلنا الباب حضنتو قولته ليهو ارجع سوورعهه منتظراك انا ضماني عليهو قال لي عدت تلاته سنهه ولسسهه انتي بتبكي لما اكون طالع رحلهه

قال لي خلي بالك من نفسي ومن ولدي لمن ارجع تمام؟قولته ليهو حاضر بااسني في راسي قال لي يلا سلام وطلع مشى

الموهم انا برجع وبغوول احبيه طياار وقت م احتجتي ليهو واتلفتي حتلقيهو واقف جنبك ومنتظر منك اشارة بس وي بختها المتزووجهه كابتن طيران حلوين حلا تهبل ياخ تقول جاين من كوكب براهم ومميزين جنس تمييز وفيهم رومانسيهه تذووووب جبل عديل

فديت الكباتن انا

انتهينا اخييرا يلا سلام واردموو براحهه

هينا