الفصل الثامن

اليوم التاني صحيت الصباح لقيتها نااايمهه صحيتها قولته ليها زهره اصحي الصباح اصبح طبعا البت شاااماني من حركتي معاها حقت بالليل ديك انا صليت الصبح وطلعتهه على طول قولته ليها انتي نضفي البيت وانا بمشي على المطبخ اشووف الحاصل فيهو شنوو مشيت المطبخ نضفتو ورتبتهه كل الرفووف ومسحتو تمام وبديت اغسل في العدة جاتني مثااني وهي بتتكلم بالتلفون قالت لي لو سمحتي جهزي لينا الشاي قولته ليها حااضر جهزتهه الشاي وكان عندهم بسكويت وديتو ليهم كبيت ليهم الشاي طبعا كان و قاعدين حبوبهه عشششهه بس ومثاني بتها

اديت حبوبهه عششه الشاي مسيخ لاني حاسبهه حساب انها عندها سكري وكدة قالت لي برري ي بتي مالو مسيخ؟؟قولته ليها حبوبه انتي مش عندك سكري؟ وبتشربي سكر ميف؟مثاني قالت لي م عندها اي سكري اساسا جاها عرضي سااي قولته ليها حتى ولو عرضى يمكن يكون ثاابت م عرضي والوقايهه خير مت العلاج حبوبه قالت لي هي ي بتي والله دة كلام دكااترة سااي بس

قولته ليها حبوبهه الدكاترة ديل م بقولو كلام سااي والسكري دة بقى زي الملاريا عشان كدة افضل تعملي حساابك وبعدين ي حبوبه في حبوب بتاعهه سكر خاصهه بمرضى السكر م صرفوهم ليك؟؟قالت لي والله ي بتي عندي لكن م بدورهم طعمهم م سمح نهايهه قولته ليها حبوبهه شويه شويه بتتعودي ارمي حبهه واحدة ولا حبتين كل يوم بس قالت لي قولتي كدة؟قولته ليها اي ي حبوبهه دة صح قالت لي كان كدة سمح قولته ليها طيب وصفي لي مكانهم انا بجيبهم ليك مثاني بنهره قالت لي توصف ليك مكانهم ليه خلي انا بجيبهم ليها

قولته ليها طيب وطلعتهه مشيت برره البيت لقيت چدي عثمان ومعاهو عمي خليل قاعدييين تحت الشجروبتونسو سااي عمي خليل عندو هيتر صغير كدة البشتغل بالجاز دة بتعرفوهو طبعا ثح خاتي ليهو شغاال وبعمل ليهم في جبنهه جيت قولته ليهم صباح الخير جدي عثمان قال لي صباح النور قعدتهه اتونس معاهم عمو خليل بعمل في الجبنهه كابي فنجال كامل بتاع جنزبيل في الجبنهه وعاملها تقيلهه لدرجهه مبالغ فيها بعدها صفاها وادى لي جدي عثمان فنجال جبنهه قولته ليهو دة شنوو ي عمي خليل وووب دي جبنهه ولا موووت متعمد

ضحك قال لي دي جبنتنا هنااك في الجزيرة كدة لو م شربناها كدة م بنتكيف قولته ليهو اي اتكيفو م قولنا شي لكن تكب فنجان جنزبيل كامل عاااد الزول لو عندو معدة ولا مصران وشربها معاكم بموت لحظي قال لي انتي م بتعرفي شي ياخ اصلا الجبنه من غير جنزبيل دي زاتها م جبنهه قولته ليهو جدي عثمان والله عمي خليل دة كوويس وصحتو زي الحصان لكن انت زول عندك ضغط وشووف عيني دي عمي خليل دة كابي فنجال كامل بتاع عرق ابيض مسحون في الجبنهه والجبنهه تقيلهه م بتتشرب لي زول عندو ضغط قال لي ي بتي الموت دة واحد

قولته ليهو حتى ولو ي جدي ربنا زاتو قال ولا تأدو بأنفسكم الى التهلكه اسي انت ي جدي قاعد تمشي تقيس ضغطك ومتابع؟؟ قال لي عندي جهااز ضغط جابو لي ولدي وائل الله يرضى عليهو لكن م قاعد اقيس طوالي عايز يشرب مت القهوة كدة قولته ليهو جدي كدة اديني فنجان القهوة دة اول شلتو منو قولته ليهو عشان م تعمل ليك صداع اشرب لكن اشربها خفيفهه رجعتها في الشغال وخففتها ليهو واديتو يشربها قال لي اخيير عدمها والله عمي خليل ضحك قال ليهو والله اخيير عدمها قولته ليهو اي اخير عدمها لكن برضو افضل من العدم

بعدها مشيت دخلتهه المطبخ لقيت حبوبهه عششه بتقطع ليها في بصل سااي قولته ليها حبوبههوعايزة تعملي شنو؟قالت لي قولته الليلهه اعمل ليهم ملاح ام رقيقهه في الفطوور قولته ليها كويس والله قالت لي ي بتي انتي قايلاهم بياكلوهو لي العواليق ديل؟والله ولا بياكلوهو ولا شي بعملو سااي بس الداير ياكل ضحكتهه قولته ليها ليه بس والله احلى ملاح وي ريت لو معاهو كسسرة وشطهه خضرة حاجهه عجيبهه والله قالت لي اي والله لكن ديل باكلو ليوفي الاكل الجااهز قاعدين كدة جات زهرة الحبشيهه قعدت

حبوبهه عشهه قالت ليها زهره عليك الله عندي نظاارتي حقت ابعمليه ديك جيبيها لي من الغرفهه فووق لاحظتهه ليها دموعها جاريهه من البصل قولتهه ليها حبوبهه جيبي انا بقطع ليم البصل وبعملو ليك كمان قالت لي لالا والله ي بتي قولته ليها ي حبوبه فاكراني م بعرف اعملو ولا شنوو شلته منها الصحن قطعته البصله وبعدها ختيتها ففي النار قولته ليها انتي عارفه ي حبوبه العين العاملين فيها العمليه دي م بتستحمل اي شي قالت لي اي والله ي بتي بالزات السخانهه والدخان

والسجم ديل م بساعدوني هديل دي يوم تكون قاعدة بتصحى الساعهه 12 اما مثاني دي بس الحمدلله ي بتي قولته ليها مثاني دي بتك؟؟قالت لي بري مثاني دي مرت وليد اخو وائل الاصغر منوو قولته ليها ماشاءالله كلهم متزوجين فضلت ليك هديل بس قالت لي بري والله وائل دة ولا متزوج وليد دة استعجل للعرس بس وطوالي عرسنا ليهو قولته ليها ههه سبحان الله لكن م عايش فيوالسودان برضو صح؟؟قالت لي قااعد بس حاليا ساافر ماليزيا عندو شغل هناك لكن هو اساسا عندو شركهه هنا وبيتو في الخرطووم 2 حاليا ببني فيهو قربو يرحلوولكن

بنتونس كدة جات هديل داخله قالت لينا ثباحو طبعا هي بت رقيقهه خلاص حبوبه قالت ليها اها ي الواارثهه اخيرا ربنا غفر ليكي صحيتي قالت ليها يااا حبوبهه ياخ وباستها في خدها قالت لينا جعااانهه عايزة اعمل لي بيتزا نفسي فيها حبوبه قالت ليها بس تاكلي لي الا في اكل الكفار دة قعدت تضحك قولته ليها اهاوي حبوبهه الملاح جهز وين الكسسرة؟؟قالت لي رسلتهه زهرة تجيبها من بيت حجهه نفيسهه اسي بتجي قعدنا نتونس كدة بس جات زهرة داخلهه قالت ليها هبوبهه هجهه نفيسهه قال ماف كسرة الليلهه حبوبه قالت ليها كيف الكلام دة الليله حجه نفيسهه مالها سجمي

هديل قالت ليها شكلو اليوم انتو حتفطرو ببيتزاتي حقت الكفار دي حبوبه عشهه قالت ليها والله الا كان كدة

نتلاقى